Isaías 27:8 - Li Santil hu

⁸ Li Ka̱cuaꞌ quixqꞌueheb laj Israel chixtojbal lix ma̱queb nak quixcanabeb saꞌ rukꞌeb li jalaneb xtenamit. Queꞌchapeꞌ ut queꞌcꞌameꞌ chi pre̱xil saꞌ jalan tenamit. Chanchan nak queꞌcꞌameꞌ xban li cacuil ikꞌ li nachal saꞌ releb sakꞌe.

Q'eqchi Bible

⁸ Kixrahob'tesi li xtenamit naq kirisi sa' li xna'ajeb' ut kixtaqlaheb' sa' jalanil tenamit; kiraanilasiheb' chi najt xb'aan li xxiwajel josq'il, jo' naq na'apunk li kawil iq' nachalk sa' xjayal releb'l saq'e.

Isaías 27:8 ပူးပေါင်းရင်းမြစ်များ

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Ezequiel 19:12

Abanan cuan li queꞌjoskꞌoꞌ riqꞌuin ut queꞌxmichꞌ lix xeꞌ ut queꞌxcut saꞌ chꞌochꞌ. Ut li ru quichakic xban li tikcual ikꞌ li xchal saꞌ li este. Quitokeꞌ li rukꞌ ut queꞌchakic ut queꞌcꞌateꞌ.

Jeremías 10:24

At Ka̱cuaꞌ, choa̱kꞌus taxak saꞌ ti̱quilal. Moa̱kꞌus saꞌ joskꞌil ma̱re anchal incꞌaꞌ takacuy.

Jeremías 4:11

Ta̱cuulak xkꞌehil nak ta̱yehekꞌ reheb li tenamit aꞌin ut reheb laj Jerusalén chi joꞌcaꞌin: Chanchan jun li tikcual ikꞌ li ta̱cha̱lk saꞌ li chaki chꞌochꞌ. Ma̱cuaꞌ li kꞌunil ikꞌ li narisi rix li trigo.

1 Pedro 1:6

Usta te̱cꞌul nabal pa̱y ru li raylal re xyalbal rix le̱ pa̱ba̱l saꞌ ruchichꞌochꞌ aꞌin, chisahokꞌ saꞌ le̱ chꞌo̱l xban nak ac colbilex chic.

Oseas 13:15

Usta kꞌaxal nabal cꞌaꞌru reheb li ralal xcꞌajol laj Efraín chiruheb laj Israel li rech tenamitil, aban la̱in tincuisi chiruheb chixjunil li cꞌaꞌru cuan reheb. Nak nachal li ikꞌ saꞌ releb sakꞌe cuan cuiꞌ li chaki chꞌochꞌ, nachakic li yuꞌam haꞌ xban li ikꞌ ut nachakic ajcuiꞌ li acui̱mk. Joꞌcan ajcuiꞌ tinba̱nu la̱in riqꞌuineb. Tinsach chixjunil li cꞌaꞌru cuan reheb.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.

Jeremías 4:27

Li Ka̱cuaꞌ quixye nak tixsach ru lix chꞌochꞌeb. Abanan incꞌaꞌ tixsach ruheb chi junaj cua.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

Isaías 57:16

Moco junelic ta yo̱kin chixcꞌutbal chiruheb lin tenamit lix ma̱queb, ut moco junelic ta yo̱kin chi joskꞌocꞌ riqꞌuineb. Cui junelic yo̱kin chixyebal reheb, ta̱chꞌina̱nk xchꞌo̱leb li cristian li quinyoꞌobtesiheb ut incꞌaꞌ raj teꞌxcuy rabinquil.

Isaías 54:7

Junpa̱t ajcuiꞌ xexincanab e̱junes. Anakcuan tincuuxta̱na e̱ru ut texincꞌam cuiꞌchic cuiqꞌuin.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Isaías 10:12

Abanan nak li Ka̱cuaꞌ acak xrakeꞌ chi rakoc a̱tin saꞌ xbe̱neb li cuanqueb aran Jerusalén ut saꞌ li tzu̱l Sión, tojoꞌnak tixqꞌue chixtojbal xma̱c lix reyeb laj Asiria xban nak naxkꞌetkꞌeti rib ut naxnimobresi rib.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Salmos 103:14

Li Ka̱cuaꞌ naxnau nak yal cristiano ut saꞌ junpa̱t nachꞌinan kachꞌo̱l. Najulticoꞌ re nak yal chꞌochꞌ oquenako.

Salmos 78:38

Abanan junelic quixtokꞌoba ruheb. Quixcuy xma̱queb. Nabal sut quijoskꞌoꞌ saꞌ xbe̱neb; abanan quixcuy rib. Joꞌcan nak incꞌaꞌ quixsach ruheb xban xjoskꞌil.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Salmos 38:1

At Ka̱cuaꞌ, mina̱kꞌus saꞌ joskꞌil ut mina̱qꞌue chixtojbal rix inma̱c.

Salmos 6:1

At Ka̱cuaꞌ, mina̱kꞌus chi yo̱ a̱joskꞌil, ut mina̱qꞌue chixtojbal inma̱c xban a̱joskꞌil.

Li xHu LAJ JOB 23:6

La̱in ninnau nak aꞌan kꞌaxal nim xcuanquil. Abanan moco xban ta nak nim xcuanquil nak incꞌaꞌ ta̱rabi li cꞌaꞌru tintzꞌa̱ma chiru.

Salmos 103:9

Moco rajlal ta yo̱ chi kꞌusuc chi moco najoskꞌoꞌ ta chi junaj cua.

Isaías 64:5

La̱at nacattenkꞌan reheb li nequeꞌxba̱nu li us chi anchaleb xchꞌo̱l ut junelic cuan saꞌ xchꞌo̱leb li cꞌaꞌru nacacuaj la̱at. Abanan xban nak junelic yo̱co chi ma̱cobc cha̱cuu, joꞌcan nak xatjoskꞌoꞌ kiqꞌuin. ¿Ma naru ta biꞌ nak tocolekꞌ xban li ma̱c xkaba̱nu?

Lamentaciones 3:31

Li Ka̱cuaꞌ incꞌaꞌ nocoxtzꞌekta̱na chi junaj cua.

Lamentaciones 3:32

Usta naxqꞌue xrahil kachꞌo̱l, abanan naruxta̱na ku xban nak kꞌaxal nim li ruxta̱n saꞌ kabe̱n.