Isaías 3:1 - Li Santil hu

¹ Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

Q'eqchi Bible

¹ K'ehomaq reetal naq li Qaawa', li Nimajwal Yos, tixkanab' Judá ut Jerusalén chi maak'a' chik wanq re, ut taarisi chixjunil li xwaheb' ut ruk'a'eb'.

Isaías 3:1 ပူးပေါင်းရင်းမြစ်များ

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Ezequiel 14:13

—At ralal cui̱nk, cui li tenamit nequeꞌxkꞌetkꞌeti ribeb chicuu ut incꞌaꞌ niquineꞌxlokꞌoni, la̱in tinqꞌueheb chixtojbal lix ma̱queb. Tincuisi chiruheb lix tzacae̱mkeb ut tintakla li cueꞌej saꞌ xbe̱neb. Teꞌca̱mk li cristian ut teꞌca̱mk ajcuiꞌ li xul.

Isaías 1:24

Joꞌcan nak li Ka̱cuaꞌ li nimajcual Dios, li cau rib saꞌ xbe̱neb laj Israel, naxye chi joꞌcaꞌin: —La̱in tincuisi injoskꞌil saꞌ e̱be̱n la̱ex li xicꞌ nequex-iloc cue. Tinqꞌue re̱kaj e̱re li cꞌaꞌru nequeba̱nu cue.

Jeremías 38:9

—At rey, yibru xeꞌxba̱nu eb li cui̱nk aꞌin nak xeꞌxcut li profeta Jeremías saꞌ jul. Aran naru nacam xban xtzꞌocajic xban nak ma̱cꞌaꞌ chic cua saꞌ li tenamit, chan.

Jeremías 37:21

Ut li rey Sedequías quixtakla xqꞌuebal chi pre̱xil laj Jeremías saꞌ li neba̱l re li cab, li nequeꞌcuan cuiꞌ li nequeꞌcꞌacꞌalen. Ut aran quicana. Rajlal cutan queꞌxqꞌue junju̱nk xcaxlan cua li queꞌxyi̱b laj yi̱bom caxlan cua toj retal qui-osoꞌ saꞌ li tenamit.

Isaías 51:22

Aꞌan aꞌin li naxye li Ka̱cuaꞌ le̱ Dios, li Ka̱cuaꞌ li nacoloc reheb lix tenamit: —La̱in xexcuisi saꞌ li raylal li cuanquex cuiꞌ. Xnumeꞌ lin joskꞌil. Incꞌaꞌ chic te̱cꞌul li raylal.

Isaías 36:12

Abanan laj Rabsaces quixye reheb: —La̱in incꞌaꞌ xintakla̱c chi a̱tinac caꞌaj cuiꞌ e̱riqꞌuin la̱ex ut riqꞌuin le̱ rey. Xintakla̱c ban chi a̱tinac riqꞌuineb li cuanqueb saꞌ li tzꞌac xban nak ta̱cuulak xkꞌehil nak eb aꞌan joꞌ ajcuiꞌ la̱ex te̱lou e̱cꞌot ut te̱rucꞌ le̱ chuꞌ, chan.

Isaías 5:13

Joꞌcan nak eb li tenamit teꞌchapekꞌ ut teꞌcꞌamekꞌ saꞌ jalan tenamit xban nak incꞌaꞌ nequeꞌxtau xya̱lal. Eb li cuanqueb xcuanquil teꞌca̱mk xban xtzꞌocajiqueb ut eb li jun chꞌol chic teꞌca̱mk xban chaki el.

Isaías 2:22

Me̱cꞌojob e̱chꞌo̱l saꞌ xbe̱neb li cristian xban nak eb aꞌan ma̱cꞌaꞌ nequeꞌoc cuiꞌ. Moco najt ta nequeꞌcuan. ¿Cꞌaꞌru aj e nak te̱qꞌueheb xlokꞌal?

Salmos 105:16

Li Ka̱cuaꞌ quixqꞌue jun li cueꞌej saꞌ lix tenamiteb laj Israel ut queꞌcana chi ma̱cꞌaꞌ chic xcuaheb.

Isaías 3:16

Li Ka̱cuaꞌ quixye ajcuiꞌ reheb: —Eb li ixk li cuanqueb Sión nequeꞌxnimobresi ribeb ut nequeꞌxtaksi li riloba̱l nak nequeꞌbe̱c. Kꞌetkꞌet nequeꞌiloc. Chanchan yo̱queb chi xajoc nak nequeꞌbe̱c. Ut nequeꞌrecꞌasi lix sahob ru li nequeꞌxqꞌue saꞌ xcux rokeb.

Isaías 9:20

Yalak bar teꞌxsicꞌ xtzacae̱mkeb li tenamit. Teꞌcuaꞌak ut incꞌaꞌ ta̱cꞌojla̱k xchꞌo̱leb. Junelic ban teꞌtzꞌoca̱k toj retal teꞌxtiu xtibeleb lix cocꞌaleb.

Jeremías 52:3

Xban nak quijoskꞌoꞌ li Ka̱cuaꞌ saꞌ xbe̱neb laj Judá ut eb laj Jerusalén, joꞌcan nak queꞌxcꞌul chixjunil li raylal aꞌin toj retal nak li Ka̱cuaꞌ quirisiheb saꞌ lix naꞌajeb. Ut li rey Sedequías incꞌaꞌ chic quixqꞌue rib chixtakla laj Nabucodonosor lix reyeb laj Babilonia.

Jeremías 52:6

Saꞌ li bele̱b xbe li xca̱ po re li chihab aꞌan, quinumta li cueꞌej saꞌ li tenamit Jerusalén ut ma̱cꞌaꞌ chic xtzacae̱mkeb.

Lamentaciones 5:4

Li haꞌ nakucꞌ toj nakalokꞌ. Ut joꞌcan ajcuiꞌ li kasiꞌ lokꞌbil.

Amós 4:6

Xexinqꞌue chixcuybal le̱ saꞌ yalak bar saꞌ eb li tenamit. Ut eb li cuanqueb saꞌ cꞌaleba̱l ma̱cꞌaꞌ chic xtzacae̱mkeb. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Miqueas 4:9

¿Cꞌaꞌut nak yo̱quex chixjapbal e̱re anakcuan, la̱ex aj Israel? ¿Ma xban nak xchapeꞌ le̱ rey malaj ut xban nak xcamsi̱c laj qꞌuehol e̱naꞌleb? Le̱ raylal chanchan xraylal li ixk li qꞌuira̱c re.

2 Reyes 25:3

Saꞌ li bele̱b xbe li xca̱ po re li chihab quinumta li cueꞌej saꞌ xbe̱neb li cuanqueb Jerusalén. Ut ma̱cꞌaꞌ chic xtzacae̱mkeb.