Isaías 22:25 - Li Santil hu

²⁵ Teꞌxsicꞌ xtenkꞌanquileb riqꞌuin toj ta̱cuulak xkꞌehil nak incꞌaꞌ chic tixcuy. Chanchan nak ta̱tokekꞌ li claux. Ut chixjunil li cꞌaꞌak re ru li tꞌuytꞌu chiru talajeꞌtꞌanekꞌ.— Li Ka̱cuaꞌ li nimajcual Dios quiyehoc re aꞌin.

Q'eqchi Bible

²⁵ «Ab'anan sa' li kutan a'an -chan li Nimajwal Yos-, taaq'unaaq li klawx a'in ut taa'isiiq sa' li kawil tz'ak, ut chixjunil li k'a'aq re ru t'uyt'uuq chiru taat'ane'q ut kok'putz' tkanaaq»”.

Isaías 22:25 ပူးပေါင်းရင်းမြစ်များ

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Miqueas 4:4

Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

Isaías 22:23

Chanchan jun li claux tojbil saꞌ junak cheꞌ xban nak li Ka̱cuaꞌ tixxakab saꞌ xnaꞌaj lix cuanquil. Saꞌ xcꞌabaꞌ li cui̱nk aꞌan, chixjunileb li rechꞌalal teꞌqꞌuehekꞌ xlokꞌal.

Salmos 146:3

Me̱cꞌojob e̱chꞌo̱l riqꞌuineb li nequeꞌtaklan chi moco riqꞌuineb li yal cui̱nk xban nak eb aꞌan incꞌaꞌ ta̱ru̱k texcol la̱ex.

Ezequiel 5:17

Tintakla cueꞌej saꞌ e̱be̱n ut tintakla ajcuiꞌ li joskꞌ aj xul re teꞌsach e̱ru. Ut tintakla li caki yajel ut li camsi̱nc saꞌ e̱be̱n ut tintakla ajcuiꞌ li ple̱t. La̱in li Ka̱cuaꞌ yo̱quin chi yehoc re aꞌin.

Ezequiel 5:15

Texseꞌe̱k ut texhobekꞌ ut eb li xni̱nkal tenamit li cuanqueb che̱jun sutam teꞌxucuak chirilbal li cꞌaꞌru te̱cꞌul nak tinrakok a̱tin saꞌ e̱be̱n riqꞌuin lin joskꞌil. Texinkꞌus chi cau nak yo̱k injoskꞌil saꞌ e̱be̱n. La̱in li Ka̱cuaꞌ yo̱quin chi yehoc re aꞌin.

Ezequiel 5:13

Nak acak xinba̱nu li cꞌaꞌru xinye, ta̱e̱lk lin joskꞌil ut ta̱cꞌojla̱k inchꞌo̱l. Nak xcuisi lin joskꞌil saꞌ e̱be̱n, te̱qꞌue retal nak la̱in li Ka̱cuaꞌ quinyehoc re aꞌin nak yo̱ injoskꞌil.

Jeremías 4:28

Ta̱rahokꞌ xchꞌo̱l li ruchichꞌochꞌ ut ta̱kꞌojyi̱nokꞌ ru li choxa. Li Ka̱cuaꞌ quixye nak ta̱cꞌulma̱nk chi joꞌcan ut aꞌan incꞌaꞌ tixjal xcꞌaꞌux.

Isaías 48:15

La̱in xinyehoc re ut la̱in xinxakaban re ut la̱in tintakla̱nk re. Ut li cꞌaꞌru tixba̱nu, us ta̱e̱lk chiru.

Salmos 52:5

Abanan li Dios tixsach a̱cuu chi junaj cua. Tatrisi saꞌ la̱ cuochoch ut tatxcamsi.

Isaías 22:24

Abanan kꞌaxal a̱l li i̱k ta̱cana̱k saꞌ xbe̱n. Chixjunileb li rechꞌalal teꞌxsicꞌ xtenkꞌanquil riqꞌuin. Chanchanakeb chic li ucꞌal ut li secꞌ li nequeꞌtꞌuyuba̱c saꞌ eb li claux.