Isaías 27:1 - Li Santil hu

¹ Saꞌ eb li cutan aꞌan li Ka̱cuaꞌ tixqꞌueheb chixtoj xma̱queb laj Leviatán li nimla xul li se̱b xchꞌo̱l chixba̱nunquil li incꞌaꞌ us, ut li nimla cꞌantiꞌ li naxkꞌotkꞌoti rib, joꞌ ajcuiꞌ li dragón li cuan saꞌ li palau. Riqꞌuin lix nimla chꞌi̱chꞌ cau tixcamsiheb.

Q'eqchi Bible

¹ Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Isaías 27:1 ပူးပေါင်းရင်းမြစ်များ

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Isaías 51:9

Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Apocalipsis 12:3

Ut jun chic sachba chꞌo̱lej quicꞌutbesi̱c chicuu saꞌ choxa. Quicuil jun nimla joskꞌ aj xul cak rix dragón xcꞌabaꞌ. Cuan cuukub lix jolom ut laje̱b lix xucub. Ut saꞌ eb lix jolom cuukub cuan junju̱nk lix corona.

Isaías 66:16

Li Ka̱cuaꞌ ta̱rakok a̱tin saꞌ xbe̱neb riqꞌuin xam ut riqꞌuin chꞌi̱chꞌ tixcamsiheb. Kꞌaxal nabalakeb li teꞌcamsi̱k xban li Ka̱cuaꞌ.

Salmos 104:26

Eb li ni̱nki jucub nequeꞌbe̱c chiru li palau. Ut saꞌ li palau cuan li nimla xul li cayi̱b Leviatán xcꞌabaꞌ. Aran nabatzꞌun saꞌ li palau.

Li xHu LAJ JOB 26:13

Yal riqꞌuin lix musikꞌ quixyi̱b lix sahob ru li choxa. Ut riqꞌuin li rukꞌ quixyi̱b li cꞌantiꞌ li kꞌaxal se̱b xchꞌo̱l chixba̱nunquil li ma̱usilal.

Apocalipsis 20:2

Quixchap li dragón. Aꞌan li cꞌantiꞌ li ac cuan ajcuiꞌ chak najter. Aꞌan laj tza. Satanás nayeman re. Nak quixchap, quixbacꞌ ut quixcanab chi bacꞌbo chiru jun mil chihab.

Apocalipsis 19:21

Ut li jun chꞌol chic li nequeꞌcꞌanjelac chiru li joskꞌ aj xul queꞌsacheꞌ ruheb riqꞌuin li kꞌesnal chꞌi̱chꞌ li cuan saꞌ re li Ti̱c Xchꞌo̱l li cuan chirix li cacua̱y sak rix. Ut chixjunileb laj xicꞌanel xul li nequeꞌtiꞌoc tib queꞌnujac xsaꞌeb riqꞌuin xtibeleb li joꞌ qꞌuial queꞌcam.

Jeremías 51:34

Eb li cuanqueb Jerusalén queꞌxye: —Laj Nabucodonosor lix reyeb laj Babilonia quixsach ku. Ma̱cꞌaꞌ chic cuan chi saꞌ li katenamit xcanab. Chanchan jun li secꞌ ma̱cꞌaꞌ chic cuan chi saꞌ. Laj Nabucodonosor chanchan jun li dragón naxnukꞌ li joꞌ qꞌuial naraj ut naxtzꞌek li incꞌaꞌ naraj.

Li xHu LAJ JOB 40:19

Riqꞌuin li xul aꞌan nacꞌutun li cꞌaꞌru xinba̱nu. Ut caꞌaj cuiꞌ la̱in naru ninnumta saꞌ xbe̱n.

Apocalipsis 17:15

Quixye cue li ángel: —Li haꞌ li xacuil li chunchu cuiꞌ li ixk, aꞌan retalileb li xni̱nkal ru tenamit, aꞌ yal ani xte̱paleb xxeꞌto̱nil yucuaꞌeb, ut aꞌ yal chanru li ra̱tinoba̱leb.

Apocalipsis 17:1

Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Apocalipsis 16:13

Ut quicuil oxib li ma̱us aj musikꞌej. Yo̱queb chi e̱lc saꞌ re li dragón ut saꞌ re li joskꞌ aj xul ut saꞌ re li xcab xul li cuan cuib xxucub, li profeta aj balakꞌ. Li oxib chi ma̱us aj musikꞌej, aꞌan chanchaneb li amoch.

Apocalipsis 13:11

Ut chirix aꞌan quicuil jun chic li joskꞌ aj xul qui-el chak saꞌ chꞌochꞌ. Cuan cuib lix cocꞌ xucub chanchan lix xucub li carner. Ut naa̱tinac joꞌ naa̱tinac li dragón.

Apocalipsis 13:4

Ut queꞌxqꞌue xlokꞌal li dragón xban nak quixqꞌue xcuanquil li joskꞌ aj xul. Ut queꞌxlokꞌoni ajcuiꞌ li joskꞌ aj xul ut queꞌxye: —¿Ani ta cuiꞌ cuan xcuanquil joꞌ li joskꞌ aj xul aꞌin? Ma̱ ani tixcuy pletic riqꞌuin aꞌan xban nak quiqꞌueheꞌ xcuanquil xban li dragón, chanqueb.

Apocalipsis 2:16

Joꞌcan nak isihomakeb saꞌ e̱ya̱nk li incꞌaꞌ useb xnaꞌleb. Cui incꞌaꞌ nequerisiheb, la̱in tinxic chi junpa̱t e̱riqꞌuin ut tinpletik riqꞌuineb. Chanchan nak tincamsiheb riqꞌuin kꞌesnal chꞌi̱chꞌ nak tinsach ruheb riqꞌuin li cua̱tin.

Jeremías 51:13

La̱ex aj Babilonia, li sutsu le̱ tenamit xbaneb li nimaꞌ, ta̱sachekꞌ e̱ru. Nabal le̱ biomal, abanan xcuulac xkꞌehil nak tex-osokꞌ.

Jeremías 47:6

La̱ex te̱jap e̱re chixyebal: —At Ka̱cuaꞌ, ¿ma incꞌaꞌ ta̱canab kacamsinquil? ¿Ma incꞌaꞌ ta̱ru̱k ta̱xoc la̱ chꞌi̱chꞌ saꞌ rochoch? ¿Ma incꞌaꞌ tathila̱nk caꞌchꞌinak?

Isaías 65:25

Eb laj xoj ut eb li carner cuotz teꞌcuaꞌak. Ut li cakcoj teꞌcuaꞌak pim joꞌ li bo̱yx. Ut li cꞌantiꞌ teꞌxlou li poks ut incꞌaꞌ chic teꞌtiꞌok. Saꞌ li tzu̱l Sión li sicꞌbil ru inban, incꞌaꞌ chic teꞌtiꞌok li xul ut incꞌaꞌ chic teꞌxba̱nu raylal, chan li Dios.

Isaías 26:21

Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

Salmos 45:3

Qꞌue la̱ chꞌi̱chꞌ saꞌ xcꞌa̱mal a̱saꞌ, la̱at li kꞌaxal nim a̱cuanquil. Kꞌaxal nim a̱lokꞌal ut la̱ cuanquilal.

Li xHu LAJ JOB 3:8

Us raj nak teꞌxmajecua li cutan aꞌan li nequeꞌmajecuan, li cuanqueb xcuanquil saꞌ xbe̱n li nimla xul Leviatán.

Li xHu LAJ JOB 41:1

¿Ma naru ta biꞌ ta̱chap li nimla xul Leviatán xcꞌabaꞌ riqꞌuin li chꞌi̱chꞌ li nequeꞌchapoc cuiꞌ car? Ut, ¿ma naru ta biꞌ ta̱bacꞌ li ruꞌuj rakꞌ riqꞌuin cꞌa̱m?

Isaías 65:12

Joꞌcan nak la̱in xinteneb ca̱mc saꞌ e̱be̱n. Texinqꞌue chi camsi̱c chi chꞌi̱chꞌ xban nak quexinbok ut incꞌaꞌ quine̱chakꞌbe. Nak quexcua̱tina incꞌaꞌ quine̱rabi. Queba̱nu ban li incꞌaꞌ us chicuu. Queba̱nu li incꞌaꞌ nacuulac chicuu.

Amós 9:3

Ut cui ta teꞌxyal xmukbal ribeb saꞌ xbe̱n li tzu̱l Carmelo toxebinsicꞌ aran ut tebinchap. Ut cui ta teꞌxyal xmukbal ribeb saꞌ xchamal li palau, tintakla li nimla xul li cuan saꞌ li haꞌ chixtiubaleb.