Isaías 22:14 - Li Santil hu

¹⁴ Ut li Ka̱cuaꞌ li nimajcual Dios quia̱tinac cuiqꞌuin ut quixye cue: —Li ma̱c aꞌin li xeba̱nu la̱ex aj Jerusalén incꞌaꞌ tincuy toj retal nak texca̱mk. La̱in li nimajcual Dios xinyehoc re aꞌin, chan.

Q'eqchi Bible

¹⁴ Toja' naq li Qaawa', li Nimajwal Yos, xye we: “Li maak a'in ink'a' taakuymanq toj reetal toxexkamq”, chan li Nimajwal Yos.

Isaías 22:14 ပူးပေါင်းရင်းမြစ်များ

Ezequiel 24:13

La̱ex aj Jerusalén chanchanex li ucꞌal xban nak xemux e̱rib. La̱in xinyal risinquil le̱ ma̱usilal, abanan incꞌaꞌ x-el xban nak muxbil e̱ru. Le̱ ma̱usilal ta̱e̱lk nak la̱in tincuisi lin joskꞌil saꞌ e̱be̱n nak texinqꞌue chixtojbal e̱ma̱c.

Isaías 5:9

Li Ka̱cuaꞌ li nimajcual Dios quixye cue nak relic chi ya̱l eb li xni̱nkal ru cab li xeyi̱b teꞌcana̱k chi ma̱cꞌaꞌ chic cuan chi saꞌ.

1 Samuel 3:14

Joꞌcan nak ac xinye nak tinrakok a̱tin saꞌ xbe̱neb li ralal xcꞌajol laj Elí. Lix ma̱usilal ma̱ jokꞌe ta̱ru̱k xcuybal xsachbal riqꞌuin li mayejac xul chi moco riqꞌuin lix mayejeb, chan li Ka̱cuaꞌ.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Isaías 30:13

La̱ex cuan le̱ ma̱c. Chanchanex jun li tzꞌac najt xteram, jorol. Chi ma̱cꞌaꞌ saꞌ e̱chꞌo̱l ta̱tꞌanekꞌ.

Isaías 26:21

Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

1 Samuel 9:15

Jun cutan chic ma̱ nacuulac laj Saúl, nak li Dios quia̱tinac riqꞌuin ut quixye re:

Isaías 31:2

Li Ka̱cuaꞌ, aꞌan li cuan xnaꞌleb ut aꞌan li nasachoc. Incꞌaꞌ naxjal lix cꞌaꞌux. Tixqꞌue chixtojbal lix ma̱queb li nequeꞌxba̱nu li ma̱usilal joꞌ ajcuiꞌ eb li nequeꞌtenkꞌan reheb.

Isaías 65:7

La̱in tinqꞌueheb chixtojbal rix li ma̱usilal li queꞌxba̱nu eb aꞌan joꞌ ajcuiꞌ li ma̱c li queꞌxba̱nu lix xeꞌto̱nil yucuaꞌeb nak queꞌxcꞌat li pom saꞌ eb li tzu̱l chiru lix artaleb ut quineꞌxtzꞌekta̱na. La̱in tinqꞌueheb lix kꞌajca̱munquil, chan li Dios.

Isaías 65:20

Incꞌaꞌ chic teꞌca̱mk li cꞌulaꞌal. Eb li che̱quel cristian toj ta̱tzꞌaklok lix chihabeb. Li ani teꞌca̱mk nak ac xeꞌxba̱nu oꞌcꞌa̱l chihab, chanchan nak toj sa̱jeb nak teꞌca̱mk. Cui ani nacam nak toj ma̱jiꞌ naxba̱nu oꞌcꞌa̱l chihab, aꞌan retalil nak tzꞌekta̱nanbilak xban lix ma̱c.

2 Samuel 6:23

Lix Mical lix rabin laj Saúl, ma̱ jun lix cocꞌal quicuan chalen nak quicam.

Amós 8:7

Li Ka̱cuaꞌ li qui-osobtesin re laj Jacob quixba̱nu li juramento saꞌ xcꞌabaꞌ ajcuiꞌ aꞌan ut quixye: —Ma̱ jaruj ta̱sachk saꞌ inchꞌo̱l chixjunil lix yehom xba̱nuhomeb li tenamit aꞌin.