Isaías 24:13 - Li Santil hu

¹³ Joꞌcan ta̱cꞌulma̱nk saꞌ chixjunileb li tenamit li cuanqueb yalak bar saꞌ ruchichꞌochꞌ. Chanchan nak nachikꞌchikꞌi̱c li cheꞌ olivo re ta̱tꞌanekꞌ li ru. Chanchan nak ac xeꞌrakeꞌ chixsicꞌbal chixjunil li ru li uvas.

Q'eqchi Bible

¹³ Sa' chixjunileb' li tenamit li wankeb' sa' ruuchich'och' taak'ulmanq jo' naq nach'oxe'k ru li oliiw, malaj jo' naq nasakoniik ru li uub' sa' xraqik.

Isaías 24:13 ပူးပေါင်းရင်းမြစ်များ

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

Apocalipsis 3:4

La̱in ninnau nak aran Sardis toj cuanqueb cuib oxib saꞌ e̱ya̱nk li ti̱c xchꞌo̱leb. Incꞌaꞌ xeꞌxtzꞌajni ribeb riqꞌuin xba̱nunquil li ma̱usilal. La̱in tinye reheb nak xcꞌulubeb cua̱nc cuiqꞌuin chi tikto̱queb riqꞌuin saki akꞌej xban nak ti̱c xchꞌo̱leb.

San Mateo 24:22

Cui ta ma̱cꞌaꞌ saꞌ xchꞌo̱l li Ka̱cuaꞌ xrakbal ruheb li cutan aꞌan, ma̱ ani raj ta̱cana̱k chi yoꞌyo saꞌ ruchichꞌochꞌ. Joꞌcan nak li Ka̱cuaꞌ tixse̱ba xrakbal ruheb li cutan aꞌan saꞌ xcꞌabaꞌeb li sicꞌbileb ru.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Ezequiel 7:16

Cuanqueb li teꞌe̱lelik saꞌ eb li tzu̱l re xcolbal ribeb joꞌ li mucuy li nequeꞌcuan saꞌ li ru takꞌa. Chixjunileb yo̱keb chi ya̱bac xban li ma̱usilal queꞌxba̱nu.

Jeremías 44:28

Moco nabaleb ta li teꞌe̱lk Egipto li teꞌxic cuiꞌchic chi cua̱nc Judá. Moco qꞌuiheb ta li incꞌaꞌ teꞌcamsi̱k. Ut chixjunileb laj Judá li incꞌaꞌ queꞌsacheꞌ ru, li queꞌchal chak Egipto, teꞌxqꞌue retal li cꞌaꞌru ta̱cꞌulma̱nk, ma li xinye la̱in, malaj ut li cꞌaꞌru xeꞌxye eb aꞌan.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Levítico 19:9

Ut nak te̱sicꞌ ru le̱ racui̱mk, incꞌaꞌ te̱sicꞌ chi us, chi moco te̱molcꞌa li natꞌaneꞌ.

Isaías 27:12

Saꞌ li cutan aꞌan li Ka̱cuaꞌ tixchꞌutubeb lix tenamit. Naticla chak cuan cuiꞌ li nimaꞌ Éufrates. Nacuulac toj saꞌ lix nuba̱leb laj Egipto. Li junju̱nk chi aj Israel teꞌchꞌutuba̱k joꞌ nak naxocman ru li trigo.

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Isaías 17:4

Saꞌ eb li cutan aꞌan ta̱sachekꞌ lix cuanquilaleb li ralal xcꞌajol laj Jacob. Ut ta̱sachekꞌ ajcuiꞌ lix biomaleb.