Isaías 27:3 - Li Santil hu

³ Eb laj Israel, aꞌaneb lix naꞌaj lin uvas. La̱in li Ka̱cuaꞌ nin-iloc reheb. Chanchan nintꞌakresi nak nacuileb. Nequeꞌcuil chi kꞌek chi cutan re nak ma̱cꞌaꞌ teꞌxcꞌul.

Q'eqchi Bible

³ Laa'in, li Qaawa', nin'ilok re ut kok'aq xsa' nint'aqresi. Nink'aak'ale chi q'eq ut chi kutan re naq maajun taach'e'oq re.

Isaías 27:3 ပူးပေါင်းရင်းမြစ်များ

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

1 Samuel 2:9

Aꞌan narileb li ti̱queb xchꞌo̱l, aban eb li incꞌaꞌ useb xnaꞌleb naxcanabeb chi ca̱mc saꞌ xkꞌojyi̱nal ru li ma̱c xban nak ma̱ ani cau rib yal xjunes rib.

Ezequiel 34:11

Joꞌcaꞌin quixye li nimajcual Dios: —Abihomak li tinye e̱re. La̱in tebinsicꞌ lin carner toj retal tebintau ut la̱in chic tin-ilok reheb xban nak la̱in ninnauheb ru.

Ezequiel 37:14

Ut la̱in tinqꞌue lin musikꞌ e̱re re nak yoꞌyo̱kex. Texinqꞌue chi hila̱nc saꞌ le̱ naꞌaj. Ut riqꞌuin aꞌan te̱nau nak la̱in li Ka̱cuaꞌ. Xinye nak tinba̱nu aꞌan ut tinba̱nu li cꞌaꞌru xinye, chan li Ka̱cuaꞌ.

Ezequiel 34:24

La̱in li Ka̱cuaꞌ. La̱inak lix Dioseb ut laj David laj cꞌanjel chicuu ta̱takla̱nk saꞌ xbe̱neb. La̱in li Ka̱cuaꞌ xinyehoc re aꞌin.

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Isaías 46:4

La̱in junelic tin-ilok e̱re toj saꞌ e̱ti̱xilal. Texcuil nak sak chic le̱ jolom. La̱in quinyoꞌobtesin e̱re ut la̱in tin-ilok e̱re. La̱in tintenkꞌa̱nk e̱re ut tincolok e̱re.

Isaías 5:6

Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

Salmos 46:5

Li Dios cuan riqꞌuin lix tenamit junelic ut aꞌan ta̱colok re. Li Dios ta̱tenkꞌa̱nk re chi sake̱uc.

Génesis 6:17

Ut la̱in tinqꞌue li nimla butꞌi haꞌ saꞌ ruchichꞌochꞌ, re nak teꞌosokꞌ chixjunil li cuanqueb jun sut rubel choxa. Chixjunil li cuanqueb saꞌ ruchichꞌochꞌ talajeꞌca̱mk.

Ezequiel 37:28

Ut eb li xni̱nkal ru tenamit teꞌxqꞌue retal nak la̱in li Ka̱cuaꞌ quinsantobresiheb laj Israel nak quinqꞌue chi cua̱nc lin templo chi junelic saꞌ xya̱nkeb, chan li Ka̱cuaꞌ.

Génesis 9:9

—Abihomak li cꞌaꞌru tinye e̱re. La̱in tinba̱nu jun li contrato e̱riqꞌuin la̱ex ut riqꞌuineb ajcuiꞌ le̱ ralal e̱cꞌajol.

Isaías 31:5

Joꞌ nak li xul nequeꞌrupupic saꞌ xbe̱n lix soc chixcolbaleb li cocꞌ ral, joꞌcan nak la̱in li nimajcual Dios tincuileb ut tincoleb laj Jerusalén ut tintenkꞌaheb.

Isaías 42:6

La̱in li Ka̱cuaꞌ li nimajcual Dios. La̱in xinsicꞌoc a̱cuu. La̱in xinqꞌuehoc re la̱ cuanquilal re nak ta̱xakab li ti̱quilal saꞌ ruchichꞌochꞌ. Saꞌ a̱cꞌabaꞌ la̱at la̱in tinba̱nu li contrato riqꞌuineb li tenamit. Ut la̱at tatcutanobresi̱nk re lix cꞌaꞌuxeb li tenamit li ma̱cuaꞌeb aj judío.

Isaías 49:8

Joꞌcaꞌin naxye li Ka̱cuaꞌ li nimajcual Dios: —Saꞌ xkꞌehil la̱in tinsume la̱ tij. Saꞌ xkꞌehil li colba-ib la̱in tintenkꞌa̱nk a̱cue. La̱in tin-ilok a̱cue ut tatinqꞌue chixxakabanquil lin contrato riqꞌuineb lin tenamit. Tatinqꞌue cuiꞌchic chi cua̱nc saꞌ la̱ naꞌaj ut ta̱cꞌameb cuiꞌchic lin tenamit saꞌ xnaꞌajeb.

1 Reyes 8:59

Chixjunil li cꞌaꞌak re ru aꞌin li xintzꞌa̱ma saꞌ lin tij chiru li Ka̱cuaꞌ, junelic taxak chijulticokꞌ re chi kꞌek chi cutan. Tinixtenkꞌa taxak la̱in laj cꞌanjel chiru ut tixtenkꞌa taxak lix tenamit Israel, aꞌ yal cꞌaꞌru teꞌraj cuiꞌ tenkꞌa̱c.

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.