Isaías 24:2 - Li Santil hu

² Juntakꞌe̱t li raylal teꞌxcꞌul chixjunileb. Juntakꞌe̱t li raylal teꞌxcꞌul laj tij riqꞌuin li teꞌxcꞌul li tenamit. Juntakꞌe̱t li raylal teꞌxcꞌul li mo̱s riqꞌuin li teꞌxcꞌul lix patrón. Juntakꞌe̱t li raylal li teꞌxcꞌul li nequeꞌcꞌayin riqꞌuin li teꞌxcꞌul li nequeꞌlokꞌoc. Ut juntakꞌe̱t li raylal li teꞌxcꞌul li nequeꞌqꞌuehoc toꞌ tumin riqꞌuineb li nequeꞌcꞌuluc tumin chi toꞌ. Ut juntakꞌe̱t li raylal li teꞌxcꞌul li nebaꞌ riqꞌuin li teꞌxcꞌul li biom.

Q'eqchi Bible

² Juntaq'eet li rahilal te'xk'ul laj tij ut li tenamit, laj mun jo' ajwi' laj eechal re; li moos ixq jo' ajwi' laj eechal re; li nak'ayink ut li naloq'ok; li nato'onink ut li nak'ehok to'; li nak'asok ut li nak'ehok k'as.

Isaías 24:2 ပူးပေါင်းရင်းမြစ်များ

Oseas 4:9

Chanru lix naꞌlebeb li tenamit, joꞌcan ajcuiꞌ e̱naꞌleb la̱ex aj tij. Joꞌcan nak texinqꞌue chixtojbal rix le̱ ma̱c aꞌ yal chanru le̱ yehom e̱ba̱nuhom.

Lamentaciones 4:13

Aꞌin quicꞌulman xban lix ma̱queb li profetas ut eb laj tij. Eb aꞌan queꞌma̱cob nak queꞌxqꞌueheb chi camsi̱c aran Jerusalén li cristian li ma̱cꞌaꞌeb xma̱c.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 41:2

Nak yo̱queb chi cuaꞌac, laj Ismael ut li laje̱b chi cui̱nk li cuanqueb rochben, queꞌcuacli ut queꞌxcamsi chi chꞌi̱chꞌ laj Gedalías li ralal laj Ahicam, li ralal laj Safán. Laj Gedalías, aꞌan li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Isaías 5:15

Eb li cristian teꞌcubsi̱k xcuanquileb. Ut teꞌcubsi̱k ajcuiꞌ xcuanquileb li nequeꞌxkꞌetkꞌeti ribeb.

Isaías 2:9

Eb li cristian queꞌxcuikꞌib ribeb chixlokꞌoninquileb li jalanil dios. Joꞌcan nak ta̱cubsiheb xcuanquil ut incꞌaꞌ ta̱cuyeb xma̱queb at Ka̱cuaꞌ.

2 Crónicas 36:20

Chixjunileb li incꞌaꞌ queꞌcamsi̱c, queꞌchapeꞌ ut queꞌcꞌameꞌ Babilonia. Ut aran queꞌcana chokꞌ xmo̱seb li rey ut chokꞌ xmo̱seb li ralal xcꞌajol toj quicuulac xkꞌehil nak eb laj Persia queꞌnumta saꞌ xbe̱neb laj Babilonia.

Génesis 41:50

Nak ma̱jiꞌ nacuulac xkꞌehil li cueꞌej, laj José quicuan cuib li ralal riqꞌuin lix Asenat, lix rabin laj Potifera laj cꞌamol be re tijoc saꞌ xya̱nkeb laj On.

Isaías 24:3

Ta̱sachekꞌ ru chixjunil li cuan saꞌ ruchichꞌochꞌ. Ma̱cꞌaꞌ chic cuan chiru ta̱cana̱k. Li Ka̱cuaꞌ li nimajcual Dios, aꞌan li quiyehoc re aꞌin.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

Lamentaciones 4:6

Kꞌaxal cuiꞌchic xnumta lix ma̱usilal lin tenamit chiru li ma̱usilal li queꞌxba̱nu eb laj Sodoma, li queꞌsacheꞌ ruheb saꞌ junpa̱t chi ma̱ ani quipletic riqꞌuineb.

Lamentaciones 4:16

Xban xjoskꞌil li Ka̱cuaꞌ quixchaꞌchaꞌi ruheb ut incꞌaꞌ chic quixcꞌoxlaheb. Incꞌaꞌ queꞌqꞌueheꞌ xlokꞌal eb laj tij chi moco queꞌileꞌ xtokꞌoba̱l ruheb li nequeꞌcꞌamoc be.