Isaías 23:1 - Li Santil hu

¹ Aꞌan aꞌin resil li cꞌaꞌru teꞌxcꞌul li tenamit Tiro. Chexya̱bak la̱ex li cuanquex saꞌ eb li jucub re Tarsis xban nak quisacheꞌ ru li tenamit Tiro li texxic cuiꞌ. Quilajeꞌtꞌaneꞌ chixjunileb li ochoch. Toj Quitim qui-abi̱c resil.

Q'eqchi Bible

¹ Resilal li rahilal tixk'ul li tenamit Tiro: Yaab'anqex, ex jukub' re Tarsis, xb'aan naq xjuk'e'k li na'ajej nekexhilank wi'. Naq yookeb' chaq chi sutq'iik Kitim, xe'rab'i resil a'in.

Isaías 23:1 ပူးပေါင်းရင်းမြစ်များ

Génesis 10:4

Ut aꞌaneb aꞌin lix cꞌabaꞌeb li ralal laj Javán: laj Elisa, laj Tarsis, laj Quitim ut laj Dodanim.

Jeremías 47:4

Xcuulac xkꞌehil nak ta̱sachekꞌ ruheb laj filisteo. Teꞌsachekꞌ ruheb li teꞌraj xtenkꞌanquileb laj Tiro ut laj Sidón. Li Ka̱cuaꞌ oc re chixsachbal ruheb laj filisteo, li joꞌ qꞌuial incꞌaꞌ queꞌsacheꞌ ru aran Caftor chire li palau.

Jeremías 25:22

ut chixjunileb li rey li cuanqueb Tiro; ut chixjunileb li rey li cuanqueb Sidón; ut chixjunileb li rey li cuanqueb chire li palau.

Isaías 2:16

Ta̱risiheb xcuanquil li nequeꞌrecꞌa nak cauheb rib joꞌ eb li ni̱nki jucub re Tarsis ut ta̱risiheb ajcuiꞌ xcuanquil li nequeꞌrecꞌa nak kꞌaxal lokꞌeb joꞌ li cꞌaꞌak re ru terto xtzꞌak.

Jeremías 2:10

Ayukex aran Quitim li cuan chire li nimla palau ut taklahomakeb li teꞌxic aran Cedar. Qꞌuehomak chak retal chi us. ¿Ma xeꞌxba̱nu joꞌ yo̱quex la̱ex?

Isaías 23:12

Li Dios quixye reheb li cuanqueb saꞌ li tenamit Tiro, li quiyi̱ba̱c xbaneb laj Sidón: —Incꞌaꞌ chic ta̱sahokꞌ saꞌ e̱chꞌo̱l. Junxil chanchanex jun li tukꞌ ixk. Abanan anakcuan rahobtesinbilex chic. Usta nequex-e̱lelic toj Quitim, abanan chi moco aran naru ta̱sahokꞌ saꞌ e̱chꞌo̱l.—

1 Reyes 22:48

Li rey Josafat quixqꞌue chi yi̱ba̱c li ni̱nki jucub joꞌ li cuan Tarsis re teꞌxic chiru li palau toj Ofir chixcꞌambal chak li oro. Abanan incꞌaꞌ queꞌcuulac xban nak queꞌjacheꞌ li jucub aran Ezión-geber.

1 Reyes 10:22

Rajlal oxib chihab lix jucub laj Salomón nequeꞌchal chak Tarsis joꞌ eb ajcuiꞌ lix jucub li rey Hiram ut nequeꞌxcꞌam chak li oro, li plata, ut li marfil. Ut nequeꞌxcꞌam ajcuiꞌ chak li batzꞌ ut li pavo real.

Daniel 11:30

Moco joꞌ ta nak queꞌpletic xbe̱n cua xban nak nabaleb li soldado teꞌcha̱lk Quitim saꞌ li ni̱nki jucub re pletic ut teꞌxram xbeheb chiruheb. Ut ma̱cꞌajoꞌ nak teꞌxucuak ut teꞌsukꞌi̱k cuiꞌchic saꞌ lix tenamiteb. Ut li rey kꞌaxal cuiꞌchic xicꞌ ta̱rileb laj Israel lix tenamit li Dios. Cuanqueb laj Israel teꞌxtzꞌekta̱na li santil contrato ut teꞌkꞌaxo̱nk saꞌ xya̱nkeb li cuanqueb saꞌ li norte. Ut aꞌanakeb chic teꞌqꞌuehok xnaꞌleb li rey re xba̱nunquil li incꞌaꞌ us.

Ezequiel 26:1

Saꞌ li xbe̱n cutan re li po nak yo̱ junlaju chihab kacꞌambal Babilonia li Ka̱cuaꞌ quia̱tinac cuiqꞌuin ut quixye cue:

Jeremías 25:15

Joꞌcaꞌin quixye cue li Ka̱cuaꞌ lix Dioseb laj Israel: —Chap li secꞌ li tinqꞌue a̱cue li nujenak riqꞌuin vino retalil lin joskꞌil ut ta̱qꞌue chiruqꞌueb chixjunileb li xni̱nkal ru tenamit li tatintakla cuiꞌ.

Isaías 60:9

Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Isaías 24:10

Poꞌbil chic chixjunil li tenamit. Ut tzꞌaptzꞌo li rochocheb. Ma̱ ani chic naru nequeꞌoc riqꞌuineb.

Isaías 15:8

Yalak bar saꞌ li naꞌajej Moab ta̱abi̱k li ya̱bac. Ta̱abi̱k saꞌ li tenamit Eglaim. Toj saꞌ li tenamit Beer-elim ta̱abi̱k lix ya̱beb.

Salmos 48:7

Queꞌxcꞌul joꞌ queꞌxcꞌul li ni̱nki jucub reheb laj Tarsis nak quilajeꞌsacheꞌ xban li cacuil ikꞌ li quichal chak saꞌ releb sakꞌe, li taklanbil chak xban li Dios.

2 Crónicas 9:21

Rajlal oxib chihab lix jucub laj Salomón nequeꞌchal chak Tarsis rochbeneb li cui̱nk li nequeꞌcꞌanjelac chiru li rey Hiram ut nequeꞌxcꞌam chak li oro, li plata, ut li marfil. Ut nequeꞌxcꞌam ajcuiꞌ chak li batzꞌ ut li pavo real.

1 Reyes 5:1

Laj Hiram lix reyeb laj Tiro quirabi resil nak laj Salomón quixakaba̱c chokꞌ rey chokꞌ re̱kaj laj David lix yucuaꞌ. Joꞌcan nak quixtakla lix takl riqꞌuin. Laj Hiram junelic naxra laj David.

Josué 19:29

Li nuba̱l naxqꞌue chak vue̱lt toj saꞌ li naꞌajej Ramá ut nacuulac cuan cuiꞌ li tenamit Tiro, li sutsu saꞌ tzꞌac. Ut naxic cuan cuiꞌ li naꞌajej Hosa ut nocox-e̱lk saꞌ lix naꞌaj laj Aczib, cuan cuiꞌ li palau Mediterráneo.

Números 24:24

Teꞌcha̱lk chak Quitim saꞌ eb li jucub ut teꞌxrahobtesiheb laj Asiria ut teꞌxrahobtesiheb ajcuiꞌ li ralal xcꞌajol laj Heber. Abanan eb laj Quitim teꞌsachekꞌ ajcuiꞌ ruheb, chan.

San Lucas 10:13

Li Jesús quixye: —Raylal cha̱lel saꞌ e̱be̱n la̱ex li cuanquex saꞌ li tenamit Corazín. Raylal cha̱lel saꞌ e̱be̱n la̱ex li cuanquex saꞌ li tenamit Betsaida. Cui ta quinba̱nu aran Tiro li milagro aꞌin li xinba̱nu che̱ru ut cui ta quinba̱nu aran Sidón, ac najter raj queꞌxqꞌue li kꞌes ru tꞌicr chirixeb ut queꞌxchunub raj rib saꞌ cha ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

Isaías 23:6

La̱ex aj Tiro, texxic aran Tarsis. Chexya̱bak la̱ex li cuanquex chire li palau.

Ezequiel 26:2

—At ralal cui̱nk, eb laj Tiro queꞌsahoꞌ xchꞌo̱l ut queꞌxjap re chixyebal, “Us ajcuiꞌ nak xsacheꞌ ru li tenamit Jerusalén. Ma̱cꞌaꞌ chic xcuanquil joꞌ tenamit. La̱o chic ta̱cua̱nk nabal cꞌaꞌru ke xban nak eb aꞌan xeꞌsacheꞌ ruheb.”

Ezequiel 27:6

Ut eb li cheꞌ re xberesinquil li jucub queꞌyi̱ba̱c riqꞌuin li ji li quicꞌameꞌ chak Basán. Ut li cheꞌ li yi̱banbil cuiꞌ li tem, aꞌan chaj li quicꞌameꞌ chak Quitim. Qꞌuebil lix sahob ru li tem riqꞌuin marfil.

Ezequiel 27:30

Teꞌxjap reheb chi ya̱bac che̱rix chi kꞌaxal ra saꞌ xchꞌo̱leb. Teꞌxqꞌue li poks saꞌ xjolomeb ut teꞌxtolcꞌosi ribeb saꞌ cha.

Jonás 1:3

Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.