Isaías 28:12 - Li Santil hu

¹² Li Dios quixye reheb: —Aꞌan aꞌin li naꞌajej li texhila̱nk cuiꞌ. Arin ta̱sahokꞌ e̱chꞌo̱l, chan. Abanan, eb aꞌan incꞌaꞌ queꞌabin chiru.

Q'eqchi Bible

¹² Li Qaawa' ak xyehom reheb': “Arin wank li na'ajej re hilank, arin naru wank sa' xyaalal. K'ehomaqeb' b'i' chi hilank li tawajenaqeb'”. Ab'anan ink'a' xe'raj xpaab'ankil a'an.

Isaías 28:12 ပူးပေါင်းရင်းမြစ်များ

Isaías 30:15

Ut quixye ajcuiꞌ li Ka̱cuaꞌ li Dios Santo li nequeꞌxlokꞌoni eb laj Israel: —Sukꞌinkex cuiqꞌuin. Cꞌojobomak le̱ chꞌo̱l cuiqꞌuin ut texcolekꞌ. Cui la̱ex tex-oybeni̱nk cuiqꞌuin, te̱tau le̱ cacuilal, chan li Dios. Abanan la̱ex incꞌaꞌ queraj.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Zacarías 7:14

Chanchan xeꞌcꞌameꞌ xban li ikꞌ li naxsuti rib nak quinjeqꞌui ruheb yalak bar saꞌ eb li jalan tenamit bar incꞌaꞌ nequeꞌxnau. Ut lix naꞌajeb li queꞌel cuiꞌ xcana chi ma̱cꞌaꞌ chic cuan chi saꞌ. Xcana joꞌ jun chaki chꞌochꞌ ut ma̱ ani chic naru nacuan aran. Kꞌaxal cha̱bil raj li chꞌochꞌ, abanan quicanaba̱c joꞌ jun chaki chꞌochꞌ.—

Jeremías 44:16

—La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Hebreos 12:25

Me̱tzꞌekta̱na li ra̱tin li Dios joꞌ queꞌxba̱nu eb laj Israel. Eb aꞌan incꞌaꞌ queꞌxcuy rabinquil xchakꞌrab li Dios ut queꞌxtzꞌekta̱na li ra̱tin nak quichꞌoloba̱c chak xya̱lal chiruheb aran saꞌ li tzu̱l. Ut quirakeꞌ a̱tin saꞌ xbe̱neb. Cui incꞌaꞌ queꞌcoleꞌ eb aꞌan, ¿ma tojaꞌ ta chic la̱o tocolekꞌ cui takatzꞌekta̱na li Dios li naa̱tinac chak toj saꞌ choxa?

Zacarías 7:11

Le̱ xeꞌto̱nil yucuaꞌ incꞌaꞌ queꞌraj xba̱nunquil li cꞌaꞌru quinye reheb. Queꞌxkꞌetkꞌeti ban ribeb. Incꞌaꞌ queꞌraj rabinquil li cua̱tin.—

2 Crónicas 14:11

Laj Asa quixya̱ba xcꞌabaꞌ li Ka̱cuaꞌ lix Dios ut quixye re: —At Ka̱cuaꞌ, at inDios, la̱at nacattenkꞌan reheb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Choa̱tenkꞌa, at Ka̱cuaꞌ at kaDios, xban nak a̱cuiqꞌuin cau kachꞌo̱l. Xochal chi pletic riqꞌuineb li cui̱nk aꞌin saꞌ a̱cꞌabaꞌ la̱at. At Ka̱cuaꞌ, la̱at li kaDios. Incꞌaꞌ naru nanumta junak cui̱nk cha̱cuu la̱at, chan.

Isaías 32:17

Chixjunileb teꞌxba̱nu li us ut teꞌcua̱nk saꞌ tuktu̱quil usilal. Cꞌojcꞌo̱keb chic xchꞌo̱leb chi junelic.

Isaías 32:18

Eb lin tenamit teꞌcua̱nk saꞌ rochocheb saꞌ tuktu̱quil usilal. Cꞌojcꞌo̱queb chic xchꞌo̱leb. Teꞌhila̱nk saꞌ xya̱lal. Ma̱cꞌaꞌ ta̱chꞌiꞌchꞌiꞌi̱nk reheb.

Isaías 29:12

Ut cui ta te̱ye re junak incꞌaꞌ naxnau iloc ru hu: “Il xsaꞌ li hu aꞌin”, aꞌan tixye e̱re: “La̱in incꞌaꞌ ninnau iloc ru hu”, chaꞌak.