Isaías 28:1 - Li Santil hu

¹ Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Q'eqchi Bible

¹ Rahilal chaalel sa' xb'een Samaria li nak'ehok xwankilal ut xnimob'resinkil rib' laj Efraín, ab'anan yal jun ch'uuteb' chi aj kalajenaq. Chanchaneb' jun sahob' u yiib'anb'il rik'in tz'umjenaqil uutz'u'uj, xaqxo sa' xb'een li ru taq'a k'ajo' xq'emal; a'aneb' oso'jenaqeb' chi junwaakaj xb'aan li ha' nakaltesink.

Isaías 28:1 ပူးပေါင်းရင်းမြစ်များ

Oseas 7:5

Saꞌ lix ninkꞌe, li rey quicaltesi̱c xbaneb li nequeꞌcꞌanjelac chiru. Ut li rey qui-oc chixba̱nunquil li yibru naꞌleb saꞌ xya̱nkeb li incꞌaꞌ useb xnaꞌleb.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

Amós 6:6

Ni̱nki secꞌ nequerucꞌ cuiꞌ le̱ vino. Ut nequerocsi li sununquil ban li kꞌaxal terto xtzꞌak. Abanan incꞌaꞌ nayotꞌeꞌ e̱chꞌo̱l xban li raylal li yo̱queb chixcꞌulbal le̱ ras e̱ri̱tzꞌin la̱ex laj Israel.

Amós 6:1

Raylal ta̱cha̱lk saꞌ xbe̱neb li sa cuanqueb aran Sión. Raylal ta̱cha̱lk saꞌ xbe̱neb li cꞌojcꞌo̱queb xchꞌo̱l chi cua̱nc saꞌ li tzu̱l Samaria. Aꞌaneb li cuib chi tenamit li kꞌaxal nim xcuanquil saꞌ xya̱nkeb chixjunileb. Ut junes riqꞌuineb aꞌan cauheb xchꞌo̱l chixjunileb laj Israel.

Amós 2:12

Ut quixye ajcuiꞌ: —Abanan la̱ex quemin ruheb laj nazareo chi ucꞌac vino, ut quetacchiꞌiheb li profeta nak incꞌaꞌ teꞌxye li cua̱tin reheb li tenamit.

Amós 2:8

Chixcꞌatkeb li artal nequeꞌxhel chokꞌ xnaꞌajeb li tꞌicr li nacanaba̱c riqꞌuineb chokꞌ prenda xbaneb laj toꞌ tumin. Nequeꞌxlokꞌ lix vino li nequeꞌrucꞌ saꞌ rochoch lix dioseb riqꞌuin li tumin li nequeꞌxmakꞌ chiruheb li ma̱cꞌaꞌeb xma̱c.

Oseas 6:10

Kꞌaxal yibru li quicuil saꞌ xya̱nkeb lin tenamit Israel. Eb li ralal xcꞌajol laj Efraín queꞌxlokꞌoni li yi̱banbil dios ut li ma̱usilal aꞌan quixbon rib riqꞌuineb chixjunileb laj Israel.

Oseas 5:5

Xban lix kꞌetkꞌetileb laj Israel nacꞌutun nak cuanqueb xma̱c. Ut xban lix kꞌetkꞌetileb, eb li ralal xcꞌajol laj Israel ut eb li ralal xcꞌajol laj Efraín teꞌosokꞌ saꞌ li ma̱c. Ut teꞌosokꞌ ajcuiꞌ saꞌ lix ma̱queb li ralal xcꞌajol laj Judá.

Oseas 4:11

Ut quixye ajcuiꞌ li Ka̱cuaꞌ: —Yo̱ chi sachc xnaꞌlebeb lin tenamit xban li cala̱c ut li ucꞌac vino ut xban li coꞌbe̱tac yumbe̱tac nequeꞌxba̱nu.

Isaías 9:9

Chixjunileb laj Israel teꞌxnau nak li Ka̱cuaꞌ, aꞌan li quiba̱nun re aꞌan. Teꞌxnau chixjunileb li ralal xcꞌajol laj Efraín ut li tenamit Samaria, li nequeꞌxkꞌetkꞌeti ribeb ut nequeꞌxnimobresi ribeb chixyebal:

Isaías 8:4

Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

Isaías 5:22

Raylal ta̱cha̱lk saꞌ e̱be̱n la̱ex li nequexnumta chi cala̱c ut la̱ex li cuan e̱naꞌleb re xyi̱banquil li haꞌ li nacaltesin.

Isaías 5:11

Raylal cha̱lel saꞌ e̱be̱n la̱ex li nequexcuacli toj ekꞌela ut nequexxic chi cala̱c toj retal nequex-oc kꞌojyi̱n chi cala̱c.

Proverbios 23:29

¿Aniheb li teꞌcꞌuluk re li raylal? ¿Aniheb li teꞌcꞌuluk re li chꞌaꞌajquilal? ¿Aniheb li nequeꞌpletic? Ut, ¿aniheb li nequeꞌya̱bac? ¿Aniheb li nequeꞌtochꞌeꞌ chi ma̱cꞌaꞌ rajbal? Ut, ¿aniheb li cak cak nequeꞌiloc?

2 Crónicas 28:6

Chiru jun cutan li rey Peka li ralal laj Remalías quixcamsiheb aran Judá jun ciento riqꞌuin junmay mil (120,000) chi soldado cauheb xchꞌo̱l chi pletic. Quicꞌulman chi joꞌcan xban nak eb laj Judá queꞌxtzꞌekta̱na li Ka̱cuaꞌ lix Dioseb lix xeꞌto̱nil yucuaꞌ.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

Levítico 26:19

La̱in tincuisi le̱ kꞌetkꞌetil ut incꞌaꞌ chic te̱nimobresi e̱rib. Incꞌaꞌ chic tixqꞌue li hab. Ut ta̱chakik le̱ chꞌochꞌ ut ta̱cacuu̱k joꞌ xcacuil li chꞌi̱chꞌ bronce.

Oseas 5:9

Eb li ralal xcꞌajol laj Efraín teꞌcana̱k chi ma̱cꞌaꞌ cuan reheb saꞌ xkꞌehil li rakba a̱tin. Eb li ralal xcꞌajol laj Israel teꞌxnau nak relic chi ya̱l joꞌcaꞌin ta̱cꞌulma̱nk.

Isaías 9:8

Li Ka̱cuaꞌ Dios quixtakla xyebal resil li raylal li ta̱cha̱lk saꞌ xbe̱neb laj Israel, li ralal xcꞌajol laj Jacob.

Isaías 9:11

Li Ka̱cuaꞌ quixchikꞌ xjoskꞌileb li xicꞌ nequeꞌiloc reheb. Queꞌxchꞌutub ribeb re teꞌxic chi pletic riqꞌuineb laj Israel.

Amós 4:1

Abihomak ex ixk aj Samaria. Chanchanex li cuacax aran Basán, li ni̱nkeb ut chꞌolaninbil chi us. La̱ex nequerahobtesi li ma̱cꞌaꞌeb xcuanquil ut eb li nebaꞌ. Ut nequetaklaheb le̱ be̱lom chixcꞌambal e̱vino re te̱rucꞌ.

Amós 6:4

Nequexcuar saꞌ le̱ cha̱bil chꞌa̱t yi̱banbil riqꞌuin marfil ut nequexhilan saꞌ le̱ cha̱bil hiloba̱l nak nequexcuaꞌac. Nequetiu li ral li carner nequechap chak saꞌ xya̱nkeb li queto̱mk joꞌ ajcuiꞌ li ral cuacax li cuanqueb saꞌ corral.

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.