Isaías 24:6 - Li Santil hu

⁶ Xban li ma̱usilal li queꞌxba̱nu quisacheꞌ ru li ruchichꞌochꞌ. Ut eb li cristian yo̱queb chixtojbal rix li ma̱c queꞌxba̱nu. Moco qꞌuiheb ta chic li teꞌcana̱k.

Q'eqchi Bible

⁶ Jo'kan naq li xmajewahom li Yos xchalk sa' xb'een li ruuchich'och', xsache'k ru chixjunil ut eb' li poyanam yookeb' chi k'uluk rahilal. Xb'aan li xmaa'usilaleb' yookeb' chi oso'k li tenamit ut yal wiib' oxib' aj chik xe'kanaak.

Isaías 24:6 ပူးပေါင်းရင်းမြစ်များ

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

San Mateo 7:14

Abanan li oqueba̱l ut li be li naxic saꞌ li junelic yuꞌam, aꞌan caꞌchꞌin ru ut incꞌaꞌ qꞌuiheb li nequeꞌoc aran.

Romanos 9:27

Joꞌcaꞌin quixye laj Isaías chirixeb laj Israel: Usta nabaleb li ralal xcꞌajol laj Israel joꞌ xqꞌuial li samaib chire li palau, aban moco qꞌuiheb ta li teꞌcolekꞌ.

Malaquías 4:6

Aꞌan tixtenkꞌaheb li yucuaꞌbej ut li alalbej re nak teꞌxcꞌam cuiꞌchic rib saꞌ usilal. Ut cui incꞌaꞌ teꞌxcꞌam ribeb saꞌ usilal, la̱in tinsach ruheb ut tintzꞌekta̱na lix naꞌajeb, chan li Ka̱cuaꞌ li nimajcual Dios.

Levítico 26:22

Tintakla li joskꞌ aj xul saꞌ e̱ya̱nk ut telajeꞌxcamsiheb le̱ cocꞌal ut teꞌxcamsi le̱ queto̱mk. Moco qꞌuihex ta chic texcana̱k. Ut ma̱ ani chic teꞌnumekꞌ saꞌ eb li be.

2 Pedro 3:10

Lix kꞌehil lix cꞌulunic li Ka̱cuaꞌ, aꞌan chanchan nak nachal laj e̱lkꞌ. Moco cuan ta resil lix cꞌulunic. Saꞌ li cutan aꞌan ta̱osokꞌ li choxa. Tenlok xya̱b nak ta̱osokꞌ. Ut li cꞌaꞌak re ru cuanqueb chiru teꞌosokꞌ xban li xam. Ta̱cꞌatk li ruchichꞌochꞌ joꞌ ajcuiꞌ chixjunil li cꞌaꞌak re ru li cuan chiru.

Malaquías 3:9

Tzꞌekta̱nanbilex che̱junilex la̱ex, joꞌ ajcuiꞌ chixjunil li tenamit, xban nak yo̱quex chirelkꞌanquil li cꞌaꞌru cue.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Ezequiel 5:3

Ut ta̱chap ajcuiꞌ caꞌchꞌinak la̱ cuismal ut ta̱bacꞌ chire la̱ cuakꞌ.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Deuteronomio 28:62

Incꞌaꞌ chic qꞌuihex texcana̱k, usta kꞌaxal nabalex nak quexcuan chak joꞌ xqꞌuial li chahim chiru li choxa, xban nak incꞌaꞌ xeba̱nu li naxye li Ka̱cuaꞌ le̱ Dios.

Deuteronomio 4:27

Li Ka̱cuaꞌ Dios tixchaꞌchaꞌi e̱ru saꞌ eb li jalan tenamit ut moco qꞌuihex ta chic li texcana̱k chi yoꞌyo saꞌ eb li naꞌajej li texcꞌamekꞌ cuiꞌ xban li Ka̱cuaꞌ.

San Mateo 27:25

Ut chixjunileb li tenamit queꞌchakꞌoc ut queꞌxye: —Saꞌ kabe̱n la̱o ut saꞌ xbe̱neb li kalal kacꞌajol chicana̱k xtojbal rix lix camic, chanqueb.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Isaías 9:19

Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.

Isaías 34:5

Li Ka̱cuaꞌ yo̱ chak xjoskꞌil saꞌ choxa saꞌ xbe̱neb laj Edom. Chanchan nak cha̱lc re chixcamsinquileb chi chꞌi̱chꞌ nak tixkꞌaxtesiheb chi camsi̱c. Ac tenebanbil ca̱mc saꞌ xbe̱n li tenamit aꞌan.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Jeremías 5:14

Joꞌcan nak li Ka̱cuaꞌ quixye chi joꞌcaꞌin: —Xban nak queꞌxye chi joꞌcan, joꞌcan nak la̱in tinba̱nu re nak li ta̱ye chanchanak li xam ut eb li tenamit aꞌin chanchanakeb li siꞌ li ta̱cꞌatekꞌ xban li xam.

2 Reyes 24:12

Li rey Joaquín quixkꞌaxtesi rib rubel xcuanquil li rey Nabucodonosor rochben lix naꞌ ut eb li ralal, joꞌ eb ajcuiꞌ li nequeꞌiloc re laj Joaquín ut eb li nequeꞌtenkꞌan re chi takla̱nc. Laj Nabucodonosor quixchapeb ut quixcꞌameb chi pre̱xil. Aꞌin quicꞌulman nak ac yo̱ cuakxakib chihab roquic chokꞌ xreyeb laj Babilonia laj Nabucodonosor.

2 Reyes 25:12

Caꞌaj cuiꞌ li nebaꞌeb quixcanabeb re nak teꞌxcꞌanjela li chꞌochꞌ ut teꞌxrakꞌi li uvas.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

Jeremías 12:4

¿Joꞌ najtil chic ta̱cua̱nk li kachꞌochꞌ chi ma̱cꞌaꞌ cuan chi saꞌ? ¿Joꞌ najtil chic ta̱cana̱k li pachꞌayaꞌ chi chaki? ¿Ma ma̱cuaꞌ ta biꞌ xban lix ma̱usilaleb li tenamit nak queꞌsacheꞌ ru li xul li nequeꞌrupupic joꞌ eb ajcuiꞌ li queto̱mk? Eb aꞌan yo̱queb chixyebal: “Li Dios incꞌaꞌ ta̱ril chanru nak to-osokꞌ,” chanqueb.—