Isaías 21:16 - Li Santil hu

¹⁶ Aꞌan aꞌin li quixye cue li Ka̱cuaꞌ: —Joꞌcaꞌin saꞌ jun chihab ta̱osokꞌ chixjunil lix lokꞌaleb laj Cedar, joꞌ nak nabiseꞌ xcutan jun li mo̱s.

Q'eqchi Bible

¹⁶ Jo'ka'in xyehom we li Qaawa': “Sa' jun chihab', jo' xchihab' li nakutanib'k, taa'oso'q chixjunil li xloq'al Kedar.

Isaías 21:16 ပူးပေါင်းရင်းမြစ်များ

Isaías 60:7

Teꞌxchꞌutub chixjunileb li queto̱mk aran Cedar re teꞌxcꞌam e̱riqꞌuin. Teꞌxsi e̱re li carner re Nebaiot. Ut aꞌan ta̱cꞌanjelak re teꞌxmayeja saꞌ li artal li nequeꞌxlokꞌoni cuiꞌ. Ut li Ka̱cuaꞌ tixqꞌue xlokꞌal saꞌ lix templo.

Isaías 16:14

Abanan anakcuan li Ka̱cuaꞌ xye: —Eb laj Moab oxib chihab aj chic teꞌcua̱nk. Bisbil aj chic lix cutaneb joꞌ nak nabiseꞌ rix lix cutan junak li mo̱s. Ta̱isi̱k xcuanquileb laj Moab. Usta kꞌaxal nabaleb, abanan moco nabaleb ta chic li teꞌcolekꞌ ut moco cauhak ta chic ribeb.—

Salmos 120:5

Kꞌaxal ra chokꞌ cue nak cuanquin saꞌ li tenamit Mesec saꞌ xya̱nkeb li ralal xcꞌajol laj Cedar.

Ezequiel 27:21

Eb laj Arabia ut eb li cuanqueb xcuanquil aran Cedar queꞌyacoc e̱riqꞌuin. Queꞌxjal li cꞌaꞌru e̱re riqꞌuin li cocꞌ carner ut li te̱lom carner ut li te̱lom chiba̱t.

Cantares 1:5

Ex ixk aj Jerusalén, la̱in kꞌek caꞌchꞌin intibel, abanan chꞌinaꞌusin. Lin kꞌekal chanchan xkꞌekal li muheba̱l aran Cedar. Ut lin chꞌinaꞌusal chanchan xchꞌinaꞌusal li tꞌicr li cuan saꞌ rochoch laj Salomón.

Jeremías 49:28

Aꞌan aꞌin li quixye li Ka̱cuaꞌ chirixeb li ralal xcꞌajol laj Cedar ut chirixeb li xni̱nkal ru tenamit li cuanqueb Hazor li teꞌe̱chani̱k xban laj Nabucodonosor lix reyeb laj Babilonia. Li Ka̱cuaꞌ quixye: —Ayukex chi pletic riqꞌuineb li cuanqueb Cedar ut sachomakeb ru li cristian li cuanqueb saꞌ li este.

Isaías 42:11

Cheꞌbicha̱nk chixjunileb li cuanqueb saꞌ li chaki chꞌochꞌ joꞌ eb ajcuiꞌ li cuanqueb saꞌ eb li tenamit. Cheꞌsahokꞌ taxak saꞌ xchꞌo̱leb li cuanqueb Cedar. Cheꞌbicha̱nk xban xsahil xchꞌo̱l li cuanqueb Sela. Cheꞌxjapak reheb xban xsahil xchꞌo̱leb saꞌ xbe̱neb li tzu̱l.

Génesis 25:13

Aꞌaneb aꞌin lix cꞌabaꞌeb li ralal xcꞌajol laj Ismael. Li xbe̱n, aꞌan laj Nebaiot. Chirix chic aꞌan queꞌcuan laj Cedar, laj Adbeel ut laj Mibsam,

Li xHu LAJ JOB 7:1

Lix yuꞌam li cui̱nk arin saꞌ ruchichꞌochꞌ kꞌaxal chꞌaꞌaj joꞌ junak li cui̱nk naxnumsi cutan chi trabajic.

1 Crónicas 1:29

Aꞌaneb aꞌin li ralal xcꞌajol laj Ismael: laj Nebaiot, li xbe̱n ralal; laj Cedar, laj Abdeel, laj Mibsam,

Jeremías 2:10

Ayukex aran Quitim li cuan chire li nimla palau ut taklahomakeb li teꞌxic aran Cedar. Qꞌuehomak chak retal chi us. ¿Ma xeꞌxba̱nu joꞌ yo̱quex la̱ex?