Isaías 21:3 - Li Santil hu

³ Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

Q'eqchi Bible

³ Jo'kan naq naxiwak xsa' linsa', nachalje'k inrahilal jo' li ixq ok re chi alank, nasachk inna'leb' xb'aan xrahil linch'ool ut k'ajo' naq ninxiwak xb'aan li nawil.

Isaías 21:3 ပူးပေါင်းရင်းမြစ်များ

Isaías 13:8

Nabal li raylal ta̱cha̱lk saꞌ xbe̱neb ut yo̱keb xxiu. Cꞌajoꞌ li raylal li teꞌxcꞌul. Chanchanak li raylal li naxcꞌul li ixk li oc re chi qꞌuira̱c. Teꞌxcaꞌya ribeb ut teꞌsach xchꞌo̱leb chi rilbal li cꞌaꞌru teꞌxcꞌul li jun chꞌol chic ut teꞌxuta̱nak.

Isaías 26:17

Chanchano li yaj aj ixk li oc re chi qꞌuira̱c. Japjo re xban li raylal. Joꞌcan yo̱co chixcꞌulbal la̱o, at Ka̱cuaꞌ.

Salmos 48:6

Nequeꞌsicsot queꞌcana xban xxiuheb ut queꞌoc chirecꞌanquil jun li raylal. Chanchan xraylal junak ixk oc re chi qꞌuira̱c.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Jeremías 48:41

Eb li tenamit teꞌchapekꞌ joꞌ eb ajcuiꞌ li cab li nequeꞌxcol cuiꞌ ribeb. Saꞌ eb li cutan aꞌan eb li soldado aj Moab sicsotkeb. Chanchanakeb jun li ixk li yo̱ chi cꞌuluc raylal.

Isaías 16:11

Narahoꞌ inchꞌo̱l xban li raylal li queꞌxcꞌul laj Moab. Nayotꞌeꞌ inchꞌo̱l xban li raylal li queꞌxcꞌul laj Kir-hareset.

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.

Jeremías 50:43

Lix reyeb laj Babilonia quirabi resil li ple̱t li xchal saꞌ xbe̱neb. Ma̱cꞌaꞌ chic xmetzꞌe̱u quicana xban xcꞌaꞌux. Cꞌajoꞌ xrahil saꞌ xchꞌo̱l. Chanchan li raylal li naxcꞌul li ixk nak oc re chi qꞌuira̱c.

Jeremías 49:22

Qꞌuehomak retal. Eb li xicꞌ nequeꞌiloc reheb laj Bosra yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib. Saꞌ eb li cutan aꞌan eb li soldado aj Edom sicsotkeb. Chanchanakeb jun li ixk li yo̱ chi cꞌuluc raylal.

Isaías 16:9

Joꞌcan nak ninya̱bac joꞌ nequeꞌya̱bac eb laj Jazer xban nak queꞌsacheꞌ li racui̱mk uvas. Ninya̱bac chi kꞌaxal ra saꞌ inchꞌo̱l chirixeb laj Hesbón ut eb laj Eleale. Incꞌaꞌ chic teꞌxjap reheb xban xsahil xchꞌo̱leb nak teꞌxsicꞌ ru li racui̱mkeb. Aꞌ chic li japoc e ta̱abi̱k nak yo̱k li ple̱t.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Deuteronomio 28:67

Nak ta̱sake̱uk te̱ye, “Us raj ac ta x-oc li kꞌojyi̱n,” ut nak ta̱kꞌojyi̱nokꞌ, te̱ye, “Us raj ac ta xsake̱u,” chaꞌkex xban le̱ xiu ut xban li raylal li yo̱quex chixcꞌulbal.

San Juan 16:21

Junak ixk yoꞌla̱c re lix cꞌulaꞌal narecꞌa xrahil lix raylal. Abanan nak ac xyoꞌla lix cꞌulaꞌal, nasach saꞌ xchꞌo̱l li raylal li quixcꞌul ut nasahoꞌ saꞌ xchꞌo̱l xban nak ac xyoꞌla lix cꞌulaꞌal.

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Jeremías 6:24

Eb li cuanqueb Jerusalén nequeꞌxye: —Xkabi resil nak kꞌaxal ra nequeꞌxba̱nu li yo̱queb chi cha̱lc. Yo̱ kaxiu ut ma̱cꞌaꞌ chic kametzꞌe̱u. Kꞌaxal ra cuanco joꞌ jun li ixk oc re chi qꞌuira̱c.