Isaías 22:12 - Li Santil hu

¹² Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Q'eqchi Bible

¹² Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Isaías 22:12 ပူးပေါင်းရင်းမြစ်များ

Joel 2:17

Eb laj tij li nequeꞌcꞌanjelac chiru li nimajcual Dios, cheꞌxakli̱k saꞌ xyi li oqueba̱l re li templo ut li artal ut cheꞌya̱bak. Nak teꞌtijok laj tij, teꞌxye chi joꞌcaꞌin: Ma̱qꞌue taxak li raylal saꞌ xbe̱neb la̱ tenamit, at Ka̱cuaꞌ. Chacuyeb taxak xma̱queb. Ma̱qꞌueheb taxak chi numta̱c saꞌ xbe̱neb la̱ tenamit li incꞌaꞌ nequeꞌpa̱ban. Incꞌaꞌ taxak ta̱qꞌueheb chi seꞌe̱c la̱ tenamit re nak incꞌaꞌ teꞌyehekꞌ re: ¿Bar cuan lix Dioseb?

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Miqueas 1:16

La̱ex li cuanquex Judá nak te̱bes le̱ rismal jobil te̱ba̱nu. Tꞌuruꞌ ta̱cana̱k joꞌ xjolom li tꞌiu. Te̱ba̱nu aꞌan chokꞌ retalil xrahil e̱chꞌo̱l xban nak le̱ cocꞌal li raro̱queb e̱ban teꞌchapekꞌ ut teꞌcꞌamekꞌ saꞌ jalan tenamit.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

Jonás 3:6

Nak quicuulac resil riqꞌuin li rey li ta̱cꞌulma̱nk saꞌ li tenamit Nínive, li rey quicuacli saꞌ lix cꞌojariba̱l. Quirisi li cha̱bil akꞌ chirix ut quixqꞌue li tꞌicr kꞌes ru chirix ut quixchunub rib saꞌ cha.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

Eclesiastés 3:11

Li Dios naxyi̱b chixjunil chi cha̱bil saꞌ xkꞌehil joꞌ naraj aꞌan. Xqꞌue saꞌ li kachꞌo̱l xra̱bal ru xnaubal li cꞌaꞌru ta̱cꞌulma̱nk. Abanan incꞌaꞌ nakatau ru chixjunil li cꞌaꞌru quixba̱nu chak li Dios saꞌ xticlajic toj chalen saꞌ rosoꞌjic.

Eclesiastés 3:4

Cuan li ho̱nal re ya̱bac, ut cuan li ho̱nal re seꞌec. Cuan li ho̱nal re rahil chꞌo̱lej, ut cuan xcutanquil li ninkꞌei̱c.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Nehemías 9:9

Ut caqꞌue ajcuiꞌ retal chanru nak yo̱queb chi cꞌuluc raylal li kaxeꞌto̱nil yucuaꞌ aran Egipto ut cacuabi nak queꞌxya̱ba la̱ cꞌabaꞌ nak cuanqueb chire li Caki Palau.

Esdras 9:3

Nak quicuabi li a̱tin aꞌan, quinpej li cuakꞌ ut quinmichꞌ li cuismal ut lin mach. Ut quincꞌojla chi kꞌaxal ra saꞌ inchꞌo̱l.

2 Crónicas 35:25

Laj Jeremías quixtzꞌi̱ba jun li bich re rahil chꞌo̱lej saꞌ xcꞌabaꞌ li rey Josías. Toj chalen anakcuan chixjunileb li cui̱nk ut li ixk nequeꞌxbicha li bich aꞌin re xjulticanquil lix camic li rey Josías. Anakcuan cꞌaynakeb chixba̱nunquil aꞌan saꞌ li tenamit Israel. Li bich aꞌan tzꞌi̱banbil saꞌ li hu li queꞌtzꞌi̱ba̱c cuiꞌ li bich re rahil chꞌo̱lej.

Isaías 3:24

Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Isaías 26:10

Usta la̱at ta̱cuil xtokꞌoba̱l ruheb li incꞌaꞌ useb xnaꞌleb, eb aꞌan ma̱ jokꞌe teꞌxtau ru. Incꞌaꞌ teꞌraj cua̱nc saꞌ ti̱quilal. Usta cuanqueb saꞌ junak naꞌajej bar nacatlokꞌoni̱c cuiꞌ, eb aꞌan junelic teꞌxba̱nu li ma̱usilal xban nak incꞌaꞌ nequeꞌxqꞌue retal la̱ cuanquilal.

Isaías 29:1

Raylal ta̱cha̱lk saꞌ xbe̱n li tenamit Jerusalén, li nequeꞌxye ajcuiꞌ Ariel re, li tenamit li quicuan cuiꞌ laj David. Xba̱nuhakeb cuan cuib oxibak chihab lix ninkꞌeheb.

Isaías 32:11

Chi-oc caꞌchꞌinak e̱xiu, ex ixk, li ma̱cꞌaꞌ nequecꞌoxla. Ut sicsotkex. Isihomak li cha̱bil tꞌicr che̱rix ut qꞌuehomak li kꞌes ru tꞌicr che̱rix retalil nak ra e̱chꞌo̱l.

Isaías 58:3

Abanan eb li cristian nequeꞌxye: —¿Cꞌaꞌru rajbal nak xkaba̱nu li ka-ayu̱n? La̱at incꞌaꞌ xaqꞌue retal. ¿Cꞌaꞌut nak xkacubsi kib? La̱at incꞌaꞌ xaqꞌue retal li xkaba̱nu, chanqueb. Abanan li Dios quixye reheb: —Saꞌ eb li cutan nak nequeba̱nu le̱ ayu̱n, nequeba̱nu li cꞌaꞌru nequeraj ut nequerahobtesiheb li nequeꞌcꞌanjelac che̱ru.

Jeremías 4:8

Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Jeremías 16:6

Chixjunileb li cuanqueb saꞌ li naꞌajej aꞌin teꞌca̱mk, joꞌ li cuanqueb xcuanquil, joꞌ li ma̱cꞌaꞌeb xcuanquil. Ma̱ ani ta̱mukuk reheb, ut ma̱ ani ta̱rahokꞌ xchꞌo̱l chirixeb. Incꞌaꞌ teꞌxjo li rismal xjolomeb, chi moco teꞌxset xtibeleb xban xrahil xchꞌo̱leb.

Jeremías 16:8

Mat-oc saꞌ junak cab yo̱ cuiꞌ junak ninkꞌe. Matcꞌojla chi cuaꞌac chi ucꞌac rochbeneb.

Ezequiel 27:31

Teꞌxjo li rismal xjolomeb xban xrahil xchꞌo̱leb ut teꞌxqꞌue li kꞌes ru tꞌicr chirixeb. Teꞌya̱bak chi kꞌaxal ra saꞌ xchꞌo̱leb xban nak xsacheꞌ e̱ru.

Daniel 5:1

Li rey Belsasar quixcꞌu̱b jun li ninkꞌe re cuaꞌac ut quixbokeb jun mil chi cui̱nk li nequeꞌcꞌanjelac chiru. Ut qui-oc chi ucꞌac vino li rey chiruheb li jun mil chi cui̱nk cuanqueb aran.

Oseas 9:1

Quixye laj Oseas: —Anakcuan incꞌaꞌ chic ta̱sahokꞌ saꞌ e̱chꞌo̱l la̱ex aj Israel joꞌ nak nasahoꞌ saꞌ xchꞌo̱leb li tenamit li incꞌaꞌ nequeꞌpa̱ban. Xesicꞌ jalan le̱ dios chiru li Ka̱cuaꞌ. La̱ex xecꞌoxla nak le̱ dios li xesicꞌ, aꞌan xqꞌuehoc re chi u̱chi̱nc le̱ racui̱mk.

Joel 1:8

Chexya̱bak joꞌ li sa̱j ixk li naxqꞌue rakꞌ chirix re rahil chꞌo̱lejil ut naya̱bac xban nak xcam lix be̱lom.

Isaías 37:1

Nak quirabi li cꞌaꞌru quixye lix reyeb laj Asiria, li rey Ezequías quixpej li rakꞌ ut quixqꞌue li kꞌes ru tꞌicr chirix retalil lix rahil xchꞌo̱l ut co̱ saꞌ lix templo li Ka̱cuaꞌ.

Isaías 37:2

Ut quixtaklaheb riqꞌuin li profeta Isaías li ralal laj Amoz laj Eliaquim li na-iloc re li palacio rochben laj Sebna laj tzꞌi̱b, joꞌ eb ajcuiꞌ li nequeꞌcꞌamoc be saꞌ xya̱nkeb laj tij. Cuan li kꞌes ru tꞌicr chirixeb nak queꞌco̱eb.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.