Isaías 26:5 - Li Santil hu

⁵ Li Ka̱cuaꞌ quixcubsi xcuanquileb li nequeꞌxkꞌetkꞌeti ribeb. Quixsach ru li tenamit li queꞌcuan cuiꞌ. Quilajxtꞌan li tzꞌac li najt xteram li sutsu cuiꞌ li tenamit.

Q'eqchi Bible

⁵ Li Qaawa' xkub'si xwankileb' li q'etq'et; xt'an li tenamit q'axal kaw rib', xjuk' ut xkub'si chaq chi ch'och'el,

Isaías 26:5 ပူးပေါင်းရင်းမြစ်များ

Apocalipsis 18:2

Quixjap re chi cau xya̱b xcux ut quixye: X-osoꞌ li tenamit Babilonia. Xsacheꞌ xcuanquil li nimla tenamit Babilonia. Li tenamit aꞌan xcana chokꞌ xnaꞌajeb laj tza ut eb li ma̱us aj musikꞌej. Xcana chokꞌ xnaꞌajeb laj xicꞌanel xul li kꞌaxal yibeb ru li incꞌaꞌ nequeꞌtiꞌeꞌ.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

Jeremías 51:64

Ut ta̱ye, “Joꞌ nak xsubun li hu saꞌ li haꞌ, joꞌcan ajcuiꞌ nak ta̱osokꞌ li tenamit Babilonia ut incꞌaꞌ chic ta̱usa̱k xban li raylal li quixqꞌue li Ka̱cuaꞌ saꞌ xbe̱n,” chaꞌakat. Joꞌcaꞌin nak quirakeꞌ chi a̱tinac li profeta Jeremías.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Isaías 47:1

Li Ka̱cuaꞌ quixye: —Ex aj Babilonia, cubsihomak e̱rib. Chunlankex saꞌ chꞌochꞌ chi ma̱cꞌaꞌ chic e̱cuanquil. Junxil chanchanex jun li tukꞌ ixk xban nak la̱ex ma̱ jun sut xexchapeꞌ xban jalan tenamit. Abanan anakcuan moco joꞌcanex ta chic. La̱ex li raro̱quex nak xexcuan texcana̱k chokꞌ rahobtesinbil mo̱s.

Isaías 32:19

Usta natꞌaneꞌ li sakbach saꞌ li qꞌuicheꞌ ut usta ta̱sachekꞌ ru li tenamit,

Isaías 14:13

La̱at cacꞌoxla nak kꞌaxal nim a̱cuanquil. Caye saꞌ a̱chꞌo̱l: —Tintakekꞌ toj saꞌ choxa ut tinqꞌue lin cꞌojariba̱l saꞌ xbe̱neb li chahim li quixyi̱b li Dios. Tincꞌojla̱k saꞌ li tzu̱l li nacana saꞌ li norte bar nequeꞌxchꞌutub cuiꞌ ribeb chixlokꞌoninquil lix dioseb.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

Salmos 79:8

Incꞌaꞌ taxak toa̱qꞌue chixtojbal rix li ma̱c li queꞌxba̱nu li kaxeꞌto̱nil yucuaꞌ. Chacuuxta̱na taxak ku xban nak kꞌaxal ra yo̱co chixcꞌulbal ut incꞌaꞌ chic nakacuy.

Isaías 25:2

Xasacheb ru li xni̱nkal tenamit ut xajuqꞌueb li tzꞌac li sutsu cuiꞌ li nequeꞌxcol cuiꞌ rib li cuanqueb aran. Xapoꞌ chi junaj cua eb li palacio li queꞌxyi̱b li xicꞌ nequeꞌiloc ke. Ut ma̱ jokꞌe chic ta̱ru̱k xyi̱banquileb.

Lamentaciones 2:2

Li Ka̱cuaꞌ cꞌajoꞌ lix joskꞌil. Ma̱ jun chic li rochocheb li ralal xcꞌajol laj Jacob quixcanab chi xakxo. Quilajxsach ajcuiꞌ ruheb chixjunil li cab li nequeꞌxcol cuiꞌ ribeb laj Judá. Quixcꞌut xxuta̱n li rey joꞌ eb ajcuiꞌ chixjunileb li nequeꞌtenkꞌan re.

Ezequiel 26:11

Eb li cacua̱y teꞌnumekꞌ saꞌ chixjunileb li be saꞌ le̱ tenamit. Eb li soldados teꞌxcamsiheb li tenamit riqꞌuin chꞌi̱chꞌ ut teꞌxjuqꞌueb li okech li kꞌaxal cau.

Isaías 24:10

Poꞌbil chic chixjunil li tenamit. Ut tzꞌaptzꞌo li rochocheb. Ma̱ ani chic naru nequeꞌoc riqꞌuineb.

Ezequiel 28:17

Cakꞌetkꞌeti a̱cuib xban la̱ chꞌinaꞌusal ut capoꞌ la̱ naꞌleb xban la̱ lokꞌal. Joꞌcan nak la̱in catincut saꞌ chꞌochꞌ re nak chixjunileb li rey teꞌril li xuta̱nal li xacꞌul.