Isaías 26:14 - Li Santil hu

¹⁴ Eb aꞌan camenakeb chic anakcuan. Incꞌaꞌ chic teꞌcuacli̱k chi yoꞌyo̱queb. Incꞌaꞌ chic ta̱ru̱k teꞌtakla̱nk saꞌ kabe̱n xban nak la̱at xatqꞌuehoc reheb chixtojbal lix ma̱queb. La̱at xatsachoc ruheb ut incꞌaꞌ chic ta̱jultica̱k lix cꞌabaꞌeb.

Q'eqchi Bible

¹⁴ Eb' li kamenaq ink'a' chik te'yo'laaq, eb' li mu ink'a' chik te'wakliiq chaq, xb'aan naq xatraqok aatin sa' xb'eeneb' ut xasacheb' ru, ut maajun chik taapatz'oq li xk'ab'a'eb'.

Isaías 26:14 ပူးပေါင်းရင်းမြစ်များ

Proverbios 10:7

Li cha̱bileb xnaꞌleb junelic teꞌjultica̱k. Abanan li incꞌaꞌ useb xnaꞌleb, ma̱ ani ta̱jultica̱nk reheb.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

Salmos 106:28

Saꞌ li naꞌajej Peor queꞌxlokꞌoni li yi̱banbil dios Baal ut queꞌxcuaꞌ li tzacae̱mk li queꞌxmayeja chiruheb li yi̱banbil dios li incꞌaꞌ yoꞌyo̱queb.

Apocalipsis 20:5

Aꞌan aꞌin li xbe̱n cuaclijiqueb li camenak chi yoꞌyo. Ut eb li camenak jun chꞌol chic incꞌaꞌ queꞌcuacli chi yoꞌyo toj ta̱tzꞌaklok ru li jun mil chihab.

San Mateo 2:20

Ut quixye re: —Cuaclin. Cꞌam li cꞌulaꞌal joꞌ cuiꞌ li naꞌbej ut texxic cuiꞌchic saꞌ li tenamit Israel xban nak xeꞌcam li queꞌajoc re xcamsinquil li cꞌulaꞌal, chan.

Isaías 10:3

Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Salmos 109:13

Cheꞌca̱mk ta chixjunileb li ralal xcꞌajol ut chisachk ta lix cꞌabaꞌeb chi junaj cua.

Salmos 9:6

Xeꞌosoꞌ chi junaj cua li xicꞌ nequeꞌiloc ke ut xasach ajcuiꞌ lix tenamiteb. Ut incꞌaꞌ chic teꞌabi̱k resileb.

Deuteronomio 4:28

Ut saꞌ li naꞌajej li texcꞌamekꞌ cuiꞌ texcꞌanjelak chiruheb li dios li yi̱banbil xbaneb li cui̱nk riqꞌuin cheꞌ ut pec. Eb li dios aꞌan incꞌaꞌ nequeꞌiloc, incꞌaꞌ nequeꞌabin, incꞌaꞌ nequeꞌcuaꞌac ut incꞌaꞌ nequeꞌutzꞌuc.

Éxodo 14:30

Joꞌcaꞌin nak li Ka̱cuaꞌ Dios quixcoleb laj Israel saꞌ rukꞌeb laj Egipto saꞌ li cutan aꞌan. Ut xban xcuanquil li Ka̱cuaꞌ Dios, eb laj Egipto queꞌcam saꞌ li palau. Eb laj Israel queꞌril nak camenakeb chic laj Egipto chire li palau.

Isaías 26:19

Abanan eb la̱ tenamit li queꞌcam teꞌcuacli̱k cuiꞌchic chi yoꞌyo. Chixjunileb li cuanqueb saꞌ li mukleba̱l teꞌcuacli̱k cuiꞌchic chi yoꞌyo ut teꞌxjap reheb xban xsahil xchꞌo̱leb. Li Ka̱cuaꞌ tixcuaclesiheb cuiꞌchic chi yoꞌyo li camenak joꞌ nak li xchuꞌque naxqꞌueheb chi yoꞌla̱c li acui̱mk.

Salmos 36:12

La̱in ninnau chanru teꞌcana̱k li incꞌaꞌ useb xnaꞌlebeb. Sachenakeb ut osoꞌjenakeb chi junaj cua ut incꞌaꞌ chic naru teꞌcuacli̱k.

Salmos 59:5

La̱at li kꞌaxal nim a̱cuanquil. La̱at lix Dioseb laj Israel. China̱cuabi ut chaqꞌueheb chixtojbaleb xma̱c li incꞌaꞌ nequeꞌpa̱ban cha̱cuu. Ma̱cuil xtokꞌoba̱leb ru li nequeꞌyoꞌoban ma̱usilal.

Salmos 135:17

Cuanqueb xxic, aban incꞌaꞌ nequeꞌabin. Incꞌaꞌ nequeꞌmusikꞌac xban nak moco yoꞌyo̱queb ta.

Eclesiastés 9:5

Li toj yoꞌyo̱queb nequeꞌxnau nak teꞌca̱mk. Ut eb li ac camenakeb chic ma̱cꞌaꞌ nequeꞌxnau, chi moco cuan ta cꞌaꞌru teꞌroybeni. Ut ma̱ ani chic ta̱jultica̱nk reheb.

Isaías 29:6

Chi ma̱cꞌaꞌ saꞌ xchꞌo̱leb aꞌan, li Ka̱cuaꞌ li nimajcual Dios tixsacheb ru li xicꞌ nequeꞌiloc reheb laj Israel. Ta̱cua̱nk li choki̱nc ut li ca̱k ut li hi̱c. Ut ta̱cua̱nk ajcuiꞌ li ca̱k-sut-ikꞌ ut li xam re sachoc.

Isaías 37:19

Queꞌxcꞌat chixjunileb lix dioseb xban nak moco tzꞌakal dioseb ta. Yal pec ut yal cheꞌ yi̱banbileb xbaneb li cui̱nk. Joꞌcan nak queꞌsacheꞌ.

Li xHu LAJ JOB 7:9

Li yuꞌam, aꞌan joꞌ li chok yal nanumeꞌ ut incꞌaꞌ chic na-ilman. Nak nacam junak, ma̱ jokꞌe chic ta̱sukꞌi̱k chak.

Li xHu LAJ JOB 18:17

Ta̱osokꞌ ut ma̱ ani chic ta̱jultica̱nk re. Ut ma̱ ani chic ta̱patzꞌok re lix cꞌabaꞌ.

Li xHu LAJ JOB 24:20

Ut incꞌaꞌ chic teꞌcꞌoxla̱k xban lix naꞌeb. Teꞌmotzoꞌi̱nk. Ma̱ ani chic ta̱patzꞌok reheb. Teꞌosokꞌ joꞌ nak nakꞌa li cheꞌ.