Isaías 24:14 - Li Santil hu

¹⁴ Eb li incꞌaꞌ teꞌsachekꞌ teꞌbicha̱nk xban xsahil xchꞌo̱leb ut eb li cuanqueb chire li palau teꞌxye nak kꞌaxal nim xcuanquil li Ka̱cuaꞌ.

Q'eqchi Bible

¹⁴ Eb' li te'kole'q te'xjap re xb'aan xsahil xch'ooleb' sa' xk'ab'a' li xnimal xloq'al li Qaawa', chalen chaq toj chire li palaw.

Isaías 24:14 ပူးပေါင်းရင်းမြစ်များ

Zacarías 2:10

Li Ka̱cuaꞌ quixye: —Bichankex chi sa saꞌ e̱chꞌo̱l la̱ex aj Jerusalén xban nak la̱in tincua̱nk e̱riqꞌuin, chan.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Jeremías 30:19

Ut eb li tenamit teꞌbicha̱nk re bantioxi̱nc ut teꞌbicha̱nk xban xsahileb xchꞌo̱l. Tebinqꞌue cuiꞌchic chi qꞌuia̱nc toj retal teꞌnabalokꞌ. Tinqꞌue cuiꞌchic xlokꞌaleb ut incꞌaꞌ chic teꞌtzꞌekta̱na̱k.

Isaías 54:1

Li Ka̱cuaꞌ quixye: —Bichankex la̱ex aj Jerusalén. Junxil chanchanex li ixk li incꞌaꞌ naqꞌuiresin. Abanan anakcuan naru te̱jap e̱re chi bicha̱nc xban xsahil e̱chꞌo̱l. Anakcuan kꞌaxal cuiꞌchic nabaleb le̱ ralal e̱cꞌajol chiruheb li queꞌcuan junxil. Chanchanex chic jun li ixk nabaleb xcocꞌal.

Isaías 51:11

Eb li colbileb a̱ban teꞌsukꞌi̱k cuiꞌchic Sión chi sa saꞌ xchꞌo̱leb. Yo̱keb chi bicha̱nc ut yo̱keb chixjapbal reheb xban xsahileb xchꞌo̱l. Sahak saꞌ xchꞌo̱leb chi junelic. Incꞌaꞌ chic ta̱rahokꞌ saꞌ xchꞌo̱leb. Chi moco teꞌya̱bak chic.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Isaías 40:9

At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Isaías 35:2

Li chaki chꞌochꞌ ta̱bicha̱nk xban xsahil xchꞌo̱l. Cꞌajoꞌak xchꞌinaꞌusal. Chanchanak li tzu̱l li cuanqueb Líbano ut kꞌaxal cha̱bilak chic li chꞌochꞌ. Chanchanak li chꞌochꞌ li cuan Carmelo ut chanchanak li chꞌochꞌ li cuan Sarón. Ut chixjunileb teꞌril li quilajxba̱nu li Dios ut teꞌxqꞌue retal lix lokꞌal ut lix cuanquilal.

Isaías 27:2

Saꞌ li cutan aꞌan li Ka̱cuaꞌ Dios tixye: —Bichankex chirix lix naꞌaj li cha̱bil uvas.

Isaías 26:1

Saꞌ eb li cutan aꞌan eb li cristian teꞌxbicha li bich aꞌin saꞌ li naꞌajej Judá: Kꞌaxal cau rib li katenamit. Li Ka̱cuaꞌ, aꞌan li quixakaban re li tzꞌac li sutsu cuiꞌ li tenamit re kacolbal.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Isaías 60:5

Cꞌajoꞌak xsahil saꞌ e̱chꞌo̱l nak te̱ril nak yo̱keb chi cha̱lc nabal chi tenamit li cuanqueb chak jun pacꞌal li palau. Ut teꞌxcꞌam chak lix biomaleb li xni̱nkal ru tenamit nak teꞌcha̱lk e̱riqꞌuin.

Jeremías 51:10

Li Ka̱cuaꞌ xcꞌutbesi nak la̱o cuanco saꞌ ti̱quilal. Yoꞌkeb chixyebal reheb li cuanqueb Sión li cꞌaꞌru quixba̱nu li Ka̱cuaꞌ li kaDios.