Isaías 22:11 - Li Santil hu

¹¹ Queyi̱b saꞌ xyi li cuib chi tzꞌac li naꞌajej re xxocbal li haꞌ li na-el chak saꞌ xnaꞌaj li haꞌ li yi̱banbil junxil. Abanan incꞌaꞌ quepatzꞌ le̱ naꞌleb riqꞌuin li Dios li quiyi̱ban re. Incꞌaꞌ quesicꞌ le̱ naꞌleb riqꞌuin li Dios li quicꞌu̱ban ru chixjunil li cꞌaꞌru ta̱cꞌulma̱nk.

Q'eqchi Bible

¹¹ Sa' xyanqeb' li suttz'ak xeyiib' jun li kumb' re xxokb'al li ha' li wank sa' li q'eel kumb'. Ab'anan ink'a' xek'e reetal naq a' li Qaawa' kib'aanunk re chixjunil a'an, ut ink'a' xek'oxla ani kik'uub'ank re a'an chalen chaq junxilaj.

Isaías 22:11 ပူးပေါင်းရင်းမြစ်များ

Miqueas 7:7

Abanan la̱o, caꞌaj cuiꞌ riqꞌuin li Dios toyoꞌoni̱nk. Takacꞌojob kachꞌo̱l riqꞌuin li Ka̱cuaꞌ laj Colol ke. Li kaDios ta̱rabi nak takaya̱ba xcꞌabaꞌ.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Isaías 17:7

Saꞌ eb li cutan aꞌan eb li cristian teꞌxtzꞌa̱ma xtenkꞌanquil riqꞌuin li Ka̱cuaꞌ li quiyoꞌobtesin reheb. Teꞌsukꞌi̱k cuiꞌchic riqꞌuin li Dios santo, lix Dioseb laj Israel.

2 Reyes 25:4

Eb laj Jerusalén queꞌxhop li tzꞌac li sutsu cuiꞌ li tenamit ut queꞌe̱lelic chi kꞌek chixjunileb li cui̱nk li cauheb rib chi pletic rochben li rey. Queꞌel saꞌ li oqueba̱l li cuan saꞌ xyi li cuib chi tzꞌac chixcꞌatk lix naꞌaj li rutzꞌuꞌuj li rey, usta cuanqueb lix soldado laj Babilonia chi xjun sutam li tenamit. Queꞌco̱eb saꞌ li be li naxic Arabá.

Jeremías 39:4

Nak laj Sedequías lix reyeb laj Judá ut eb lix soldados queꞌrileb lix soldados li xicꞌ nequeꞌiloc reheb, queꞌe̱lelic chiruheb. Chiru kꞌojyi̱n queꞌel saꞌ xnaꞌaj li racui̱mk li rey saꞌ li oqueba̱l li cuan saꞌ xyi li cuib chi tzꞌac ut queꞌco̱eb saꞌ li be li naxic Arabá.

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Nehemías 3:16

Li tzꞌac li cuan chixcꞌatk li quixyi̱b laj Salum, aꞌan quixyi̱b laj Nehemías, li ralal laj Azbuc li nataklan saꞌ xbe̱neb yijach li tenamit li cuanqueb Bet-sur. Li tzꞌac li quixyi̱b quicuulac toj saꞌ xcaꞌyaba̱l li bar quimukeꞌ cuiꞌ laj David ut quicuulac cuan cuiꞌ li pila li yi̱banbil, ut toj cuan cuiꞌ li xnaꞌajeb li soldado nak quicuan.

2 Crónicas 6:6

Abanan anakcuan xinsicꞌ ru li tenamit Jerusalén re nak aran teꞌxyi̱b jun li templo re tineꞌxlokꞌoni cuiꞌ. Ut xinsicꞌ ru laj David re nak aꞌan ta̱takla̱nk saꞌ xbe̱neb lin tenamit Israel,” chan li Dios re lin yucuaꞌ.

2 Reyes 20:20

Chixjunil li quixba̱nu laj Ezequías nak cuan saꞌ xcuanquil chokꞌ rey, tzꞌi̱banbil retalil saꞌ li hu Crónicas li tzꞌi̱banbil cuiꞌ retalil li quilajeꞌxba̱nu lix reyeb laj Judá. Tzꞌi̱banbil ajcuiꞌ retalil chanru nak quixyi̱b li pila ut li rok haꞌ li quinumeꞌ cuiꞌ li haꞌ saꞌ li tenamit.

Isaías 22:10

Queqꞌue retalileb li cab li cuanqueb Jerusalén ut cuan li quejucꞌ re xyi̱banquil lix cacuub li tzꞌac li sutsu cuiꞌ le̱ tenamit.

Isaías 7:3

Abanan li Ka̱cuaꞌ Dios quixye re laj Isaías: —Tatxic a̱cuochben laj Sear-jasub la̱ cualal cuan cuiꞌ lix naꞌaj li haꞌ li cuan takecꞌ. Te̱tau laj Acaz saꞌ li be nanumeꞌ cuiꞌ li rok haꞌ li cuan cuiꞌ lix naꞌajeb laj puchꞌunel.