Isaías 22:16 - Li Santil hu

¹⁶ “¿Cꞌaꞌru a̱cuanquil la̱at? ¿Ani quiqꞌuehoc a̱lese̱ns chixyi̱banquil li mukleba̱l arin? ¿Ani xyehoc a̱cue nak ta̱yi̱b la̱ hiloba̱l saꞌ li sako̱nac aꞌin li najt xteram?

Q'eqchi Bible

¹⁶ li yo xyiib'ankil xmuqleb'aal chi tzuul ut yo xpikb'al sa' li pek cho'q xmuheb'aal, ut ye re: «K'aru nakab'aanu arin? Ani xyehok aawe naq xayiib' aamuqleb'aal arin?

Isaías 22:16 ပူးပေါင်းရင်းမြစ်များ

San Mateo 27:60

Ut quixqꞌue saꞌ jun li acꞌ mukleba̱l. Re raj aꞌan li mukleba̱l nak quiyi̱ba̱c saꞌ jun sako̱nac. Ut quixbalkꞌusi jun nimla pec chire li mukleba̱l ut co̱.

2 Crónicas 16:14

Quimukeꞌ saꞌ lix tenamit laj David saꞌ li naꞌajej li quixcauresi laj Asa. Saꞌ li naꞌajej li queꞌxmuk cuiꞌ queꞌxqꞌue nabal pa̱y ru li sununquil ban yi̱banbil xbaneb li nequeꞌxnau yi̱ba̱nc sununquil ban. Nak ac xeꞌxmuk, queꞌxloch jun nimla xam re xqꞌuebal xlokꞌal.

2 Samuel 18:18

Nak toj yoꞌyo laj Absalón quixtus li pec chi najt xteram saꞌ li ru takꞌa re li rey, re nak eb li tenamit teꞌxqꞌue xlokꞌal laj Absalón. Quixye: —Ma̱ jun cualal cuan re nak ta̱jultica̱k incꞌabaꞌ, chan. Joꞌcan nak quixqꞌue “Absalón” chokꞌ xcꞌabaꞌ li tusbil pec aꞌan. Ut chalen anakcuan li tusbil pec aꞌan “Absalón” nayeman re.

Li xHu LAJ JOB 3:14

Cuochbeneb raj li rey li queꞌcuan saꞌ ruchichꞌochꞌ ut eb li nequeꞌqꞌuehoc naꞌleb, li queꞌxyi̱b xni̱nkal ru cab nak toj yoꞌyo̱queb.

Miqueas 2:10

Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Isaías 52:5

Ut, ¿anakcuan cꞌaꞌru tinba̱nu? chan li Ka̱cuaꞌ. —Eb lin tenamit queꞌcꞌameꞌ Babilonia chi ma̱cꞌaꞌeb xma̱c. Ut eb li nequeꞌtaklan saꞌ xbe̱neb nequeꞌxrahobtesiheb. Ut rajlal nequeꞌxmajecua incꞌabaꞌ.

Isaías 14:18

Chixjunileb lix reyeb li tenamit queꞌmukeꞌ saꞌ xya̱lal ut aran yo̱queb chi hila̱nc chi xju̱nkaleb saꞌ lix mukleba̱leb.

Génesis 50:5

Ut te̱ye re chi joꞌcaꞌin: Junxil nak toj yoꞌyo lin yucuaꞌ, la̱in xinba̱nu li juramento riqꞌuin. Ut lin yucuaꞌ quixye cue, “Chi se̱b nincam,” chan cue. “Ta̱ba̱nu li usilal. Tina̱muk chak aran Canaán saꞌ li naꞌajej li ac becbil inban junxil saꞌ li ochoch pec li cuan Macpela,” chan cue lin yucuaꞌ nak toj yoꞌyo. Ut anakcuan tintzꞌa̱ma usilal che̱ru nak te̱ye re laj faraón nak tinixcanab chi xic aran chixmukbal inyucuaꞌ camenak. Caꞌaj cuiꞌ toxinmuk chak lin yucuaꞌ ut tinsukꞌi̱k cuiꞌchic arin, chan laj José reheb.

Isaías 14:19

Abanan la̱at incꞌaꞌ catmukeꞌ saꞌ xya̱lal. Xattzꞌekeꞌ joꞌ nak natzꞌekman li rukꞌ cheꞌ. Tzꞌektzꞌo̱cat saꞌ xya̱nkeb li queꞌcamsi̱c chi chꞌi̱chꞌ. Tatcutekꞌ saꞌ chamal jul rochbeneb joꞌ eb li camenak li yekꞌinbileb.

Isaías 22:17

Li Ka̱cuaꞌ ta̱risi la̱ cuanquil. Tatxqꞌue chi chapecꞌ ut tatcꞌamekꞌ chi najt.