Isaías 26:13 - Li Santil hu

¹³ At Ka̱cuaꞌ, at kaDios, ya̱l nak cuanqueb li xeꞌtaklan chi cau saꞌ kabe̱n. Abanan junes la̱at nakaqꞌue a̱lokꞌal.

Q'eqchi Bible

¹³ At Qaawa', at qaYos, yaal naq jalaneb' chik xe'numtaak sa' qab'een, ab'an anaqwan maajun chik k'ab'a'ej wank sa' qach'ool: ka'ajwi' laa'at, at Qaawa'.

Isaías 26:13 ပူးပေါင်းရင်းမြစ်များ

Romanos 6:22

Anakcuan colbilex chic chiru li ma̱c ut kꞌaxtesinbilex chic chi cꞌanjelac chiru li Dios. Ut le̱ kꞌajca̱munquil aꞌan le̱ santobresinquil ut le̱ yuꞌam chi junelic.

Isaías 63:7

La̱in tinye resil li rusilal li Dios li nacuan chi junelic. Tinbicha lix lokꞌal xban li cꞌaꞌru naxba̱nu. Quirosobtesiheb laj Israel xban nak junelic na-uxta̱nan u ut junelic narahoc.

Isaías 2:8

Lix tenamit laj Israel numtajenak chi yi̱banbil dios. Li cuanqueb aran nequeꞌxlokꞌoni li jalanil dios, li yal yi̱banbil riqꞌuin ukꞌej. Nequeꞌxcuikꞌib ribeb chiruheb li dios li nequeꞌxyi̱b riqꞌuin rukꞌeb.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

Amós 6:10

Ut nak ta̱oc junak li rechꞌalal chirisinquil li camenak saꞌ li cab re tixcꞌat, tixye: ¿Ma toj cuan junak yoꞌyo xcana? Ut li jun li cuan chak toj saꞌ cab ta̱chakꞌok ut tixye: Ma̱cꞌaꞌ. Caꞌaj chic la̱in xincana. Ut ma̱patzꞌ xcꞌabaꞌ li Ka̱cuaꞌ, chaꞌak.

Isaías 51:22

Aꞌan aꞌin li naxye li Ka̱cuaꞌ le̱ Dios, li Ka̱cuaꞌ li nacoloc reheb lix tenamit: —La̱in xexcuisi saꞌ li raylal li cuanquex cuiꞌ. Xnumeꞌ lin joskꞌil. Incꞌaꞌ chic te̱cꞌul li raylal.

Isaías 12:4

Ta̱cuulak xkꞌehil nak eb li tenamit teꞌxye: —Bichahomak xlokꞌal li Ka̱cuaꞌ. Cheqꞌuehak xlokꞌal lix cꞌabaꞌ. Yehomak resilal reheb li tenamit li nalajxba̱nu li Ka̱cuaꞌ. Yehomak resilal nak kꞌaxal nim lix cuanquil.

Isaías 10:11

¿Ma incꞌaꞌ ta biꞌ ta̱ru̱k tinba̱nu re li tenamit Jerusalén ut lix dioseb joꞌ xinba̱nu re Samaria ut lix dioseb? chan lix reyeb laj Asiria.

2 Crónicas 12:8

Incꞌaꞌ tebinsach ru, abanan tebinqꞌue chi cꞌanjelac chiru laj Sisac. Ut aran texqꞌue retal chanru li cꞌanjelac chicuu la̱in ut chanru li cꞌanjelac chiruheb lix reyeb li jalaneb xtenamit.—

Josué 23:7

Me̱junaji e̱rib riqꞌuineb li tenamit li toj cuanqueb saꞌ e̱ya̱nk, chi moco te̱ba̱nu li juramento saꞌ xcꞌabaꞌ lix dioseb, chi moco te̱lokꞌoniheb, chi moco te̱cuikꞌib e̱rib chiruheb.

1 Corintios 4:7

¿Ma jalanex ta biꞌ la̱ex chiruheb li jun chꞌol chic nak nequerecꞌa e̱rib? ¿Ma ma̱cuaꞌ ta biꞌ li Dios quiqꞌuehoc e̱re li cꞌaꞌru cuan e̱re? ¿Cꞌaꞌut nak nequenimobresi e̱rib chixyebal nak cuan cꞌaꞌru e̱re? Incꞌaꞌ naru te̱nimobresi e̱rib xban nak yal xema̱tani li cꞌaꞌru cuan e̱re riqꞌuin li Dios.

San Juan 8:32

Te̱nau chic lix ya̱lal. Ut nak acak xenau chic lix ya̱lal, libre chic cua̱nkex, chan.

Isaías 26:8

At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

Isaías 64:5

La̱at nacattenkꞌan reheb li nequeꞌxba̱nu li us chi anchaleb xchꞌo̱l ut junelic cuan saꞌ xchꞌo̱leb li cꞌaꞌru nacacuaj la̱at. Abanan xban nak junelic yo̱co chi ma̱cobc cha̱cuu, joꞌcan nak xatjoskꞌoꞌ kiqꞌuin. ¿Ma naru ta biꞌ nak tocolekꞌ xban li ma̱c xkaba̱nu?

Miqueas 4:5

Usta chixjunileb li tenamit yo̱keb chixlokꞌoninquil lix yi̱banbil dios, abanan la̱o takalokꞌoni li Ka̱cuaꞌ li kaDios ut takaba̱nu li cꞌaꞌru naraj aꞌan chi junelic kꞌe cutan.