Isaías 24:4 - Li Santil hu

⁴ Ta̱chakik li ruchichꞌochꞌ ut ta̱osokꞌ. Chixjunil li cuan saꞌ ruchichꞌochꞌ ta̱sachk. Ut ta̱sachekꞌ ajcuiꞌ ruheb li xni̱nkal tenamit.

Q'eqchi Bible

⁴ Ra rilb'al li ch'och' naq yo chi chaqik ru, li ruuchich'och' yo chi oso'k ut chi sachk; k'ajo' naq ra sa' xch'ool chixjunil li choxach'och'.

Isaías 24:4 ပူးပေါင်းရင်းမြစ်များ

Oseas 4:3

Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Isaías 33:9

Ma̱cꞌaꞌ chic li acui̱mk saꞌ lix chꞌochꞌeb. Kꞌaxal ra saꞌ xchꞌo̱l li naꞌajej. Quicꞌuteꞌ xxuta̱n li tenamit Líbano. Ut li ru takꞌa Sarón quisukꞌisi̱c chaki chꞌochꞌ. Ma̱cꞌaꞌ chic xxak li cheꞌ li cuan Basán, chi moco cuan xxak li cheꞌ li cuan saꞌ li tzu̱l Carmelo.

Isaías 3:26

Eb li cuanqueb saꞌ li tenamit teꞌya̱bak ut teꞌxqꞌue li kꞌes ru tꞌicr chirixeb. Li tenamit Jerusalén tzꞌekta̱nanbil ta̱cana̱k.

Jeremías 12:4

¿Joꞌ najtil chic ta̱cua̱nk li kachꞌochꞌ chi ma̱cꞌaꞌ cuan chi saꞌ? ¿Joꞌ najtil chic ta̱cana̱k li pachꞌayaꞌ chi chaki? ¿Ma ma̱cuaꞌ ta biꞌ xban lix ma̱usilaleb li tenamit nak queꞌsacheꞌ ru li xul li nequeꞌrupupic joꞌ eb ajcuiꞌ li queto̱mk? Eb aꞌan yo̱queb chixyebal: “Li Dios incꞌaꞌ ta̱ril chanru nak to-osokꞌ,” chanqueb.—

Jeremías 4:28

Ta̱rahokꞌ xchꞌo̱l li ruchichꞌochꞌ ut ta̱kꞌojyi̱nokꞌ ru li choxa. Li Ka̱cuaꞌ quixye nak ta̱cꞌulma̱nk chi joꞌcan ut aꞌan incꞌaꞌ tixjal xcꞌaꞌux.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

Isaías 28:1

Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Isaías 24:3

Ta̱sachekꞌ ru chixjunil li cuan saꞌ ruchichꞌochꞌ. Ma̱cꞌaꞌ chic cuan chiru ta̱cana̱k. Li Ka̱cuaꞌ li nimajcual Dios, aꞌan li quiyehoc re aꞌin.

Isaías 24:21

Ta̱cuulak xkꞌehil nak li Ka̱cuaꞌ tixqꞌueheb chixtojbal xma̱queb li cuanqueb xcuanquil saꞌ choxa joꞌqueb ajcuiꞌ li cuanqueb xcuanquil saꞌ ruchichꞌochꞌ.

Lamentaciones 1:4

Kꞌaxal ra saꞌ xchꞌo̱leb li be li nequeꞌxic aran Sión xban nak ma̱ ani nanumeꞌ aran re teꞌxic saꞌ eb li ninkꞌe. Ma̱ ani nacuan chiruheb li oqueba̱l re li tenamit ut eb laj tij yo̱queb chixjikꞌbal xchꞌo̱leb xban li raylal yo̱queb chixcꞌulbal. Kꞌaxal ra saꞌ xchꞌo̱leb li tukꞌ ixk joꞌqueb ajcuiꞌ chixjunileb li tenamit.

Joel 1:10

Ra saꞌ xchꞌo̱l li chꞌochꞌ xban nak ma̱cꞌaꞌ chic cuan chiru. Xeꞌchakic li trigo ut xeꞌchakic lix cheꞌel li uvas, ut ma̱cꞌaꞌ chic li aceite xban nak xeꞌchakic lix cheꞌel li olivo.