Isaías 26:12 - Li Santil hu

¹² At Ka̱cuaꞌ, la̱at nacatqꞌuehoc ke chi cua̱nc saꞌ tuktu̱quil usilal. Chixjunil li nakaba̱nu, naru nakaba̱nu xban nak la̱at nacattenkꞌan ke chixba̱nunquil.

Q'eqchi Bible

¹² At Qaawa', laa'at toohaak'e chi wank sa' tuqtuukilal, xb'aan naq ka'ajwi' laa'at nakatk'ehok naq us too'elq rik'in li nalajqab'aanu.

Isaías 26:12 ပူးပေါင်းရင်းမြစ်များ

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Salmos 57:2

Tinya̱ba xcꞌabaꞌ li nimajcual Dios li naba̱nun usilal cue.

Salmos 29:11

Li Ka̱cuaꞌ naxqꞌue xcacuilal xchꞌo̱leb li ralal xcꞌajol. Narosobtesiheb ut naxqꞌue li tuktu̱quil usilal reheb.

Ezequiel 20:14

Abanan incꞌaꞌ quinsach ruheb xban nak incꞌaꞌ quicuaj nak ta̱isi̱k lin lokꞌal xbaneb li xni̱nkal ru tenamit li queꞌiloc re nak quicuisiheb laj Israel aran Egipto.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Jeremías 33:6

Abanan la̱in tinqꞌuirtesiheb lin tenamit Jerusalén ut tinqꞌue xcacuilal xchꞌo̱leb. Ut tebinqꞌue cuiꞌchic chi cua̱nc saꞌ tuktu̱quil usilal. Ut ma̱cꞌaꞌ chic ta̱chꞌiꞌchꞌiꞌi̱nk reheb.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

San Juan 14:27

La̱in tincanab li tuktu̱quil usilal e̱riqꞌuin nak tinxic. Li tuktu̱quil usilal li tinqꞌue e̱re moco joꞌ ta li nequeꞌxqꞌue li cuanqueb saꞌ ruchichꞌochꞌ. La̱in tinqꞌue xtuktu̱quilal le̱ chꞌo̱l. Mexcꞌoxlac chi moco texxucuak.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Ezequiel 20:22

Abanan incꞌaꞌ quinsach ruheb nak incꞌaꞌ quicuaj nak ta̱isi̱k xlokꞌal lin cꞌabaꞌ chiruheb li xni̱nkal ru tenamit li queꞌiloc re nak quicuisiheb chak laj Israel Egipto.

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Isaías 57:10

Nequetacuasi e̱rib riqꞌuin li cꞌaꞌru nequeba̱nu. Abanan incꞌaꞌ nequeqꞌue retal nak ma̱cꞌaꞌ rajbal li nequeba̱nu. La̱ex nequecꞌoxla nak quetau e̱tenkꞌanquil. Joꞌcan nak cau chic e̱rib.

Salmos 68:28

At inDios, chacꞌutbesi taxak chiku la̱ cuanquilal. Chacꞌut ta cuiꞌchic chiku la̱ cuanquil joꞌ nak cacꞌutbesi chiku junxil.

Salmos 90:17

Aꞌ taxak li rusilal li Dios chicua̱nk kiqꞌuin. Aꞌ taxak li Dios chi-osobtesi̱nk ke re nak us toe̱lk riqꞌuin chixjunil li cꞌaꞌru takaba̱nu. Ya̱l. Aꞌan taxak chi-osobtesi̱nk ke re nak us toe̱lk riqꞌuin chixjunil li cꞌaꞌru takaba̱nu.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Isaías 26:3

At Ka̱cuaꞌ, la̱at nacatqꞌuehoc reheb chi cua̱nc saꞌ usilal li nequeꞌcꞌoxlan a̱cue. Ma̱cꞌaꞌ nachꞌiꞌchꞌiꞌin reheb xban nak cauheb xchꞌo̱l a̱cuiqꞌuin.

Isaías 27:5

Cui eb li xicꞌ nequeꞌiloc re lin tenamit teꞌraj nak tincoleb, teꞌcha̱lk raj cuiqꞌuin. Teꞌxcꞌam raj ribeb saꞌ usilal cuiqꞌuin, chan li Dios.

Isaías 29:23

Nak teꞌril le̱ ralal e̱cꞌajol li cꞌaꞌru xinba̱nu la̱in, teꞌxqꞌue retal nak la̱in santin ut tineꞌxlokꞌoni la̱in lix Dioseb laj Israel, li ralal xcꞌajol laj Jacob. Ut teꞌxxucua cuu.

Isaías 32:18

Eb lin tenamit teꞌcua̱nk saꞌ rochocheb saꞌ tuktu̱quil usilal. Cꞌojcꞌo̱queb chic xchꞌo̱leb. Teꞌhila̱nk saꞌ xya̱lal. Ma̱cꞌaꞌ ta̱chꞌiꞌchꞌiꞌi̱nk reheb.

Isaías 57:19

Eb laj Israel li queꞌya̱bac xban li raylal tineꞌxlokꞌoni cuiꞌchic. Tuktu̱quil usilal ta̱cua̱nk riqꞌuineb chixjunileb, joꞌ li nachꞌ cuanqueb, ut joꞌ li najt cuanqueb. La̱in tinqꞌuirtesi̱nk reheb, chan li Ka̱cuaꞌ.

Números 6:26

Aꞌ taxak li Ka̱cuaꞌ chi-ilok e̱re riqꞌuin lix rahom ut chixqꞌue taxak li tuktu̱quil usilal e̱re.

Salmos 57:3

Aꞌ taxak li Dios chitenkꞌa̱nk chak cue toj saꞌ choxa ut chinixcol taxak chiruheb li nequeꞌrahobtesin cue. Li Ka̱cuaꞌ ta̱qꞌuehok chak cue lix nimal ruxta̱n ut tixba̱nu li cꞌaꞌru naxye.