Isaías 26:21 - Li Santil hu

²¹ Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

Q'eqchi Bible

²¹ Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Isaías 26:21 ပူးပေါင်းရင်းမြစ်များ

Isaías 18:4

Li Ka̱cuaꞌ quixye cue: —Incꞌaꞌ tin-ecꞌa̱nk nak tin-ilok chak saꞌ choxa li nincuan cuiꞌ. Tincuil cꞌaꞌru yo̱queb li tenamit. Chanchanakin li sakꞌe nak tik tik ru nak ac xqꞌue jun cꞌasal li hab. Chanchanakin li chok li naxtꞌakresi li pim saꞌ sakꞌehil, chan li Ka̱cuaꞌ.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Li xHu LAJ JOB 16:18

Incꞌaꞌ taxak ta̱cana̱k yal chi joꞌcan li raylal li yo̱quin chixcꞌulbal. Incꞌaꞌ taxak ta̱cana̱k chi mukmu li ma̱usilal li yo̱queb chixba̱nunquil cue. Tinkꞌoko cuib chiru li Dios re nak aꞌan ta̱rakok a̱tin saꞌ inbe̱n.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

San Lucas 11:50

Ut anakcuan la̱ex chic textojok rix lix camiqueb chixjunileb li profeta chalen chak saꞌ xticlajic li ruchichꞌochꞌ.

San Lucas 11:40

La̱ex ma̱cꞌaꞌ e̱naꞌleb. ¿Ma incꞌaꞌ nequenau nak li ani quiyoꞌobtesin re li rix, aꞌan ajcuiꞌ li quiyoꞌobtesin re lix saꞌ?

Ezequiel 8:6

Ut li chanchan cui̱nk quixye cuiꞌchic cue: —At ralal cui̱nk, ¿ma nacaqꞌue retal li cꞌaꞌru yo̱queb chixba̱nunquil eb li ralal xcꞌajol laj Israel? Xban li ma̱usilal li nequeꞌxba̱nu yo̱queb chicuisinquil saꞌ lin templo. Ut toj cuan cuiꞌchic li cꞌaꞌak re ru numtajenak xyibal ru li toj ta̱cuil, chan.

Apocalipsis 18:24

Saꞌ ajcuiꞌ li tenamit aꞌan queꞌcamsi̱c li ralal xcꞌajol li Dios ut eb li profeta. Li tenamit aꞌan quicꞌamoc be chiruheb li tenamit saꞌ ruchichꞌochꞌ chixcamsinquileb laj pa̱banel yalak bar.

Li xHu LAJ JOB 20:27

Chixjunileb li cuanqueb saꞌ ruchichꞌochꞌ teꞌjitok chirix ut li Dios tixye nak cuan xma̱c.

Isaías 10:3

Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Isaías 22:14

Ut li Ka̱cuaꞌ li nimajcual Dios quia̱tinac cuiqꞌuin ut quixye cue: —Li ma̱c aꞌin li xeba̱nu la̱ex aj Jerusalén incꞌaꞌ tincuy toj retal nak texca̱mk. La̱in li nimajcual Dios xinyehoc re aꞌin, chan.

Isaías 29:6

Chi ma̱cꞌaꞌ saꞌ xchꞌo̱leb aꞌan, li Ka̱cuaꞌ li nimajcual Dios tixsacheb ru li xicꞌ nequeꞌiloc reheb laj Israel. Ta̱cua̱nk li choki̱nc ut li ca̱k ut li hi̱c. Ut ta̱cua̱nk ajcuiꞌ li ca̱k-sut-ikꞌ ut li xam re sachoc.

Isaías 65:6

Abanan chixjunil tzꞌi̱banbil retalil inban. Incꞌaꞌ tincanab yal chi joꞌcan li cꞌaꞌru nequeꞌxba̱nu. Tinqꞌueheb ban lix kꞌajca̱munquileb.

Isaías 65:7

La̱in tinqꞌueheb chixtojbal rix li ma̱usilal li queꞌxba̱nu eb aꞌan joꞌ ajcuiꞌ li ma̱c li queꞌxba̱nu lix xeꞌto̱nil yucuaꞌeb nak queꞌxcꞌat li pom saꞌ eb li tzu̱l chiru lix artaleb ut quineꞌxtzꞌekta̱na. La̱in tinqꞌueheb lix kꞌajca̱munquil, chan li Dios.

Isaías 66:6

Abihomak li choki̱nc saꞌ li tenamit ut saꞌ li templo. Aꞌan li xya̱b xcux li Ka̱cuaꞌ nak yo̱ chixqꞌuebal re̱kaj li ma̱usilal xeꞌxba̱nu li xicꞌ nequeꞌiloc re.