Isaías 22:22 - Li Santil hu

²² Tinqꞌue li i̱k saꞌ xbe̱n re nak aꞌan chic ta̱ilok re li rochocheb li ralal xcꞌajol li rey David. Li oqueba̱l li tixte aꞌan, ma̱ ani naru ta̱tzꞌapok re. Ut li oqueba̱l li tixtzꞌap aꞌan, ma̱ ani naru ta̱tehok re.

Q'eqchi Bible

²² Tinq'axtesi sa' ruq' li xlaawil li xjunkab'al laj David: wi a'an natehok, maajun chik taatz'apoq; wi a'an natz'apok, maajun chik taatehoq.

Isaías 22:22 ပူးပေါင်းရင်းမြစ်များ

Apocalipsis 3:7

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Filadelfia, ut ta̱ye re: Li ti̱c xchꞌo̱l ut li tzꞌakal Dios, aꞌan cuan xcuanquilal joꞌ li cuanquil li quiqꞌueheꞌ re laj David junxil. Li oqueba̱l li tixte aꞌan, ma̱ ani naru ta̱tzꞌapok re; ut li oqueba̱l li tixtzꞌap aꞌan, ma̱ ani naru ta̱tehok re.

Li xHu LAJ JOB 12:14

Li cꞌaꞌru naxpoꞌ ru li Dios, ma̱ ani chic naru nayi̱ban re. Cui li Dios naraj tixba̱nu raylal re junak cristian, tixba̱nu. Ma̱ ani naru ta̱colok re chiru.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Isaías 7:2

Li esilal aꞌin quicuulac riqꞌuineb li ralal xcꞌajol laj David. Ut queꞌxye re li rey Acaz: —Eb laj Siria queꞌxjunaji ribeb riqꞌuineb li ralal xcꞌajol laj Efraín ut xeꞌchal chi pletic riqꞌuin la̱ tenamit, chanqueb re. Ut eb aꞌan cꞌajoꞌ nak queꞌxucuac. Nequeꞌsicsot xban xxiuheb. Chanchan nak nequeꞌecꞌasi̱c li cheꞌ li cuan saꞌ qꞌuicheꞌ xban li ikꞌ.

Isaías 7:13

Tojoꞌnak laj Isaías quixye: —Abihomak la̱ex li ralal xcꞌajol laj David. ¿Ma incꞌaꞌ ta biꞌ tzꞌakal nak yo̱quex chixchꞌiꞌchꞌiꞌinquileb li profeta? ¿Ma toj te̱raj xchꞌiꞌchꞌiꞌinquil li Ka̱cuaꞌ lin Dios?

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Li xHu LAJ JOB 31:36

Cui ta ya̱l li yo̱queb chixyebal chicuix, la̱in tincꞌu̱luban raj saꞌ inbe̱n li cꞌaꞌru teꞌxye chicuix. Incꞌaꞌ raj tinxuta̱na̱k chixcꞌulbal. Chanchan nak cuan jun corona saꞌ injolom.