Isaías 27:11 - Li Santil hu

¹¹ Eb li rukꞌ li cheꞌ queꞌchakic ut queꞌtokeꞌ. Ut eb li ixk nequeꞌxsicꞌ chokꞌ xsiꞌeb. Eb li tenamit incꞌaꞌ nequeꞌxtau xya̱lal. Joꞌcan nak li Ka̱cuaꞌ, li quiyoꞌobtesin reheb incꞌaꞌ quiril xtokꞌoba̱l ruheb. Incꞌaꞌ quiruxta̱naheb ru.

Q'eqchi Bible

¹¹ Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Isaías 27:11 ပူးပေါင်းရင်းမြစ်များ

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Isaías 43:7

Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

Romanos 1:31

Incꞌaꞌ nequeꞌxtau xya̱lal. Incꞌaꞌ nequeꞌxba̱nu li cꞌaꞌru nequeꞌxsume xba̱nunquil. Incꞌaꞌ nequeꞌrahoc. Incꞌaꞌ nequeꞌcuyuc ma̱c, ut incꞌaꞌ nequeꞌuxta̱nan u.

San Juan 15:6

Li ani incꞌaꞌ ta̱cua̱nk cuiqꞌuin ta̱isi̱k joꞌ nak nayoqꞌueꞌ li rukꞌ li cheꞌ li incꞌaꞌ us. Nak nachakic nacuteꞌ saꞌ xam ut nacꞌat.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

San Mateo 13:15

Li tenamit aꞌin xeꞌa̱loꞌ lix chꞌo̱leb ut chanchan tzꞌaptzꞌo lix xiqueb ut chanchaneb li mutzꞌ. Joꞌcan nak incꞌaꞌ nequeꞌxnau lix ya̱lal. Cui ta ma̱cuaꞌ joꞌcan, teꞌilok raj ut teꞌxqꞌue raj retal li teꞌril ut teꞌabi̱nk raj ut teꞌxtau raj ru li nequeꞌrabi ut teꞌyotꞌekꞌ raj xchꞌo̱l ut teꞌxjal raj xcꞌaꞌuxeb ut la̱in tebinqꞌuirtesi raj. (Isa. 6:9-10)

San Mateo 3:10

Qꞌuehomak retal xban nak cha̱lc re li rakba a̱tin saꞌ e̱be̱n joꞌ nak ac cauresinbil li ma̱l re xyocꞌbal lix xeꞌ li cheꞌ. Ut chixjunil li cheꞌ incꞌaꞌ cha̱bil li ru naxqꞌue, nayocꞌman ut naqꞌueman saꞌ xam.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Ezequiel 20:47

Ta̱ye chi joꞌcaꞌin re li qꞌuicheꞌ li cuan saꞌ li sur: Abihomak li ra̱tin li Dios. Li nimajcual Dios xye: La̱in oc cue chixlochbal li xam li ta̱cꞌatok re chixjunileb li cheꞌ, li rax rax ru joꞌ ajcuiꞌ li chaki. Incꞌaꞌ ta̱ru̱k xchupbal li xam. Ta̱ticla̱k saꞌ li sur ut ta̱cuulak toj saꞌ li norte. Ut chixjunileb teꞌrecꞌa lix tikcual.

Ezequiel 9:10

Joꞌcan nak la̱in incꞌaꞌ tincuil xtokꞌoba̱l ruheb. Anakcuan tinqꞌueheb chixtojbal chixjunil li ma̱usilal li queꞌxba̱nu.—

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Isaías 44:2

La̱in li Ka̱cuaꞌ Dios. La̱in quinyoꞌobtesin e̱re. Chalen saꞌ le̱ yoꞌlajic la̱in xintenkꞌan e̱re. Mexxucuac, la̱ex aj cꞌanjel chicuu. La̱ex sicꞌbil e̱ru ut raro̱quex inban.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Salmos 106:40

Cꞌajoꞌ nak quijoskꞌoꞌ li Dios saꞌ xbe̱neb lix tenamit. Joꞌcan nak quixtzꞌekta̱naheb.

Deuteronomio 4:6

Cheqꞌue e̱chꞌo̱l chixba̱nunquil le̱ taklanquil xban li Ka̱cuaꞌ xban nak cui te̱ba̱nu chi joꞌcan chixjunileb li tenamit teꞌxqꞌue retal nak cuan e̱naꞌleb. Eb aꞌan teꞌrabi resil lix chakꞌrab li Dios ut teꞌxye: “Relic chi ya̱l li nimla tenamit aꞌan cuanqueb xnaꞌleb ut nequeꞌxnau xya̱lal” chaꞌkeb.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

Isaías 5:13

Joꞌcan nak eb li tenamit teꞌchapekꞌ ut teꞌcꞌamekꞌ saꞌ jalan tenamit xban nak incꞌaꞌ nequeꞌxtau xya̱lal. Eb li cuanqueb xcuanquil teꞌca̱mk xban xtzꞌocajiqueb ut eb li jun chꞌol chic teꞌca̱mk xban chaki el.

Isaías 18:5

Nak tojeꞌ xtꞌaneꞌ li ratzꞌum li uvas ut toj yo̱queb chi kꞌanocꞌ li ru nak toj ma̱jiꞌ nequeꞌxsicꞌ li ru, ta̱cha̱lk junak ut tixyoqꞌui li rukꞌ li uvas. Joꞌcan ajcuiꞌ ta̱uxk e̱re la̱ex aj Etiopía. Eb li xicꞌ nequeꞌiloc e̱re teꞌcha̱lk ut teꞌxsach e̱ru.

Jeremías 11:16

Junxil la̱in xebinjuntakꞌe̱ta riqꞌuin jun li cheꞌ olivo li nau̱chin chi nabal. Abanan xban nak incꞌaꞌ useb xnaꞌleb la̱in tinsach ruheb. Chanchan nak natokeꞌ rukꞌ li cheꞌ xban li ca̱k-sut-ikꞌ ut nacꞌateꞌ.

Jeremías 13:14

Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Jeremías 16:5

Mat-oc saꞌ li cab li yo̱keb cuiꞌ chi yoꞌle̱nc camenak, chi moco chi rahocꞌ a̱chꞌo̱l chirixeb, chi moco chacꞌojobeb xchꞌo̱l xban nak la̱in li Ka̱cuaꞌ xcuisi li tuktu̱quil usilal saꞌ xya̱nkeb li tenamit aꞌin. Incꞌaꞌ chic tincuuxta̱na ruheb chi moco tincuil xtokꞌoba̱l ruheb.

Jeremías 25:37

Li naꞌajej li cꞌajoꞌ xchꞌinaꞌusal ta̱sachekꞌ ru xban nak yo̱ xjoskꞌil li Ka̱cuaꞌ saꞌ xbe̱neb.

Ezequiel 19:12

Abanan cuan li queꞌjoskꞌoꞌ riqꞌuin ut queꞌxmichꞌ lix xeꞌ ut queꞌxcut saꞌ chꞌochꞌ. Ut li ru quichakic xban li tikcual ikꞌ li xchal saꞌ li este. Quitokeꞌ li rukꞌ ut queꞌchakic ut queꞌcꞌateꞌ.

Oseas 4:14

La̱in incꞌaꞌ tebinqꞌue chixtojbal rix xma̱queb le̱ rabin nak nequeꞌyumbe̱tac ut incꞌaꞌ ajcuiꞌ tebinqꞌue chixtojbal rix xma̱queb le̱ ralib nak nequeꞌxmux ru xsumlajiqueb. Incꞌaꞌ tebinqꞌue chixtojbal rix xma̱queb xban nak la̱ex ajcuiꞌ nequexcꞌamoc xbeheb nak nequexxic riqꞌuineb li ixk aj yumbe̱t ut nequexmayejac chiruheb li yi̱banbil dios e̱rochbeneb li ixk li nequeꞌxkꞌaxtesi ribeb chi yumbe̱tac. Joꞌcan nak li tenamit li incꞌaꞌ nequeꞌxtau xya̱lal, teꞌosokꞌ.