Isaías 26:11 - Li Santil hu

¹¹ At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Q'eqchi Bible

¹¹ At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Isaías 26:11 ပူးပေါင်းရင်းမြစ်များ

Hebreos 10:27

Cui junelic yo̱ko chi ma̱cobc, caꞌaj chic li rakba a̱tin ut lix xamlel li tojba ma̱c yo̱co chiroybeninquil bar cuiꞌ teꞌcꞌatekꞌ li xicꞌ nequeꞌiloc re li Ka̱cuaꞌ Dios.

Miqueas 5:9

La̱ex aj Israel texnumta̱k saꞌ xbe̱neb li xicꞌ nequeꞌiloc e̱re ut te̱sacheb chixjunileb.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

1 Pedro 3:16

Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

2 Ts 1:8

Chanchan li rakꞌ xam nak ta̱cha̱lk li Ka̱cuaꞌ Jesucristo riqꞌuin xnimal xlokꞌal chi rakoc a̱tin. Tixqꞌueheb chixtojbal xma̱queb li ani incꞌaꞌ nequeꞌpa̱ban re li Dios joꞌ ajcuiꞌ li ani incꞌaꞌ nequeꞌraj rabinquil resilal li colba-ib li naxqꞌue li Ka̱cuaꞌ Jesucristo.

Hechos 28:27

Xban nak cacuubresinbil lix chꞌo̱leb li tenamit aꞌin, joꞌcan nak incꞌaꞌ teꞌxtau xya̱lal. Incꞌaꞌ saken teꞌabi̱nk ut incꞌaꞌ saken teꞌilok re nak incꞌaꞌ teꞌxtau xya̱lal li cꞌaꞌru teꞌril ut incꞌaꞌ teꞌxtau xya̱lal li teꞌrabi. Incꞌaꞌ teꞌxtau xya̱lal, chi moco teꞌxjal xcꞌaꞌux, chi moco tebinqꞌuirtesi, chan li Dios. (Isa. 6:9-10)

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Jeremías 44:28

Moco nabaleb ta li teꞌe̱lk Egipto li teꞌxic cuiꞌchic chi cua̱nc Judá. Moco qꞌuiheb ta li incꞌaꞌ teꞌcamsi̱k. Ut chixjunileb laj Judá li incꞌaꞌ queꞌsacheꞌ ru, li queꞌchal chak Egipto, teꞌxqꞌue retal li cꞌaꞌru ta̱cꞌulma̱nk, ma li xinye la̱in, malaj ut li cꞌaꞌru xeꞌxye eb aꞌan.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

Isaías 44:18

Eb li nequeꞌyi̱ban re li dios aꞌan incꞌaꞌ nequeꞌxtau xya̱lal xban nak chanchaneb li mutzꞌ. Incꞌaꞌ nequeꞌraj xtaubal xya̱lal xban nak ma̱cꞌaꞌeb xnaꞌleb.

Isaías 44:9

Eb li nequeꞌyi̱ban re li yi̱banbil dios ma̱cꞌaꞌ nequeꞌoc cuiꞌ. Ut lix dioseb li nequeꞌxyi̱b ma̱cꞌaꞌ nequeꞌoc cuiꞌ. Eb aꞌan nequeꞌxnau nak li cꞌaꞌru nequeꞌxba̱nu, aꞌan ajcuiꞌ nabalakꞌin reheb xban nak lix dioseb incꞌaꞌ nequeꞌiloc ut ma̱cꞌaꞌ nequeꞌxnau.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Isaías 11:13

Eb li ralal xcꞌajol laj Efraín incꞌaꞌ chic teꞌxcakali li ralal xcꞌajol laj Judá. Ut eb laj Judá incꞌaꞌ chic xicꞌ teꞌrileb laj Efraín.

Salmos 86:17

Chacꞌutbesi taxak junak li retalil la̱ cuusilal, at Ka̱cuaꞌ, re nak teꞌxqꞌue retal li xicꞌ nequeꞌiloc cue. Xuta̱nal teꞌe̱lk nak teꞌxqꞌue retal nak la̱at xattenkꞌan cue ut xacꞌojob inchꞌo̱l.

Salmos 21:8

Riqꞌuin la̱ cuanquilal, at Ka̱cuaꞌ, li rey ta̱numta̱k saꞌ xbe̱neb chixjunileb li xicꞌ nequeꞌiloc re. Ta̱re̱chaniheb ajcuiꞌ li nequeꞌtzꞌekta̱nan re.

Salmos 10:12

China̱cuabi, at Ka̱cuaꞌ. Chakꞌuseb li incꞌaꞌ useb xnaꞌleb. Ut meꞌsach saꞌ a̱chꞌo̱l li yo̱queb chi cꞌuluc raylal. Chatenkꞌaheb ban, at inDios.

Li xHu LAJ JOB 34:27

Eb aꞌan incꞌaꞌ queꞌabin chiru li Dios. Queꞌxcanab ban xba̱nunquil li cꞌaꞌru naraj.

1 Samuel 6:9

Te̱qꞌue retal cui eb li ba̱c teꞌoc chi xic saꞌ li be li naxic saꞌ li tenamit Bet-semes, lix naꞌajeb laj Israel. Cui aran teꞌxic, te̱nau nak lix Dioseb laj Israel, aꞌan li quiqꞌuehoc chak re li raylal aꞌin saꞌ kabe̱n. Cui ut incꞌaꞌ teꞌxic aran, riqꞌuin aꞌan te̱qꞌue retal nak moco aꞌan ta li quiqꞌuehoc re li raylal aꞌin saꞌ kabe̱n. Yal xkacꞌul ban, chanqueb.

Éxodo 9:14

Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

San Lucas 16:23

Nak ac cuan saꞌ xbalba, yo̱ chixcꞌulbal li raylal aran. Qui-iloc takecꞌ ut quiril laj Abraham ut laj Lázaro cuan chixcꞌatk.

Salmos 78:63

Queꞌcamsi̱c li sa̱j cui̱nk saꞌ li ple̱t ut eb li tukꞌ ixk queꞌcana chi ma̱ ani chic teꞌsumla̱k cuiꞌ.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Isaías 9:18

Lix ma̱usilaleb li tenamit chanchan jun li xam li nasachoc nak naxcꞌat li qꞌuix ut li pim. Chanchan jun li xam li naxcꞌat li qꞌuicheꞌ ut li sib nabukuknac chi xic toj takecꞌ.

Isaías 9:19

Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.

Isaías 10:17

Li Ka̱cuaꞌ Dios li nacutanobresin re lix cꞌaꞌuxeb laj Israel tixsacheb ru. Li Dios Santo tixsacheb ru li tenamit aꞌan chiru jun cutan joꞌ nak li xam naxcꞌat li qꞌuix ut li pim.

Isaías 37:32

Cuanqueb li ralal xcꞌajol laj Judá li teꞌcana̱k aran Jerusalén. Saꞌ li tzu̱l Sión teꞌcana̱k. Joꞌcan ta̱cꞌulma̱nk xban nak joꞌcan naraj li Ka̱cuaꞌ xban xnimal xrahom.

Isaías 42:13

Li Ka̱cuaꞌ riqꞌuin xnimal xcuanquil ta̱pletik riqꞌuineb li xicꞌ nequeꞌiloc re. Chanchanak jun li soldado ac cauresinbil chi pletic. Tixjap re, re xtiquibanquil li pletic ut ta̱numta̱k saꞌ xbe̱neb li xicꞌ nequeꞌiloc re.

Isaías 59:17

Li ti̱quilal quicꞌanjelac chiru joꞌ jun li chꞌi̱chꞌ re xcolbal re xchꞌo̱l. Ut li colba-ib quicꞌanjelac chiru joꞌ lix punit chꞌi̱chꞌ. Ut li tojba ma̱c quicꞌanjelac chiru joꞌ li rakꞌ. Ut lix joskꞌil quicꞌanjelac chiru joꞌ li tꞌicr re xlanbal rib.

Isaías 63:15

At Ka̱cuaꞌ, li cuancat saꞌ li santil choxa, qꞌue chak retal li cꞌaꞌru yo̱co chixcꞌulbal toj saꞌ li lokꞌlaj naꞌajej li cuancat cuiꞌ. ¿Ma incꞌaꞌ narahoꞌ a̱chꞌo̱l chikilbal? ¿Cꞌaꞌut nak incꞌaꞌ nacaqꞌue a̱chꞌo̱l chikatenkꞌanquil riqꞌuin la̱ cuanquil? ¿Ma incꞌaꞌ ta̱ru̱k ta̱cuuxta̱na ku?

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Isaías 66:24

Teꞌe̱lk ut teꞌril lix tibeleb li cristian li xeꞌtzꞌekta̱nan cue. Ac camenakeb chic. Eb li motzoꞌ li nequeꞌcꞌuxuc re lix tibel incꞌaꞌ teꞌca̱mk, chi moco ta̱chupk li xam li nacꞌatoc reheb. Cꞌajoꞌak xyibaleb ru ta̱cꞌutu̱nk chiruheb li tenamit, chan li Ka̱cuaꞌ Dios.

Miqueas 7:16

Ut nak teꞌril lix nimal a̱cuanquilal saꞌ xya̱nkeb laj Israel, sachso̱keb xchꞌo̱l teꞌcana̱k li jalaneb xtenamit. Ma̱cꞌaꞌ teꞌxye chi moco teꞌraj rabinquil.

Salmos 28:5

Eb aꞌan incꞌaꞌ nequeꞌxqꞌue xcuanquil li cꞌaꞌru quixyi̱b li Ka̱cuaꞌ chi moco li cꞌaꞌru naxba̱nu. Joꞌcan nak li Dios tixqꞌueheb chixtojbal rix lix ma̱queb ut tixsacheb chi junaj cua.

Isaías 10:16

Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.