Isaías 25:2 - Li Santil hu

² Xasacheb ru li xni̱nkal tenamit ut xajuqꞌueb li tzꞌac li sutsu cuiꞌ li nequeꞌxcol cuiꞌ rib li cuanqueb aran. Xapoꞌ chi junaj cua eb li palacio li queꞌxyi̱b li xicꞌ nequeꞌiloc ke. Ut ma̱ jokꞌe chic ta̱ru̱k xyi̱banquileb.

Q'eqchi Bible

² Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.

Isaías 25:2 ပူးပေါင်းရင်းမြစ်များ

Isaías 17:1

Aꞌan aꞌin li quixye li profeta chirixeb laj Damasco: —Damasco incꞌaꞌ chic ta̱cana̱k joꞌ tenamit. Ta̱poꞌekꞌ ut juqꞌuinbil ta̱cana̱k.

Isaías 13:22

Eb li chꞌo hix ut laj xoj teꞌxjap reheb saꞌ eb li palacio ut saꞌ eb li cab li najt xteram li nequeꞌxcol cuiꞌ ribeb li tenamit. Cuulac re xkꞌehil nak ta̱sachekꞌ ru li tenamit Babilonia.—

Isaías 25:12

Li Dios tixsach li ni̱nki cab li nequeꞌxcol cuiꞌ ribeb joꞌ ajcuiꞌ li tzꞌac li najt xteram li sutsu̱queb cuiꞌ li tenamit. Tixjuqꞌueb ut tꞌantꞌo teꞌcana̱k saꞌ chꞌochꞌ.

Apocalipsis 18:19

Queꞌxqꞌue poks saꞌ xjolomeb retalil lix rahil xchꞌo̱leb ut queꞌya̱bac ut queꞌxjap reheb chixyebal: ¡Tokꞌobeb ru! ¡Tokꞌobeb ru li cuanqueb saꞌ li tenamit aꞌan! Riqꞌuin lix biomaleb li tenamit aꞌan xobiomoꞌ la̱o li nococꞌanjelac saꞌ jucub. Ut chiru junpa̱t quisacheꞌ ru li tenamit, chanqueb.

Jeremías 51:26

Lix pecul le̱ tenamit la̱ex aj Babilonia incꞌaꞌ chic ta̱cꞌanjelak chokꞌ xxuc junak cab, chi moco ta̱cꞌanjelak re xqꞌuebal chokꞌ cimiento. Le̱ tenamit junelic chanchanak chic li chaki chꞌochꞌ ma̱cꞌaꞌ chic cuan chi saꞌ, chan li Ka̱cuaꞌ.

Isaías 23:13

Qꞌuehomak retal li cꞌaꞌru queꞌxba̱nu eb laj Babilonia. Quilajeꞌxpoꞌi li tenamit Tiro. Eb laj Asiria queꞌxyi̱b li naꞌajej chokꞌ reheb li nequeꞌcuan saꞌ li chaki chꞌochꞌ. Queꞌxyi̱beb li cab re xcolbaleb rib ut queꞌxyi̱b li palacio. Abanan anakcuan ma̱cꞌaꞌ na-oc cuiꞌ li tenamit xban nak xpoꞌeꞌ chixjunil.

Isaías 21:9

Saꞌ junpa̱t queꞌchal li cui̱nk saꞌ xcarruaje. Ut laj qꞌuehol etal quixye: —¡X-osoꞌ li tenamit Babilonia! ¡Xsacheꞌ ru li tenamit Babilonia! Chixjunileb lix dioseb jucꞌbileb ut tꞌantꞌo̱queb saꞌ chꞌochꞌ, chan.

Isaías 14:23

La̱in tinsukꞌisi li tenamit Babilonia chokꞌ xnaꞌajeb li cuarom. Tinsukꞌisi chokꞌ xsa̱b haꞌ. Chanchan mesunbil ta̱cana̱k li naꞌajej nak tinsach ru, chan li nimajcual Dios.

Deuteronomio 13:16

Te̱chꞌutub saꞌ xyi li tenamit chixjunil li cꞌaꞌak re ru cuan saꞌ li tenamit aꞌan ut te̱cꞌat chixjunil li tenamit joꞌ ajcuiꞌ li cꞌaꞌru cuan chi saꞌ chokꞌ cꞌatbil mayej chiru li Ka̱cuaꞌ le̱ Dios. Ut poꞌbilak chic li tenamit aꞌan chi junaj cua. Incꞌaꞌ chic ta̱yi̱ba̱k.

Isaías 17:3

Ma̱cꞌaꞌak chic lix tenamit li ralal xcꞌajol laj Efraín li queꞌxcauresi ribeb. Ut ma̱cꞌaꞌak chic xcuanquil Damasco. Eb laj Siria li incꞌaꞌ queꞌsacheꞌ ruheb xuta̱nal teꞌcana̱k joꞌ eb laj Israel, chan li nimajcual Dios.

Li xHu LAJ JOB 12:14

Li cꞌaꞌru naxpoꞌ ru li Dios, ma̱ ani chic naru nayi̱ban re. Cui li Dios naraj tixba̱nu raylal re junak cristian, tixba̱nu. Ma̱ ani naru ta̱colok re chiru.

Isaías 23:11

Li Ka̱cuaꞌ quixyeꞌ li rukꞌ saꞌ xbe̱n li palau ut eb li cuanqueb xcuanquil nequeꞌsicsot xban xxiuheb. Quixye nak ta̱sachekꞌ xcuanquileb li tenamit li nequeꞌxcol cuiꞌ ribeb laj Canaán.

Isaías 26:5

Li Ka̱cuaꞌ quixcubsi xcuanquileb li nequeꞌxkꞌetkꞌeti ribeb. Quixsach ru li tenamit li queꞌcuan cuiꞌ. Quilajxtꞌan li tzꞌac li najt xteram li sutsu cuiꞌ li tenamit.

Isaías 27:10

Li tenamit li kꞌaxal cau rib nak quicuan quitzꞌekta̱na̱c. Ma̱cꞌaꞌ chic cuan chi saꞌ. Chanchan li chaki chꞌochꞌ. Aran nequeꞌcuaꞌac li cuacax saꞌ li pachꞌayaꞌ ut aran ajcuiꞌ nequeꞌhilan.

Isaías 32:14

Li palacio ta̱canaba̱k chi ma̱cꞌaꞌ chic cuan chi saꞌ. Ut ma̱cꞌaꞌak chic cristian ta̱cana̱k saꞌ li tenamit, usta nabaleb junxil. Chixjunileb li cab li najt xteram joꞌ eb ajcuiꞌ li cab li nequeꞌxcol cuiꞌ ribeb teꞌsachekꞌ. Junes chic eb li bu̱r re qꞌuicheꞌ ut eb li queto̱mk teꞌcua̱nk aran.

Isaías 32:19

Usta natꞌaneꞌ li sakbach saꞌ li qꞌuicheꞌ ut usta ta̱sachekꞌ ru li tenamit,

Isaías 34:13

Junes qꞌuix chic ta̱cua̱nk saꞌ eb lix palacio ut saꞌ eb li cab li najt xteram li nequeꞌxcol cuiꞌ ribeb. Li naꞌajej aꞌan ta̱cana̱k chokꞌ xnaꞌajeb laj xoj ut chokꞌ xnaꞌajeb li ni̱nki xul avestruces xcꞌabaꞌ.

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Isaías 13:20

Ma̱ ani chic teꞌcua̱nk aran. Chalen anakcuan incꞌaꞌ chic ta̱cua̱nk tenamit saꞌ li naꞌajej aꞌan. Eb laj árabe incꞌaꞌ chic teꞌxyi̱b lix muheba̱leb aran, chi moco eb laj ilol xul teꞌxqꞌue lix queto̱mkeb aran.

Isaías 13:21

Aran teꞌcua̱nk li xul li nequeꞌcuan saꞌ li chaki chꞌochꞌ. Eb li cuarom teꞌcua̱nk saꞌ eb li ochoch ut teꞌcua̱nk ajcuiꞌ aran li ni̱nki xul avestruz xcꞌabaꞌ. Ut eb li chiba̱t re qꞌuicheꞌ teꞌpiscꞌok aran.

Isaías 24:10

Poꞌbil chic chixjunil li tenamit. Ut tzꞌaptzꞌo li rochocheb. Ma̱ ani chic naru nequeꞌoc riqꞌuineb.