Isaías 26:2 - Li Santil hu

² Tehomak li oqueba̱l re li tenamit re teꞌoc li tenamit li ti̱queb xchꞌo̱l. Teꞌoc li tenamit li nequeꞌxba̱nu li us.

Q'eqchi Bible

² Tehomaq eb' li okeb'aal chire li tenamit re naq te'ok jun teep chi tenamit tiikeb' xch'ool li neke'xb'aanu li neke'xye.

Isaías 26:2 ပူးပေါင်းရင်းမြစ်များ

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Salmos 118:20

Caꞌaj cuiꞌ li ti̱queb xchꞌo̱l naru nequeꞌoc aran saꞌ lix puertil lix templo li Ka̱cuaꞌ.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Isaías 60:11

Incꞌaꞌ chic ta̱tzꞌapma̱nk li oqueba̱l re le̱ tenamit. Junelic teto̱k chi kꞌek chi cutan, re nak eb li tenamit teꞌxcꞌam chak chokꞌ e̱re lix biomaleb. Eb lix reyeb li jalan xtenamiteb teꞌcꞌamekꞌ chak e̱riqꞌuin.

Isaías 62:10

Numenkex saꞌ li oqueba̱l re li tenamit. Yi̱bomak li be. Ti̱cobresihomak ru le̱ be chiruheb lin tenamit. Isihomak li pec saꞌ li be. Ut taksihomak li bandera re nak eb li tenamit teꞌril.

Isaías 62:2

Eb li xni̱nkal ru tenamit teꞌxqꞌue retal lix ti̱quilal xchꞌo̱leb ut eb li rey teꞌxqꞌue retal lix lokꞌaleb. Ut li Ka̱cuaꞌ tixqꞌue jun acꞌ cꞌabaꞌej chokꞌ xcꞌabaꞌeb.

Hechos 2:47

Queꞌxlokꞌoni li Ka̱cuaꞌ Dios ut queꞌqꞌueheꞌ xcuanquil xbaneb chixjunileb li tenamit. Ut rajlal cutan li Dios quixtenkꞌaheb chi qꞌuia̱nc laj pa̱banel.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Salmos 106:5

La̱in tincuaj nak tina̱cuosobtesi nak ta̱cuosobtesiheb la̱ tenamit li sicꞌbileb ru a̱ban. Ut nacuaj ajcuiꞌ nak tintzꞌako̱nk riqꞌuin li sahil chꞌo̱lej li ta̱qꞌue reheb la̱ tenamit. La̱in tincuaj ajcuiꞌ xcꞌulbal li lokꞌal li ta̱qꞌue reheb aꞌan.

Éxodo 19:6

La̱ex taxak jun santil tenamit chicuu. Texcꞌanjelak chicuu joꞌ xbe̱nil aj tij. Aꞌin li cua̱tin ta̱yeheb re laj Israel, chan li Dios re laj Moisés.

Apocalipsis 21:24

Eb li xni̱nkal ru tenamit li teꞌcolekꞌ, teꞌcua̱nk saꞌ cutan saken. Ut eb li queꞌcuan xlokꞌal saꞌ ruchichꞌochꞌ, eb aꞌan teꞌxqꞌue xlokꞌal li tenamit.

Zacarías 8:20

Aꞌan aꞌin li quixye li Ka̱cuaꞌ li nimajcual Dios: —Ta̱cuulak xkꞌehil nak teꞌcha̱lk nabaleb li cristian saꞌ lix ni̱nkal ru tenamit chi cua̱nc arin, chan li nimajcual Dios.

Isaías 58:8

Cui te̱ba̱nu chixjunil aꞌin, la̱in tin-osobtesi̱nk e̱re ut ta̱qꞌuehekꞌ e̱lokꞌal joꞌ nak nasake̱u li cutan. La̱in texinqꞌuirtesi saꞌ junpa̱t. Saꞌ ti̱quilal tincꞌamok be che̱ru ut lin lokꞌal junelic cua̱nk e̱riqꞌuin.

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.

2 Pedro 3:13

Abanan li Ka̱cuaꞌ Dios quixyechiꞌi ke li acꞌ choxa ut li acꞌ ruchichꞌochꞌ. Aꞌan yo̱co chiroybeninquil. Saꞌ li ruchichꞌochꞌ aꞌan junes ti̱quilal ta̱cua̱nk.

Salmos 24:7

Tehomak e̱rib, ex puerta, li cuanquex chi junelic, ut cana̱kex chi teto re nak ta̱oc li tzꞌakal rey, li kꞌaxal nim xcuanquil.

Salmos 118:19

Tehomak xpuertil li templo re nak tin-oc chixlokꞌoninquil li nimajcual Dios.

Isaías 45:25

Abanan li Ka̱cuaꞌ tixye nak ma̱cꞌaꞌ xma̱queb li ralal xcꞌajol laj Israel ut teꞌqꞌuehekꞌ xlokꞌaleb.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

Isaías 60:18

Incꞌaꞌ chic ta̱cua̱nk li raylal saꞌ le̱ naꞌaj, chi moco teꞌxpoꞌ le̱ tenamit chi moco teꞌxsach ru. Ut li tzꞌac li sutsu cuiꞌ le̱ tenamit ta̱colok e̱re. Ut saꞌ li oqueba̱l ta̱cua̱nk lokꞌoni̱nc.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 62:1

Xban nak ninra li tenamit Sión, joꞌcan nak la̱in tinchꞌolob lix ya̱lal. Xban nak ninra li tenamit Jerusalén incꞌaꞌ tincanab xchꞌolobanquil lix ya̱lal chiruheb toj retal ta̱cꞌutu̱nk lix ti̱quilaleb. Ut ta̱cꞌutu̱nk nak colbileb chic. Chanchanak jun li xam lochlo̱k.