Isaías 26:1 - Li Santil hu

¹ Saꞌ eb li cutan aꞌan eb li cristian teꞌxbicha li bich aꞌin saꞌ li naꞌajej Judá: Kꞌaxal cau rib li katenamit. Li Ka̱cuaꞌ, aꞌan li quixakaban re li tzꞌac li sutsu cuiꞌ li tenamit re kacolbal.

Q'eqchi Bible

¹ Sa' li kutan a'an taab'ichamanq li b'ich a'in sa' xteepal Judá: “Kaw rib' li qatenamit; li Qaawa' xk'ehok re wiib' xtzol li xsuttz'akil re naq tookole'q.

Isaías 26:1 ပူးပေါင်းရင်းမြစ်များ

Isaías 60:18

Incꞌaꞌ chic ta̱cua̱nk li raylal saꞌ le̱ naꞌaj, chi moco teꞌxpoꞌ le̱ tenamit chi moco teꞌxsach ru. Ut li tzꞌac li sutsu cuiꞌ le̱ tenamit ta̱colok e̱re. Ut saꞌ li oqueba̱l ta̱cua̱nk lokꞌoni̱nc.

Isaías 62:11

Li Ka̱cuaꞌ quixye reheb chixjunileb li cuanqueb saꞌ ruchichꞌochꞌ: —Yehomak reheb li cuanqueb Sión nak li Ka̱cuaꞌ ta̱cha̱lk chixcolbaleb. Ut tixcꞌam chak lix kꞌajca̱munquileb li ac xcoleb.

Zacarías 2:5

Chanchan sutsu̱k riqꞌuin xam li tenamit Jerusalén nak cua̱nkin riqꞌuineb chixcolbaleb riqꞌuin lin cuanquil. Ut tincꞌutbesi lin lokꞌal saꞌ xya̱nkeb, chan li Ka̱cuaꞌ.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Salmos 48:12

Ex xtenamit li Dios, chesuti li naꞌajej Sión ut qꞌuehomak retal chanru cuan. Cherajla jarub lix torre cuan re xcolbal li tenamit.

Salmos 31:21

Lokꞌoninbil taxak li Ka̱cuaꞌ xban nak quiril xtokꞌoba̱l cuu ut quiruxta̱na cuu nak sutsu̱quin xbaneb li xicꞌ nequeꞌiloc cue.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Isaías 5:1

Tinbicha jun li bich saꞌ xcꞌabaꞌ li kꞌaxal raro inban. Tinbicha̱nk chirix li racui̱mk. Aꞌan aꞌin li bich: Li kꞌaxal raro inban cuan jun lix chꞌochꞌ kꞌaxal cha̱bil saꞌ jun li chꞌina tzu̱l.

Isaías 2:20

Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Esdras 3:11

Yo̱queb chi bicha̱nc ut yo̱queb chi lokꞌoni̱nc. Yo̱queb chi bantioxi̱nc chiru li Ka̱cuaꞌ ut yo̱queb chixyebal: —Kꞌaxal cha̱bil li Ka̱cuaꞌ. Junelic naruxta̱na ruheb laj Israel, chanqueb. Ut chixjunileb li tenamit yo̱queb chixjapbal reheb xban xsahil xchꞌo̱leb ut yo̱queb chixlokꞌoninquil li Ka̱cuaꞌ xban nak queꞌxqꞌue li cimiento li ta̱cu̱tu̱nk re li rochoch li Dios.

Números 21:17

Ut eb laj Israel queꞌxbicha li bich aꞌin: —At becbil haꞌ, qꞌue chak li kahaꞌ ut la̱o takabicha a̱lokꞌal.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.

Isaías 31:5

Joꞌ nak li xul nequeꞌrupupic saꞌ xbe̱n lix soc chixcolbaleb li cocꞌ ral, joꞌcan nak la̱in li nimajcual Dios tincuileb ut tincoleb laj Jerusalén ut tintenkꞌaheb.

Isaías 31:9

Lix reyeb laj Asiria ta̱e̱lelik xban xxiu joꞌ eb ajcuiꞌ li nequeꞌtaklan saꞌ xbe̱neb li soldados, chan li nimajcual Dios, li cuan xxam ac cauresinbil Jerusalén re xqꞌuebal chixtojbaleb xma̱queb li xicꞌ nequeꞌiloc reheb laj Israel.

Isaías 33:5

Li Ka̱cuaꞌ cuan saꞌ choxa ut kꞌaxal nim lix cuanquil saꞌ xbe̱n chixjunil li cꞌaꞌru cuan. Ut tixqꞌueheb chi cua̱nc saꞌ ti̱quilal ut saꞌ cha̱bilal li cuanqueb Sión.

Isaías 33:6

Junelic naxcoleb lix tenamit ut naxqꞌueheb xnaꞌleb. Naxtenkꞌaheb chixtaubal ru lix ya̱lal. Li xxucuanquil ru li Ka̱cuaꞌ, aꞌan li kꞌaxal lokꞌ chiruheb.

Isaías 56:5

la̱in tinqꞌue reheb li cꞌaꞌru lokꞌ chiruheb li cocꞌal. Tzꞌi̱banbilak retalil lix cꞌabaꞌeb chiru li tzꞌac saꞌ lin templo. Lix cꞌabaꞌeb ta̱julticama̱nk chi junelic kꞌe cutan. Incꞌaꞌ ta̱sachk.

Isaías 62:10

Numenkex saꞌ li oqueba̱l re li tenamit. Yi̱bomak li be. Ti̱cobresihomak ru le̱ be chiruheb lin tenamit. Isihomak li pec saꞌ li be. Ut taksihomak li bandera re nak eb li tenamit teꞌril.

Ezequiel 40:5

Li quicꞌutbesi̱c chicuu aꞌan li tzꞌac li sutsu cuiꞌ li templo. Li cui̱nk quixchap lix bisleb cheꞌ oxib metro li rok ut riqꞌuin aꞌan quixbis li tzꞌac. Li tzꞌac, aꞌan oxib metro li xteram ut oxib metro li ru.

Salmos 48:4

Li cuanqueb xcuanquil saꞌeb li tenamit queꞌxchꞌutub ribeb ut queꞌchal chi pletic re nak teꞌre̱chani li naꞌajej aꞌan.

Zacarías 2:9

Joꞌcan nak tinqꞌueheb saꞌ raylal. Ut la̱ex li cuanquex chokꞌ xmo̱seb, texinqꞌue chi numta̱c saꞌ xbe̱neb aꞌan re nak te̱nau nak li nimajcual Dios, aꞌan li quitaklan chak cue.