Isaías 24:5 - Li Santil hu

⁵ Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Q'eqchi Bible

⁵ Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Isaías 24:5 ပူးပေါင်းရင်းမြစ်များ

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Hebreos 9:1

Li xbe̱n contrato cuan xchakꞌrab naxye chanru nak nalokꞌoniman li Dios ut cuan jun li muheba̱l re lokꞌoni̱nc, tabernáculo xcꞌabaꞌ, yi̱banbil xbaneb li cui̱nk.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

Miqueas 2:10

Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Daniel 9:10

Incꞌaꞌ xkapa̱b la̱ cua̱tin, at Ka̱cuaꞌ at kaDios. Incꞌaꞌ xkaba̱nu li chakꞌrab li xaqꞌue ke li queꞌxchꞌolob xya̱lal chiku eb li profeta laj cꞌanjeleb cha̱cuu.

Ezequiel 20:24

Quinye chi joꞌcan xban nak incꞌaꞌ queꞌxba̱nu li cꞌaꞌru quinye reheb. Queꞌxkꞌet lin chakꞌrab ut queꞌxmux ru li hiloba̱l cutan. Ut queꞌxlokꞌoniheb li jalanil dios li queꞌxlokꞌoni lix yucuaꞌeb.

Ezequiel 20:13

Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Salmos 105:10

Li Ka̱cuaꞌ quixba̱nu ajcuiꞌ li contrato aꞌan riqꞌuin laj Jacob. Ut quixxakab xcuanquil li contrato chokꞌ reheb laj Israel chi junelic.

Salmos 55:5

Ma̱ caꞌchꞌin nak ninxucuac xbaneb ut ninsicsot xban inxiu. Osocꞌ cue nak nacuecꞌa.

2 Crónicas 33:9

Abanan, laj Manasés quixcꞌam xbeheb li cuanqueb Judá ut Jerusalén chixba̱nunquil li ma̱usilal. Kꞌaxal cuiꞌchic numtajenak xyibal ru li ma̱c queꞌxba̱nu chiru li queꞌxba̱nu li tenamit li queꞌisi̱c xban li Dios nak eb laj Israel queꞌoc saꞌ li naꞌajej aꞌan.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

Josué 24:25

Saꞌ ajcuiꞌ li cutan aꞌan saꞌ li naꞌajej Siquem, laj Josué quixba̱nu jun li contrato riqꞌuineb laj Israel. Quixqꞌue li chakꞌrab reheb ut quixye reheb chanru teꞌxba̱nu.

Deuteronomio 32:20

Li Ka̱cuaꞌ quixye: —La̱in incꞌaꞌ chic tincuileb chi moco tincuabiheb. Toj tincuil cꞌaꞌru teꞌxcꞌul xban nak incꞌaꞌ useb xnaꞌleb. Queꞌxkꞌetkꞌeti ribeb chicuu ut ma̱cꞌaꞌeb xpa̱ba̱l.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

Levítico 20:22

Joꞌcan nak cheba̱nu chixjunil li chakꞌrab li yo̱quin chixqꞌuebal e̱re ut te̱pa̱b le̱ taklanquil re nak incꞌaꞌ tex-isi̱k saꞌ li naꞌajej Canaán li texincꞌam cuiꞌ la̱in.

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Ezequiel 37:26

La̱in tinba̱nu jun li contrato riqꞌuineb chi junelic re nak teꞌcua̱nk saꞌ tuktu̱quil usilal. Tinxakabeb saꞌ xnaꞌajeb ut tebinqꞌue chi qꞌuia̱nc. Ut tinqꞌue lin templo chi cua̱nc saꞌ lix naꞌajeb chi junelic.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Isaías 33:8

Eb li be poꞌinbileb. Ma̱ ani chic nequeꞌbe̱c saꞌ eb li be. Incꞌaꞌ chic nequeꞌxba̱nu li cꞌaꞌru xeꞌxye saꞌ eb li contrato. Nequeꞌxkꞌet ban li ra̱tineb. Ma̱ ani chic na-oxlokꞌi li ras ri̱tzꞌin.

Ezequiel 16:59

Li nimajcual Dios quixye: La̱in tatinqꞌue chixtojbal a̱ma̱c joꞌ a̱cꞌulub xcꞌulbal xban nak cacuisi xcuanquil li contrato ut incꞌaꞌ caba̱nu li cꞌaꞌru caye.

Levítico 26:35

Chixjunil li chihab nak ma̱ anihakex saꞌ li naꞌajej aꞌin, li chꞌochꞌ ta̱sahokꞌ xchꞌo̱l ut ta̱hila̱nk xban nak la̱ex incꞌaꞌ xeqꞌue chi hila̱nc saꞌ li chihab nak tento raj xhilan.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

2 Reyes 21:12

Xban li ma̱usilal queꞌxba̱nu, la̱in tintakla li raylal saꞌ xbe̱neb laj Jerusalén ut saꞌ xbe̱neb laj Judá. Ta̱rahokꞌ saꞌ xxiqueb chixjunileb li teꞌabi̱nk re resil li raylal teꞌxcꞌul, chan li Ka̱cuaꞌ lix Dioseb laj Israel.

2 Reyes 21:15

La̱in tinqꞌue li raylal aꞌin saꞌ xbe̱neb xban nak eb lin tenamit xeꞌma̱cob chicuu. Queꞌxchikꞌ injoskꞌil chalen nak queꞌel chak Egipto lix xeꞌto̱nil xyucuaꞌeb ut toj chalen anakcuan, chan li Dios.

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Oseas 6:7

Joꞌ quixba̱nu laj Adán nak quixkꞌet li cua̱tin, joꞌcan ajcuiꞌ queꞌxba̱nu lin tenamit nak quineꞌxtzꞌekta̱na.