Isaías 24:22 - Li Santil hu

²² Tixchꞌutub ru joꞌ nak nequeꞌchꞌutuba̱c li pre̱x ut teꞌtzꞌapekꞌ saꞌ jun naꞌajej joꞌ nak nequeꞌtzꞌapeꞌ li pre̱x li ni̱nkeb xma̱c. Ut najt teꞌcua̱nk aran toj ta̱cuulak xkꞌehil nak teꞌqꞌuehekꞌ chixtojbal xma̱queb.

Q'eqchi Bible

²² Tixch'utub', tixtuub' chixjunileb' ut tixtz'apeb' sa' tz'alam chiru k'iila chihab', ut moqon chik te'k'ehe'q sa' tojb'amaak.

Isaías 24:22 ပူးပေါင်းရင်းမြစ်များ

Zacarías 9:11

Joꞌcaꞌin quixye li Ka̱cuaꞌ: —La̱ex aj Jerusalén, xeqꞌue xcuanquil li contrato riqꞌuin xquiqꞌuel li xul li xemayeja. Joꞌcaꞌin nak la̱in texincol chiru li raylal. Chanchan nak texcuisi saꞌ jun li chamal jul li ma̱cꞌaꞌ haꞌ chi saꞌ.

Isaías 42:22

Lix tenamit li Dios queꞌchapeꞌ ut queꞌrahobtesi̱c. Queꞌqꞌueheꞌ saꞌ tzꞌalam ut queꞌtzꞌapeꞌ saꞌ eb li ochoch pec. Quimakꞌeꞌ li cꞌaꞌru reheb ut ma̱ ani quicoloc reheb.

Ezequiel 38:8

Nak acak xnumeꞌ nabal chihab la̱at tattakla̱k chi pletic saꞌ jun li tenamit colbil chiru li ple̱t. Li tenamit isinbileb chak saꞌ eb li xni̱nkal ru tenamit li queꞌjeqꞌui̱c cuiꞌ ru junxil. Li tenamit aꞌan juqꞌuinbil nak quicuan junxil. Abanan queꞌchꞌutuba̱c cuiꞌchic ruheb aran Israel ut ac queꞌxyi̱b cuiꞌchic lix tenamiteb. Ut cuanqueb saꞌ lix tenamiteb chi ma̱cꞌaꞌeb xcꞌaꞌux.

Isaías 24:17

Raylal ta̱cha̱lk saꞌ e̱be̱n la̱ex li cuanquex saꞌ ruchichꞌochꞌ. Chanchanakex li xul li yo̱queb chi a̱lina̱c xbaneb laj yo. Chanchan nak oc e̱re chi tꞌanecꞌ saꞌ jun li jul malaj ut saꞌ jun li raꞌal.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 2:19

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal ut lix cuanquilal li Dios.

Apocalipsis 20:2

Quixchap li dragón. Aꞌan li cꞌantiꞌ li ac cuan ajcuiꞌ chak najter. Aꞌan laj tza. Satanás nayeman re. Nak quixchap, quixbacꞌ ut quixcanab chi bacꞌbo chiru jun mil chihab.

Zacarías 9:12

Sukꞌinkex cuiqꞌuin la̱ex aj Israel, li toj yo̱quex chi yoꞌoni̱nc cuiqꞌuin, usta rahobtesinbilex xbaneb li jalan tenamit. La̱in ninye e̱re nak usta nabal li raylal xecꞌul, abanan anakcuan kꞌaxal cuiꞌchic nabal le̱ rosobtesinquil tinqꞌue.