Isaías 3:10 - Li Santil hu

¹⁰ Us xak re li ti̱c xchꞌo̱l xban nak us ta̱e̱lk. Tixtzaca ru li racui̱mk.

Q'eqchi Bible

¹⁰ Us xaq re li tiik xch'ool xb'aan naq tixyal xsahil li xchaab'il k'anjel.

Isaías 3:10 ပူးပေါင်းရင်းမြစ်များ

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

Eclesiastés 8:12

Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Sofonías 2:3

Sicꞌomak li Ka̱cuaꞌ che̱junilex la̱ex li tu̱lanex saꞌ ruchichꞌochꞌ. Sicꞌomak li Ka̱cuaꞌ la̱ex li nequeba̱nu li cꞌaꞌru naraj li Ka̱cuaꞌ. Ti̱cak le̱ chꞌo̱l ut cheba̱nu li cha̱bilal. Ma̱re chan nak texcolekꞌ chiru lix joskꞌil li Dios saꞌ eb li cutan aꞌan.

Jeremías 15:11

At Ka̱cuaꞌ, chincꞌulak li cꞌaꞌru nequeꞌxye saꞌ inbe̱n, cui incꞌaꞌ xin-oquen chirixeb li xicꞌ nequeꞌiloc cue nak cuanqueb saꞌ ra xi̱cꞌ ut cui incꞌaꞌ xintzꞌa̱ma usilal cha̱cuu saꞌ xbe̱neb nak cuanqueb saꞌ raylal.

Ezequiel 9:4

Ut li Ka̱cuaꞌ quixye re: —Ayu saꞌ li tenamit Jerusalén. Ta̱suti xsaꞌ li tenamit ut ta̱qꞌue retalileb saꞌ xpe̱quemeb li teꞌyotꞌekꞌ xban xrahileb xchꞌo̱l xban li ma̱usilal li yo̱queb chixba̱nunquil li tenamit, chan.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Éxodo 1:20

Li Ka̱cuaꞌ Dios quixba̱nu usilal reheb laj xoconeleb. Ut eb laj hebreo queꞌnabaloꞌ ut queꞌqꞌuian ut cauheb rib.

Deuteronomio 12:25

Me̱tzaca li quicꞌ re nak us tex-e̱lk riqꞌuin li cꞌaꞌru te̱ba̱nu. Ut re ajcuiꞌ nak us teꞌe̱lk le̱ ralal e̱cꞌajol li teꞌcua̱nk mokon xban nak yo̱kex chixba̱nunquil li ti̱quilal chiru li Ka̱cuaꞌ.

Salmos 58:11

Ut ta̱yema̱nk chi joꞌcaꞌin: Relic chi ya̱l nak cuan xkꞌajca̱munquileb li ti̱queb xchꞌo̱l. Relic chi ya̱l nak li Dios narakoc a̱tin saꞌ ti̱quilal saꞌ xbe̱neb li cuanqueb saꞌ ruchichꞌochꞌ.

Proverbios 12:14

Li junju̱nk tixcꞌul xkꞌajca̱munquil aꞌ yal chanru lix yehom xba̱nuhom. Ut tixcꞌul lix tojbal aꞌ yal chanru lix naꞌleb.

Proverbios 13:21

Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

Proverbios 18:21

Li ani cha̱bil naa̱tinac, cua̱nk xyuꞌam. Ut li ani incꞌaꞌ us ta̱a̱tinak tixbok li ca̱mc saꞌ xbe̱n. Li ani nequeꞌcuulac chiru a̱tinac chi nabal, teꞌxcꞌul lix tojbal rix.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

Jeremías 7:23

Li cꞌaꞌru quinchakꞌrabiheb cuiꞌ chak junxil, aꞌan aꞌin: te̱ba̱nu li cꞌaꞌru ninye ut la̱inak le̱ Dios ut la̱exak lin tenamit. Chexcua̱nk joꞌ ninye e̱re re nak us tex-e̱lk, chanquin reheb.

Jeremías 21:14

La̱in texinqꞌue chixtojbal e̱ma̱c aꞌ yal chanru le̱ yehom e̱ba̱nuhom. La̱in tinsach e̱ru. Chanchan nak tinloch xxamlel li qꞌuicheꞌ ut tixsach chixjunil, chan li Ka̱cuaꞌ Dios.

Jeremías 22:15

At rey, ¿ma nacacꞌoxla nak la̱at cha̱bil rey yal xban nak cua̱nk la̱ cha̱bil palacio yi̱banbil riqꞌuin li cheꞌ chacalteꞌ? La̱ yucuaꞌ quixba̱nu li us ut quicuan saꞌ ti̱quilal. Joꞌcan nak us qui-el riqꞌuin li quixba̱nu. Incꞌaꞌ quipaltoꞌ cꞌaꞌru re.

Ezequiel 18:20

Li ani ta̱ma̱cobk, aꞌan ta̱ca̱mk. Li alalbej incꞌaꞌ tixcꞌul li raylal saꞌ xcꞌabaꞌ li ma̱c li quixba̱nu lix yucuaꞌ. Chi moco li yucuaꞌbej tixcꞌul li raylal saꞌ xcꞌabaꞌ li ma̱c li quixba̱nu li ralal. Li ani nacuan saꞌ ti̱quilal tixcꞌul lix kꞌajca̱munquil ut li ani naxba̱nu li ma̱c tixcꞌul lix tojbal ma̱c.

Miqueas 7:13

Ut xban li ma̱usilal li yo̱quex chixba̱nunquil la̱ex aj Israel, le̱ chꞌochꞌ incꞌaꞌ chic us ta̱cana̱k. Ma̱cꞌaꞌ chic ta̱e̱lk chiru.

Proverbios 10:6

Li ani ti̱c xchꞌo̱l na-osobtesi̱c xban li Dios. Ut eb li incꞌaꞌ useb xnaꞌleb mem teꞌcana̱k xban li raylal li ta̱cha̱lk saꞌ xbe̱neb.

San Lucas 19:19

Ut li rey quixye re: —Joꞌcan ajcuiꞌ la̱at. Cha̱bil xaba̱nu. Tinqꞌue a̱cuanquil saꞌ xbe̱n o̱b chi tenamit, chan.