Isaías 24:20 - Li Santil hu

²⁰ Ta̱ecꞌa̱nk li ruchichꞌochꞌ. Chanchanak jun li calajenak. Malaj ut chanchanak jun li cab li na-ecꞌasi̱c xban ikꞌ. Li ma̱c li quiba̱nu̱c xnumta saꞌ xbe̱n. Incꞌaꞌ chic ta̱ru̱k ta̱cuacli̱k.

Q'eqchi Bible

²⁰ Taktotq aj chik li ruuchich'och' jo' junaq kalajenaq, ut taat'uyleeq jo' na'uxk re li ab'. K'ajo' raalal li maak sa' xb'een: taat'ane'q ut ink'a' chik taawakliiq.

Isaías 24:20 ပူးပေါင်းရင်းမြစ်များ

Isaías 19:14

Li Ka̱cuaꞌ quixsach xnaꞌlebeb re nak incꞌaꞌ us li naꞌleb li teꞌxqꞌue. Joꞌcan nak incꞌaꞌ na-el chi us li tenamit Egipto riqꞌuin li cꞌaꞌru naxba̱nu. Chanchaneb li calajenak li nequeꞌtacloc saꞌ lix xaꞌauheb.

Amós 8:14

Eb li nequeꞌxba̱nu xjuramento saꞌ xcꞌabaꞌ li yi̱banbil dios li cuan Samaria, eb aꞌan teꞌosokꞌ. Cuanqueb li teꞌxpatzꞌ xcꞌabaꞌ lix yi̱banbil dios li cuanqueb saꞌ li naꞌajej Dan ut teꞌxpatzꞌ xcꞌabaꞌeb lix dioseb li cuanqueb aran Beerseba. Eb li tenamit aꞌan teꞌsachekꞌ chi junaj cua, chan li Dios.

Daniel 11:19

Ut li rey li cuan saꞌ li norte ta̱e̱lelik chiru ut yo̱k raj chi sukꞌi̱c saꞌ lix tenamit. Abanan ta̱cua̱nk xchꞌaꞌajquilal saꞌ be ut incꞌaꞌ ta̱cuulak.

Isaías 29:9

La̱ex aj Jerusalén, cana̱kex saꞌ le̱ to̱ntil naꞌleb. Chanchanakex li mutzꞌ ut chanchanakex li calajenak usta incꞌaꞌ tex-ucꞌak vino. Taclo̱kex usta incꞌaꞌ yo̱kex chi cala̱c.

Apocalipsis 18:21

Ut jun li ángel cau rib quixchap jun li nimla pec, chanchan li nimla pec li nequeꞌrocsi re li molino, ut quixcut saꞌ li palau ut quixye: Joꞌ nak xsach li pec aꞌin saꞌ li palau, joꞌcan ajcuiꞌ nak ta̱sachekꞌ ru li tenamit Babilonia. Incꞌaꞌ chic ta̱ilekꞌ ru.

Lamentaciones 1:14

Li Ka̱cuaꞌ yo̱ chak chixqꞌuebal retal li ma̱c li xkaba̱nu. Chanchan nak quixchꞌutubeb li kama̱c ut quixbacꞌ chiru li kacux. Chanchan li yugo li kꞌaxal a̱l xcꞌambal. Yo̱ chi osocꞌ li kametzꞌe̱u. Li Ka̱cuaꞌ coxkꞌaxtesi saꞌ rukꞌeb li xicꞌ nequeꞌiloc ke ut la̱o incꞌaꞌ chic nakacuy xcolbal kib chiruheb.

Jeremías 25:27

Ut li Ka̱cuaꞌ quixye cue: —La̱at ta̱ye reheb: Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. Cꞌulumak li raylal. Chanchan nak tex-ucꞌak toj texcala̱k ut texxaꞌcuak ut textꞌanekꞌ. Ut incꞌaꞌ chic texcuacli̱k xban li ple̱t li tintakla saꞌ e̱be̱n.

Jeremías 8:4

At Jeremías, la̱at ta̱ye resil aꞌin reheb li tenamit. Nak junak natꞌaneꞌ, ¿ma incꞌaꞌ ta biꞌ nacuacli cuiꞌchic? Cui junak naxjal xbe, ¿ma incꞌaꞌ ta biꞌ ta̱sukꞌi̱k nak tixqꞌue retal nak ma̱cuaꞌ aꞌan li be li yo̱ cuiꞌ chi xic?

Isaías 43:27

Eb le̱ xeꞌto̱nil yucuaꞌ xeꞌma̱cob chicuu. Ut eb li nequeꞌcꞌamoc be che̱ru xeꞌma̱cob chicuu.

Isaías 38:12

Saꞌ inchꞌo̱l la̱in nak li Dios xrisi lin yuꞌam. Chanchan jun li muheba̱l li na-isi̱c saꞌ xnaꞌaj. Malaj ut chanchan jun li tꞌicr li na-isi̱c saꞌ li quemleb. Quincꞌoxla nak li Dios ac xrak lin yuꞌam.

Isaías 1:28

Abanan eb laj kꞌetol a̱tin ut eb laj ma̱c teꞌsachekꞌ ruheb. Teꞌosokꞌ chixjunileb li nequeꞌtzꞌekta̱nan cue.

Isaías 1:8

Caꞌaj chic li tenamit Sión xcana sutsu xbaneb li xicꞌ nequeꞌiloc re. Nacꞌutun chanchan li chꞌina cab li cuan saꞌ xnaꞌaj li acui̱mk uvas. Chanchan li chꞌina cab saꞌ xnaꞌaj li acui̱mk melón.

Salmos 107:27

Nequeꞌtacloc ut caꞌchꞌin chic ma̱ nequeꞌtꞌaneꞌ. Chanchan teꞌcala̱k ut incꞌaꞌ chic queꞌxtau cꞌaꞌru teꞌxba̱nu.

Salmos 38:4

Cꞌajoꞌ nayotꞌeꞌ inchꞌo̱l xban li ma̱c xinba̱nu. Nacuecꞌa nak ma̱cꞌaꞌ chic inmetzꞌe̱u. Chanchan nak cuan jun nimla i̱k saꞌ inbe̱n.

Li xHu LAJ JOB 12:25

Chanchan nak yo̱queb chi be̱c saꞌ kꞌojyi̱n chi incꞌaꞌ nequeꞌxnau bar yo̱queb chi xic. Nequeꞌtacloc chanchaneb li calajenak.

Isaías 24:1

Li Ka̱cuaꞌ tixpoꞌ ru li ruchichꞌochꞌ. Ta̱cana̱k chi ma̱cꞌaꞌ cuan chiru. Ut tixchaꞌchaꞌiheb li tenamit yalak bar.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

Isaías 66:24

Teꞌe̱lk ut teꞌril lix tibeleb li cristian li xeꞌtzꞌekta̱nan cue. Ac camenakeb chic. Eb li motzoꞌ li nequeꞌcꞌuxuc re lix tibel incꞌaꞌ teꞌca̱mk, chi moco ta̱chupk li xam li nacꞌatoc reheb. Cꞌajoꞌak xyibaleb ru ta̱cꞌutu̱nk chiruheb li tenamit, chan li Ka̱cuaꞌ Dios.

Nahum 1:5

Riqꞌuin lix nimal xcuanquil, nequeꞌecꞌan li tzu̱l saꞌ xnaꞌaj ut nequeꞌhaꞌoꞌ xban lix cuanquil. Na-ecꞌan li ruchichꞌochꞌ xban lix cuanquil ut chixjunileb li cuanqueb saꞌ ruchichꞌochꞌ nequeꞌxucuac.

Génesis 41:31

Chixjunil li ta̱sicꞌma̱nk chiru li cuukub chihab cha̱bil, aꞌan incꞌaꞌ ta̱tzꞌaklok nak yo̱k li cueꞌej.

Jeremías 4:24

Quin-iloc saꞌ eb li tzu̱l ut quinqꞌue retal nak yo̱queb chi ecꞌa̱nc saꞌ xnaꞌajeb. Eb li cocꞌ bol yo̱queb chi tꞌanecꞌ.

Jeremías 51:29

Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.