Isaías 3:11 - Li Santil hu

¹¹ Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Q'eqchi Bible

¹¹ Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.

Isaías 3:11 ပူးပေါင်းရင်းမြစ်များ

Eclesiastés 8:13

Ac chꞌolchꞌo nak eb li nequeꞌxba̱nu li ma̱usilal incꞌaꞌ us teꞌxcꞌul xban nak yal nequeꞌxnumsi lix yuꞌameb chi ma̱cꞌaꞌ rajbal. Incꞌaꞌ nequeꞌxqꞌue xlokꞌal li Dios ut incꞌaꞌ nequeꞌxxucua ru.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Salmos 62:12

At Ka̱cuaꞌ, la̱at li nacat-uxta̱nan u. La̱at li nacatqꞌuehoc xkꞌajca̱munquil li junju̱nk aꞌ yal chanru lix yehom xba̱nuhom.

Salmos 28:4

Qꞌueheb chixtojbal xma̱queb aꞌ yal chanru li ma̱c li xeꞌxba̱nu. Qꞌueheb chixtojbal rix lix ma̱usilal xban nak aꞌan xcꞌulubeb nak teꞌxtoj rix lix ma̱queb.

Isaías 65:20

Incꞌaꞌ chic teꞌca̱mk li cꞌulaꞌal. Eb li che̱quel cristian toj ta̱tzꞌaklok lix chihabeb. Li ani teꞌca̱mk nak ac xeꞌxba̱nu oꞌcꞌa̱l chihab, chanchan nak toj sa̱jeb nak teꞌca̱mk. Cui ani nacam nak toj ma̱jiꞌ naxba̱nu oꞌcꞌa̱l chihab, aꞌan retalil nak tzꞌekta̱nanbilak xban lix ma̱c.

Isaías 48:22

—Abanan ma̱cꞌaꞌ li tuktu̱quil usilal chokꞌ reheb li nequeꞌxba̱nu ma̱usilal, chan li Ka̱cuaꞌ.

Proverbios 1:31

Joꞌcan nak anakcuan cꞌulumak chixjunil li raylal xchal saꞌ e̱be̱n xban li ma̱usilal xeba̱nu toj retal textitzꞌk riqꞌuin li cꞌaꞌak re ru incꞌaꞌ us xeba̱nu.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

2 Crónicas 6:23

la̱at toj saꞌ choxa ta̱cuabi lix tij ut tatrakok a̱tin saꞌ xbe̱neb saꞌ ti̱quilal. Ta̱qꞌue chixtojbal xma̱c li incꞌaꞌ us xnaꞌleb ut ta̱col rix li ma̱cꞌaꞌ xma̱c saꞌ xcꞌabaꞌ la̱ ti̱quilal.

Li xHu LAJ JOB 10:15

Cui cuan inma̱c tokꞌobak cuu xban nak tina̱qꞌue chixtojbal inma̱c. Ut cui cuanquin saꞌ xya̱lal, incꞌaꞌ ajcuiꞌ nasahoꞌ inchꞌo̱l xban nak cꞌajoꞌ li raylal nincꞌul ut xuta̱nal nin-el.

Proverbios 12:14

Li junju̱nk tixcꞌul xkꞌajca̱munquil aꞌ yal chanru lix yehom xba̱nuhom. Ut tixcꞌul lix tojbal aꞌ yal chanru lix naꞌleb.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Isaías 65:6

Abanan chixjunil tzꞌi̱banbil retalil inban. Incꞌaꞌ tincanab yal chi joꞌcan li cꞌaꞌru nequeꞌxba̱nu. Tinqꞌueheb ban lix kꞌajca̱munquileb.

Isaías 65:7

La̱in tinqꞌueheb chixtojbal rix li ma̱usilal li queꞌxba̱nu eb aꞌan joꞌ ajcuiꞌ li ma̱c li queꞌxba̱nu lix xeꞌto̱nil yucuaꞌeb nak queꞌxcꞌat li pom saꞌ eb li tzu̱l chiru lix artaleb ut quineꞌxtzꞌekta̱na. La̱in tinqꞌueheb lix kꞌajca̱munquil, chan li Dios.

Jeremías 21:14

La̱in texinqꞌue chixtojbal e̱ma̱c aꞌ yal chanru le̱ yehom e̱ba̱nuhom. La̱in tinsach e̱ru. Chanchan nak tinloch xxamlel li qꞌuicheꞌ ut tixsach chixjunil, chan li Ka̱cuaꞌ Dios.

Jeremías 31:30

Xban nak li ani naxlou li uvas rare, aꞌan ajcuiꞌ ta̱ecꞌa̱nk re lix cꞌahil. Naraj naxye nak li ani naxba̱nu li ma̱usilal, aꞌan ajcuiꞌ li ta̱ca̱mk xban lix ma̱usilal, chan li Dios.

Ezequiel 2:10

Quixte li hu chicuu ut tzꞌi̱banbil ru li hu xcaꞌ pacꞌalil. Saꞌ li hu aꞌan tzꞌi̱banbil retalil chixjunil li ya̱bac ut li raylal li ta̱cha̱lk saꞌ xbe̱neb laj Israel.

Ezequiel 18:20

Li ani ta̱ma̱cobk, aꞌan ta̱ca̱mk. Li alalbej incꞌaꞌ tixcꞌul li raylal saꞌ xcꞌabaꞌ li ma̱c li quixba̱nu lix yucuaꞌ. Chi moco li yucuaꞌbej tixcꞌul li raylal saꞌ xcꞌabaꞌ li ma̱c li quixba̱nu li ralal. Li ani nacuan saꞌ ti̱quilal tixcꞌul lix kꞌajca̱munquil ut li ani naxba̱nu li ma̱c tixcꞌul lix tojbal ma̱c.

Ezequiel 24:14

La̱in li Ka̱cuaꞌ xinyehoc re aꞌin. Xcuulac xkꞌehil nak texinqꞌue chixtojbal e̱ma̱c. Incꞌaꞌ tincuy e̱ma̱c ut incꞌaꞌ tincuil xtokꞌoba̱l e̱ru. La̱in incꞌaꞌ tinjal incꞌaꞌux. Ta̱rakekꞌ a̱tin saꞌ e̱be̱n aꞌ yal chanru le̱ yehom e̱ba̱nuhom, chan li nimajcual Dios.

Ezequiel 33:8

Cui tinye a̱cue nak ta̱ca̱mk junak li incꞌaꞌ us xnaꞌleb, tento nak la̱at ta̱ye re li jun aꞌan nak incꞌaꞌ us yo̱, re nak ta̱yotꞌekꞌ xchꞌo̱l ut tixjal xcꞌaꞌux. Cui incꞌaꞌ ta̱chꞌolob xya̱lal chiru, aꞌan ta̱ca̱mk xban lix ma̱c. Abanan saꞌ a̱be̱n la̱at ta̱cana̱k lix camic.

Miqueas 3:4

Te̱ya̱ba raj chic xcꞌabaꞌ li Ka̱cuaꞌ, abanan aꞌan incꞌaꞌ chic texsume. Xmukbal ban chic rib tixba̱nu che̱ru saꞌ eb li cutan aꞌan, xban nak numtajenak li ma̱usilal ac xeba̱nu.

Miqueas 7:13

Ut xban li ma̱usilal li yo̱quex chixba̱nunquil la̱ex aj Israel, le̱ chꞌochꞌ incꞌaꞌ chic us ta̱cana̱k. Ma̱cꞌaꞌ chic ta̱e̱lk chiru.

Números 32:23

Abanan cui incꞌaꞌ te̱ba̱nu li cꞌaꞌru xeyechiꞌi re li Ka̱cuaꞌ, qꞌuehomak retal nak texma̱cobk chiru li Ka̱cuaꞌ. Ut la̱ex te̱cꞌul xtojbal le̱ ma̱c.

Jueces 9:57

Ut li Dios quixqꞌueheb ajcuiꞌ chixtojbal rix lix ma̱queb li cui̱nk li cuanqueb Siquem. Queꞌxcꞌul joꞌ quixye laj Jotam li ralal laj Jerobaal.

2 Samuel 3:39

Usta la̱in li rey li sicꞌbil cuu xban li Dios, abanan nacuecꞌa nak ma̱cꞌaꞌ incuanquil. Eb li cui̱nk aꞌin, lix yum lix Sarvia, kꞌaxal cauheb rib chicuu la̱in. Li Ka̱cuaꞌ chiqꞌuehok reheb chixtojbal xma̱queb joꞌ xcꞌulubeb xban li ma̱usilal queꞌxba̱nu, chan laj David.

1 Reyes 21:21

Joꞌcan nak li Ka̱cuaꞌ xye a̱cue chi joꞌcaꞌin: “La̱in tinqꞌue raylal saꞌ a̱be̱n. Tinsach ruheb chixjunileb la̱ cualal a̱cꞌajol li cuanqueb Israel ut tinsach ruheb chixjunileb li cui̱nk li cuanqueb saꞌ la̱ cuochoch, joꞌ mo̱s joꞌ ajcuiꞌ li ma̱cuaꞌeb mo̱s.

Proverbios 11:31

Relic chi ya̱l nak li ti̱queb xchꞌo̱l nequeꞌxcꞌul lix kꞌajca̱munquil arin saꞌ ruchichꞌochꞌ. ¿Ma tojaꞌ ta chic eb laj ma̱c ut eb li incꞌaꞌ useb xnaꞌleb incꞌaꞌ teꞌxcꞌul xtojbal lix ma̱queb?

Proverbios 26:27

Li ani naxbec junak li jul re xtꞌanbal li ras ri̱tzꞌin, chi saꞌ ajcuiꞌ ta̱tꞌanekꞌ. Ut li ani naxtolcꞌosi junak pec re xtꞌanbal ras ri̱tzꞌin, saꞌ xbe̱n ajcuiꞌ ta̱tꞌanekꞌ.

Ezequiel 16:59

Li nimajcual Dios quixye: La̱in tatinqꞌue chixtojbal a̱ma̱c joꞌ a̱cꞌulub xcꞌulbal xban nak cacuisi xcuanquil li contrato ut incꞌaꞌ caba̱nu li cꞌaꞌru caye.