Isaías 21:4 - Li Santil hu

⁴ Ninsicsot xban inxiu ut nachꞌinan inchꞌo̱l. Nak sa saꞌ inchꞌo̱l ninsahoꞌ nak na-oc li kꞌojyi̱n. Abanan anakcuan nak yo̱ inxiu incꞌaꞌ nacuaj nak ta̱oc li kꞌojyi̱n.

Q'eqchi Bible

⁴ Tik xsachk inna'leb' ut nachalk ke chiwix xb'aan linxiw; xiwajel aj chik cho'q we naq na'ewuuk ut ink'a' chik sa wankin naq na'ok li q'oqyink.

Isaías 21:4 ပူးပေါင်းရင်းမြစ်များ

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Daniel 5:5

Ut saꞌ ajcuiꞌ li ho̱nal aꞌan quicꞌutun aran li ruꞌuj rukꞌ jun li cui̱nk yo̱ chi tzꞌi̱bac chiru li tzꞌac nachꞌ cuan cuiꞌ li candil li cuan saꞌ li cab. Ut li rey yo̱ chirilbal li ukꞌej nak yo̱ chi tzꞌi̱bac chiru tzꞌac.

Daniel 5:1

Li rey Belsasar quixcꞌu̱b jun li ninkꞌe re cuaꞌac ut quixbokeb jun mil chi cui̱nk li nequeꞌcꞌanjelac chiru. Ut qui-oc chi ucꞌac vino li rey chiruheb li jun mil chi cui̱nk cuanqueb aran.

Jeremías 51:57

Aꞌin li naxye li Ka̱cuaꞌ: —La̱in tinqꞌueheb chi cala̱c li nequeꞌtenkꞌan re li rey ut eb li cuanqueb xnaꞌleb joꞌ eb ajcuiꞌ li nequeꞌtaklan saꞌ xbe̱neb li soldados ut eb li cuanqueb saꞌ xcuanquil, joꞌ eb ajcuiꞌ li soldados. Teꞌcua̱rk chi junaj cua ut incꞌaꞌ chic teꞌajk ruheb, chan li Rey li “nimajcual Dios” xcꞌabaꞌ.

Jeremías 51:39

Nak yo̱keb chixjapbal reheb ut ta̱chakik reheb, la̱in tinqꞌue li rucꞌaheb ut teꞌcala̱k. Japjo̱k reheb chi seꞌec ut chirix aꞌan teꞌcua̱rk chi junaj cua ut incꞌaꞌ chic teꞌajk ruheb, chan li Ka̱cuaꞌ.

Ester 5:12

Ut quixye reheb: —Caꞌaj cuiꞌ la̱in xinixbok saꞌ li ninkꞌe li quixcꞌu̱b li reina chokꞌ re li rey. Ut xinixbok ajcuiꞌ chirochbeninquil li rey saꞌ li ninkꞌe li tixba̱nu cuulaj.

Deuteronomio 28:67

Nak ta̱sake̱uk te̱ye, “Us raj ac ta x-oc li kꞌojyi̱n,” ut nak ta̱kꞌojyi̱nokꞌ, te̱ye, “Us raj ac ta xsake̱u,” chaꞌkex xban le̱ xiu ut xban li raylal li yo̱quex chixcꞌulbal.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Deuteronomio 32:11

Li Ka̱cuaꞌ quitenkꞌan e̱re ut quicꞌamoc be che̱ru joꞌ nak li tꞌiu naxcoleb li cocꞌ ral saꞌ lix soc ut naxcꞌameb saꞌ xbe̱n lix xicꞌ nak toj ma̱jiꞌ nequeꞌxnau rupupic.

Salmos 55:5

Ma̱ caꞌchꞌin nak ninxucuac xbaneb ut ninsicsot xban inxiu. Osocꞌ cue nak nacuecꞌa.

1 Reyes 1:49

Nak queꞌrabi nak ac x-oc chokꞌ rey laj Salomón, cꞌajoꞌ nak queꞌxucuac li bokbileb xban laj Adonías. Nequeꞌsicsot xbaneb xxiu. Ut yalak bar quilajeꞌco̱eb chixju̱nkaleb.

Salmos 55:6

La̱in ninye saꞌ inchꞌo̱l, us raj cuan ta inxicꞌ joꞌ li mucuy. Tinrupupik raj re tine̱lk chiruheb ut tinhila̱nk raj chiru li raylal.

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.