Isaías 22:1 - Li Santil hu

¹ Aꞌan aꞌin resil li cꞌaꞌru ta̱cꞌulma̱nk saꞌ li ru takꞌa li quicꞌutbesi̱c cuiꞌ li visión chicuu xban li Dios. ¿Cꞌaꞌru xecꞌul anakcuan? ¿Cꞌaꞌut nak che̱junilex yo̱quex chi takecꞌ saꞌ xbe̱n le̱ rochoch xban le̱ xiu?

Q'eqchi Bible

¹ Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

Isaías 22:1 ပူးပေါင်းရင်းမြစ်များ

Jeremías 21:13

La̱in yo̱ injoskꞌil saꞌ e̱be̱n la̱ex li cuanquex saꞌ li helho ru saꞌ xbe̱n li tzu̱l. La̱ex nequecꞌoxla nak cau e̱rib joꞌ jun sako̱nac. La̱in tinsach e̱ru la̱ex li nequeye, “¿Ani ta biꞌ ta̱sachok ku? ¿Ani ta biꞌ ta̱ru̱k ta̱oc saꞌ katenamit li ac cauresinbil re takacol cuiꞌ kib?”

Salmos 125:2

Li Ka̱cuaꞌ aꞌan na-iloc reheb lix tenamit chi junelic. Chanchan nak sutsu̱queb xban li Ka̱cuaꞌ joꞌ nak sutsu li tenamit Jerusalén xbaneb li tzu̱l.

Joel 3:14

Numtajenak xqꞌuialeb li tenamit li cuanqueb saꞌ li ru takꞌa. Aran ta̱rakekꞌ a̱tin saꞌ xbe̱neb xban nak cuulac re xkꞌehil nak la̱in li Ka̱cuaꞌ tinrakok a̱tin.

Joel 3:12

Ut li Ka̱cuaꞌ quixye ajcuiꞌ: —Cauresihomakeb li tenamit re teꞌxic saꞌ li ru takꞌa re Josafat, xban nak aran ta̱cꞌojla̱k li Ka̱cuaꞌ chi rakoc a̱tin saꞌ xbe̱neb chixjunil li tenamit li nachꞌ cuanqueb riqꞌuin Israel.

Isaías 15:3

Teꞌxqꞌue li kꞌes ru tꞌicr chirixeb nak teꞌxic saꞌ be. Yo̱keb chi ya̱bac saꞌ eb li cꞌayil ut saꞌ xbe̱neb li cab. Chixjunileb huyhutkeb chi ya̱bac.

Romanos 3:2

Li cua̱nc chokꞌ aj judío, aꞌan aꞌin li rusil: nak li Dios quixqꞌue li ra̱tin reheb xbe̱n cua.

Miqueas 3:6

Joꞌcan ut naxye li Ka̱cuaꞌ reheb li profeta: —Ta̱cuulak xkꞌehil nak incꞌaꞌ chic ta̱ru̱k te̱ye ra̱tin profeta chi moco ta̱ru̱k chic texkꞌehi̱nk. Ta̱cuulak xkꞌehil nak incꞌaꞌ chic tincꞌutbesi che̱ru cꞌaꞌru ta̱cꞌulma̱nk. Ta̱kꞌojyi̱nokꞌ ru le̱ naꞌleb ut incꞌaꞌ chic texyehok ra̱tin profeta xban nak xebalakꞌi lin tenamit, chan li Ka̱cuaꞌ.

Jeremías 48:38

Yalak bar yo̱queb chi ya̱bac xban nak la̱in xinsach ru li naꞌajej Moab. Yo̱queb chi ya̱bac saꞌ xbe̱neb li cab ut saꞌ eb li cꞌayil. Li tenamit chanchan jun li cuc li xjoreꞌ ut ma̱ ani na-ajoc re, chan li Dios.

Isaías 13:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios chirix li raylal li tixcꞌul li tenamit Babilonia.

Proverbios 29:18

Cui incꞌaꞌ nayeheꞌ re li tenamit cꞌaꞌru naraj li Dios, incꞌaꞌ nequeꞌcuan saꞌ tuktu̱quilal. Us xak reheb li tenamit li nequeꞌxba̱nu li cꞌaꞌru naxye saꞌ lix chakꞌrab li Dios.

Salmos 114:5

¿Cꞌaꞌut nak quixjach rib li Caki Palau? Ut, ¿cꞌaꞌut nak quixakli li nimaꞌ Jordán ut incꞌaꞌ chic quibe̱c rok?

2 Reyes 6:28

¿Cꞌaꞌru xacꞌul? chan li rey. Li ixk quixye re: —At rey, li ixk aꞌin quixye cue, “Kacamsihak la̱ cꞌulaꞌal re takatiu. Ut cuulaj takacamsi lin cꞌulaꞌal la̱in” chan cue.

2 Samuel 14:5

Laj David quixye re: —¿Cꞌaꞌru ta̱cuaj tinba̱nu? chan. Li ixk quixye re: —La̱in jun xma̱lcaꞌan nebaꞌin. Camenak inbe̱lom.

1 Samuel 11:5

Laj Saúl yo̱ chak chi sukꞌi̱c saꞌ cꞌaleba̱l rochben lix bo̱yx. Quixye: —¿Cꞌaꞌru xeꞌxcꞌul li tenamit nak yo̱queb chi ya̱bac? chan. Ut queꞌxye re li cꞌaꞌru queꞌxye li takl li queꞌchal chak Jabes.

1 Samuel 3:1

Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

Jueces 18:23

Queꞌxtauheb ut queꞌxjap reheb chixbokbaleb. Ut eb li ralal xcꞌajol laj Dan queꞌxsukꞌisi ribeb ut queꞌxye re laj Micaía: —¿Cꞌaꞌru nequecꞌul? ¿Cꞌaꞌut nak nequejap e̱re chikix? chanqueb.

Deuteronomio 22:8

Nak te̱yi̱b le̱ rochoch, tento nak te̱qꞌue xramleb nak te̱yi̱b re nak incꞌaꞌ ta̱cana̱k saꞌ e̱be̱n li chꞌaꞌajquilal cui junak ta̱tꞌanekꞌ aran ut nacam.

Génesis 21:17

Li Dios quirabi nak yo̱ chi ya̱bac li al. Lix ángel li Dios quia̱tinac chak toj saꞌ choxa riqꞌuin lix Agar ut quixye re: —¿Cꞌaꞌut nak ra saꞌ a̱chꞌo̱l? Matxucuac. Li Dios ac xrabi xya̱b xcux la̱ yum li bar cuan cuiꞌ.

San Mateo 10:27

Li cꞌaꞌru xexintzol cuiꞌ e̱junes, aꞌan te̱ye chiruheb chixjunileb, ut li cꞌaꞌru xinye e̱re e̱junes, aꞌan te̱ye chi cau xya̱b e̱cux chiruheb chixjunileb li tenamit.

Isaías 22:5

Li Ka̱cuaꞌ li nimajcual Dios ac quixye nak ta̱cuulak xkꞌehil nak che̱junilex texxucuak ut kꞌaxal ra te̱cꞌul. Telajeꞌxsach e̱naꞌleb saꞌ li ru takꞌa li nacꞌuteꞌ cuiꞌ li visión. Telajeꞌtꞌanekꞌ li tzꞌac li sutsu cuiꞌ li tenamit ut le̱ ya̱b ta̱abi̱k toj saꞌ eb li tzu̱l.

Jeremías 19:13

Joꞌcan ajcuiꞌ li rochocheb laj Jerusalén ut eb li rochoch lix reyeb laj Judá muxbil chic ruheb. Chanchaneb li naꞌajej Tofet xban nak queꞌxcꞌat lix pomeb ut queꞌxmayeja li vino chiruheb li chahim ut chiruheb ajcuiꞌ li yi̱banbil dios,” chan li Dios re laj Jeremías.

Jeremías 32:29

Eb laj Babilonia teꞌcha̱lk chi pletic saꞌ li tenamit aꞌin ut teꞌre̱chani. Teꞌxcꞌat li tenamit ut teꞌxcꞌat ajcuiꞌ eb li cab li queꞌxlokꞌoni cuiꞌ lix dios Baal nak queꞌxcꞌat lix pomeb chiru. Ut queꞌxhoy li vino chiruheb li jalanil dios. Joꞌcan nak queꞌxchikꞌ injoskꞌil.

Jeremías 32:32

Xban chixjunil li ma̱usilal li xeꞌxba̱nu eb laj Israel ut eb laj Judá, xeꞌxchikꞌ injoskꞌil. Xeꞌxchikꞌ ajcuiꞌ injoskꞌil lix reyeb ut eb li nequeꞌtenkꞌan reheb, joꞌ eb ajcuiꞌ laj tij ut eb li profetas ut eb li cuanqueb Judá ut eb li cuanqueb Jerusalén.

Sofonías 1:5

Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.