Isaías 27:13 - Li Santil hu

¹³ Saꞌ eb li cutan aꞌan ta̱ya̱basi̱k chi cau li trompeta. Eb laj Israel li queꞌchapeꞌ ut queꞌcꞌameꞌ saꞌ eb li tenamit Asiria ut Egipto teꞌxchꞌutub ribeb ut teꞌxic Jerusalén ut teꞌxlokꞌoni li Ka̱cuaꞌ saꞌ lix santil tzu̱l.

Q'eqchi Bible

¹³ Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Isaías 27:13 ပူးပေါင်းရင်းမြစ်များ

San Mateo 24:31

Ut nak ta̱ecꞌa̱nk chak chi cau li trompeta, tintaklaheb lin ángel. Ut teꞌxchꞌutub li sicꞌbileb ru inban li cua̱nkeb yalak bar jun sut rubel choxa jun sut saꞌ ruchichꞌochꞌ.

Levítico 25:9

Ut saꞌ li laje̱b xbe li xcuuk li po re li chihab aꞌan, te̱ya̱basiheb li trompeta saꞌ chixjunil li tenamit. Aꞌan li cutan nak nequexninkꞌei̱c ut nequexmayejac re xtojbal rix le̱ ma̱c.

Hebreos 12:22

Abanan la̱ex incꞌaꞌ xeba̱nu joꞌ queꞌxba̱nu eb laj Israel. Nak la̱ex nequepa̱b li Cristo, chanchan nak ac xexjiloc riqꞌuin li tzu̱l Sión. Sión naraj naxye li santil choxa cuan cuiꞌ li yoꞌyo̱quil Dios. Acꞌ Jerusalén nayeman ajcuiꞌ re li naꞌajej aꞌan. Aran cuanqueb li qꞌuila okꞌob chi ángel. Yo̱queb chixlokꞌoninquil li Dios.

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

Zacarías 14:16

Ut li joꞌ qꞌuial chic li teꞌcolekꞌ nak teꞌpletik riqꞌuineb laj Jerusalén, rajlal chihab teꞌxic aran Jerusalén chixlokꞌoninquil li tzꞌakal Rey, li nimajcual Dios. Ut aran teꞌxyi̱b li cocꞌ muheba̱l re nak teꞌxba̱nu li ninkꞌe re xbantioxinquil chiru li Ka̱cuaꞌ nak queꞌcoleꞌ.

Isaías 11:16

Nak eb li joꞌ qꞌuial chic li teꞌcolekꞌ teꞌe̱lk Asiria teꞌnumekꞌ saꞌ jun li nimla be joꞌ queꞌxba̱nu eb laj Israel nak queꞌel chak Egipto junxil.

1 Crónicas 15:24

Ut eb li yo̱queb chixya̱basinquil lix trompeta chiru li Lokꞌlaj Ca̱x nak yo̱queb chi xic, aꞌan eb laj tij. Aꞌan eb laj Sebanías, laj Josafat, laj Natanael, laj Amasai, laj Zacarías, laj Benaía ut laj Eliezer. Ut laj Obed-edom ut laj Jehías, aꞌaneb ajcuiꞌ li nequeꞌcꞌacꞌalen re li Lokꞌlaj Ca̱x.

Apocalipsis 10:7

Nak tixya̱basi lix trompeta li xcuuk ángel, saꞌ eb li cutan aꞌan ta̱tzꞌaklok ru lix cꞌaꞌux li Dios, li mukmu nak quicuan. Ta̱tzꞌaklok ru joꞌ quixye reheb li profeta li queꞌcꞌanjelac chiru, chan.

Apocalipsis 9:14

Quixye re li xcuak ángel li cuan xtrompeta riqꞌuin: —Hiteb li ca̱hib chi ángel li bacꞌbo̱queb chire li nimaꞌ Éufrates, chan.

Apocalipsis 8:6

Ut eb li cuukub chi ángel queꞌxcauresi ribeb chixya̱basinquil li cuukub chi trompeta li cuan riqꞌuineb.

Apocalipsis 8:2

Ut quicuil cuukub li ángel xakxo̱queb chiru li Dios. Ut queꞌqꞌueheꞌ cuukub li trompeta reheb.

1 Ts 4:16

Ut nak ta̱cubek chak li Ka̱cuaꞌ Jesucristo saꞌ choxa, tixjap re chi takla̱nc. Li xbe̱nil ángel tixjap re chi bokoc, ut ta̱ya̱basi̱k xtrompeta li Dios. Ut li teꞌcuacli̱k xbe̱n cua, aꞌaneb li ac camenakeb, li queꞌpa̱ban re li Cristo.

Romanos 10:18

Ut la̱in ninye, ¿ma ya̱l ta biꞌ nak eb laj Israel incꞌaꞌ queꞌrabi chak resil junxil? Queꞌrabi. ¿Cꞌaꞌut nak incꞌaꞌ? Xban nak tzꞌi̱banbil chi joꞌcaꞌin saꞌ li Santil Hu: Saꞌ chixjunil li ruchichꞌochꞌ qui-el resil ut jun sut rubel choxa quicuulac li ra̱tineb. (Sal. 19:4)

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Oseas 11:11

Chanchanakeb laj xicꞌanel xul nak teꞌcha̱lk cuiqꞌuin saꞌ junpa̱t joꞌ nak queꞌel chak Egipto. Ut chanchanakeb li mucuy nak teꞌe̱lk chak Asiria. Ut la̱in tebinqꞌue cuiꞌchic chi cua̱nc saꞌ lix naꞌajeb, chan li Ka̱cuaꞌ.

Oseas 9:3

La̱ex incꞌaꞌ texcana̱k arin saꞌ li naꞌajej li qꞌuebil e̱re xban li Dios. La̱ex ralal xcꞌajol laj Efraín, texcana̱k rubel xtakl laj Asiria. Chanchan nak quexcuan chak Egipto. Ut te̱tzaca li tzacae̱mk li yebil e̱re nak incꞌaꞌ us te̱tzaca.

Oseas 8:13

Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.

Jeremías 44:28

Moco nabaleb ta li teꞌe̱lk Egipto li teꞌxic cuiꞌchic chi cua̱nc Judá. Moco qꞌuiheb ta li incꞌaꞌ teꞌcamsi̱k. Ut chixjunileb laj Judá li incꞌaꞌ queꞌsacheꞌ ru, li queꞌchal chak Egipto, teꞌxqꞌue retal li cꞌaꞌru ta̱cꞌulma̱nk, ma li xinye la̱in, malaj ut li cꞌaꞌru xeꞌxye eb aꞌan.

Jeremías 43:7

Joꞌcaꞌin nak queꞌxkꞌet ra̱tin li Dios nak queꞌco̱eb Egipto ut queꞌcuulac toj Tafnes.

Isaías 66:18

La̱in ninnau cꞌaꞌru nequeꞌxcꞌoxla. La̱in ninqꞌue retal cꞌaꞌru nequeꞌxba̱nu. Ta̱cuulak xkꞌehil nak la̱in tinchꞌutubeb chixjunileb li xni̱nkal ru tenamit li jalan jala̱nk ra̱tinoba̱leb. Nak teꞌcuulak Jerusalén, teꞌril lin lokꞌal.

Isaías 56:8

Li Ka̱cuaꞌ Dios li nachꞌutuban reheb laj Israel li cuanqueb chak yalak bar saꞌ eb li tenamit ut naxcꞌameb cuiꞌchic saꞌ xtenamiteb naxye chi joꞌcaꞌin: —Toj cuanqueb ajcuiꞌ li tincꞌameb chi cua̱nc saꞌ xya̱nkeb laj Israel.—

Isaías 25:6

Saꞌ li tzu̱l Sión li Ka̱cuaꞌ li nimajcual Dios tixba̱nu jun li ninkꞌe re chixjunileb li xni̱nkal ru tenamit. Teꞌxtzaca li cha̱bil tzacae̱mk ut teꞌrucꞌ li cha̱bil vino.

Isaías 19:21

Li Ka̱cuaꞌ tixcꞌutbesi rib chiruheb laj Egipto re nak teꞌxqꞌue retal nak aꞌan li Ka̱cuaꞌ ut teꞌxlokꞌoni. Teꞌxqꞌue chokꞌ xmayej li ru li trigo ut teꞌmayejak chiru li Ka̱cuaꞌ. Teꞌxye re li Ka̱cuaꞌ cꞌaꞌru li teꞌxba̱nu ut teꞌxba̱nu li cꞌaꞌru teꞌxyechiꞌi.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Salmos 89:15

Us xak reheb li tenamit li nequeꞌxnau xqꞌuebal a̱lokꞌal. Us xak reheb li nequeꞌxba̱nu li cꞌaꞌru nacacꞌut chiruheb, at nimajcual Dios.

Salmos 81:3

Cheya̱basihak li trompeta saꞌ xkꞌehil xyoꞌlajic li po joꞌ ajcuiꞌ nak naxoroc li po saꞌ xkꞌehil li kaninkꞌe li kꞌaxal lokꞌ,

Salmos 47:5

Queꞌxya̱basi li trompeta ut japjo̱queb re xban xsahileb saꞌ xchꞌo̱l re xqꞌuebal xlokꞌal li Ka̱cuaꞌ nak quitakeꞌ saꞌ lix nimajcual naꞌaj.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Isaías 19:22

Li Ka̱cuaꞌ tixqꞌueheb laj Egipto chixtojbal rix lix ma̱queb. Abanan li Ka̱cuaꞌ tixcuyeb xma̱c ut tixtenkꞌaheb cuiꞌchic ut ta̱rosobtesiheb. Eb laj Egipto teꞌxsicꞌ li Ka̱cuaꞌ ut li Ka̱cuaꞌ ta̱ril xtokꞌoba̱leb ru ut ta̱rosobtesiheb.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Isaías 66:23

Rajlal po teꞌcha̱lk chixjunileb li tenamit ut teꞌxcuikꞌib ribeb chicuu. Rajlal xama̱n saꞌ li hiloba̱l cutan tineꞌxlokꞌoni.

Ezequiel 20:34

Riqꞌuin xnimal incuanquil ut riqꞌuin lin joskꞌil la̱in texcuisi saꞌ eb li tenamit li quexinjeqꞌui cuiꞌ ut tinchꞌutub cuiꞌchic e̱ru.

Ezequiel 20:41

Texincꞌul joꞌ li sununquil ban nak texcuisi saꞌ eb li jalan tenamit li quexinjeqꞌui cuiꞌ. Ut la̱in tincꞌutbesi lin santilal saꞌ e̱ya̱nk chiruheb li xni̱nkal ru tenamit.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Daniel 11:45

Tixyi̱b lix muheba̱l saꞌ xya̱nkeb li cuib chi palau nachꞌ riqꞌuin li tzu̱l bar cuan cuiꞌ lix Templo li Ka̱cuaꞌ. Ut ta̱cuulak xkꞌehil nak ta̱osokꞌ li rey. Ut aran ta̱ca̱mk ut ma̱ ani chic ta̱tenkꞌa̱nk re.

Zacarías 8:7

La̱in tincoleb lin tenamit chiruheb li tenamit li cuanqueb saꞌ eb li naꞌajej bar na-el cuiꞌ chak li sakꞌe ut chiruheb li cuanqueb saꞌ li naꞌajej bar na-oc cuiꞌ li sakꞌe.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Isaías 43:6

La̱in tinye reheb li cuanqueb saꞌ li norte nak teꞌxcanabeb chi xic li cualal incꞌajol. Ut tinye reheb li cuanqueb saꞌ li sur nak teꞌxcanabeb chi sukꞌi̱c saꞌ xnaꞌajeb li cualal incꞌajol li cuanqueb chak saꞌ chixjunil li ruchichꞌochꞌ.

Jeremías 31:6

Ta̱cuulak xkꞌehil nak eb li yo̱queb chi cꞌacꞌale̱nc saꞌ eb li tzu̱l li cuanqueb aran Efraín teꞌxjap re chixyebal, “¡Quimkex! Toxic Sión chixlokꞌoninquil li Ka̱cuaꞌ li kaDios,” chaꞌakeb.

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.