Isaías 20:4 - Li Santil hu

⁴ Lix reyeb laj Asiria ta̱numta̱k saꞌ xbe̱neb laj Egipto ut eb laj Etiopía. Tixchapeb li tenamit ut tixcꞌameb chi pre̱xil. Joꞌ ni̱nk joꞌ cocꞌ teꞌxic chi ma̱cꞌaꞌ xa̱b chi rok ut chi ma̱cꞌaꞌeb rakꞌ. Cꞌajoꞌ nak teꞌxuta̱na̱k eb laj Egipto nak teꞌxic chi tꞌustꞌu̱queb.

Q'eqchi Bible

⁴ Jo'kan ajwi' li awab'ej re Asiria tixchapeb' laj Ejiipt ut eb' laj Etiopía, a' yaal ma cheek malaj saajil poyanam, ut tixk'ameb' sa' jalanil tenamit chi maak'a'aq raq'eb' chi moko xxaab'eb', tik t'ust'uuqeb' chi junajwa, re xk'utb'al xxutaaneb'.

Isaías 20:4 ပူးပေါင်းရင်းမြစ်များ

Isaías 19:4

Ut tinkꞌaxtesiheb saꞌ rukꞌ jun li cui̱nk kꞌaxal joskꞌ. Cꞌajoꞌ li raylal teꞌxcꞌul nak li rey aꞌan ta̱takla̱nk saꞌ xbe̱neb, chan li Ka̱cuaꞌ li nimajcual Dios.

Jeremías 13:26

La̱in tincꞌut e̱xuta̱n ut ta̱cꞌutu̱nk chiruheb chixjunileb li incꞌaꞌ us li xeba̱nu.

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Apocalipsis 3:18

Joꞌcan nak ninye e̱re: Lokꞌomak e̱-oro cuiqꞌuin li ac numsinbil saꞌ xam ut isinbil xtzꞌajnil. Lokꞌomak le̱ saki tꞌicr cuiqꞌuin re te̱tikib e̱rib ut incꞌaꞌ te̱cꞌut e̱xuta̱n nak tꞌustꞌu̱quex. Lokꞌomak xbanol li xnakꞌ e̱ru cuiqꞌuin re nak tex-ilok.

Miqueas 1:11

La̱ex li cuanquex aran Safir, ta̱cꞌutekꞌ e̱xuta̱n nak texchapekꞌ ut texcꞌamekꞌ chi tꞌustꞌu̱quex. La̱ex li cuanquex Zaanán incꞌaꞌ chic tex-e̱lk saꞌ le̱ tenamit xban e̱xiu. Ut la̱ex li cuanquex Bet-esel, texya̱bak xban nak ma̱ ani chic ta̱tenkꞌa̱nk e̱re.

Ezequiel 30:18

Chanchan nak ta̱kꞌojyi̱nokꞌ ru li cutan aran Tafnes nak la̱in tinsach lix cuanquileb laj Egipto. Tincuisi lix kꞌetkꞌetil nak tincubsi lix cuanquileb. Chanchan nak ta̱tzꞌapekꞌ li tenamit xban li chok. Ut eb li cuanqueb saꞌ li cocꞌ tenamit teꞌcꞌamekꞌ chi pre̱xil.

Jeremías 46:26

La̱in tinkꞌaxtesiheb saꞌ rukꞌeb li nequeꞌraj xcamsinquileb. Tinkꞌaxtesiheb saꞌ rukꞌ laj Nabucodonosor ut eb li nequeꞌtenkꞌan re. Abanan mokon teꞌcua̱nk cuiꞌchic saꞌ lix tenamiteb aran Egipto joꞌ nak queꞌcuan junxil, chan li Ka̱cuaꞌ.

Isaías 47:3

Anakcuan ta̱cꞌutu̱nk chiruheb chixjunileb li cꞌaꞌak re ru xuta̱nal xlaje̱ba̱nu. Chicꞌutu̱nk nak muxbil chic e̱ru. La̱in tinqꞌue re̱kaj e̱re li rahobtesi̱nc xeba̱nu ut ma̱ ani ta̱ru̱k ta̱colekꞌ chicuu, chan li Dios.

Isaías 3:17

Re xqꞌuebal chixtojbaleb xma̱c la̱in tinqꞌueheb chi tꞌanecꞌ li rismal. Tꞌuruꞌ chic lix jolomeb ta̱cana̱k re xcutbal xxuta̱neb, chan li Ka̱cuaꞌ.

2 Samuel 10:4

Joꞌcan nak laj Hanún quixchapeb li cui̱nk ut quixtakla xjobal yijach lix macheb ut queꞌxset li rakꞌeb toj chiru li raꞌeb. Quixchakꞌrabiheb ut quixtaklaheb cuiꞌchic saꞌ xnaꞌajeb.

Isaías 47:2

Chapomak e̱caꞌ ut ocankex chixqueꞌbal le̱ cꞌaj. Isihomak le̱ tꞌicr li nequetzꞌap cuiꞌ le̱ ru. Ut taksihomak le̱ rakꞌ re nak texnumekꞌ saꞌ li haꞌ chi ma̱cꞌaꞌ le̱ xa̱b.

Jeremías 46:19

La̱ex aj Egipto, cauresihomak e̱rib chi cꞌamecꞌ chi pre̱xil. Li tenamit Menfis ta̱sachekꞌ ru. Ta̱cana̱k chi ma̱cꞌaꞌ cuan chi saꞌ.

Amós 9:7

Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Nahum 3:10

Abanan, usta kꞌaxal cauheb rib, eb laj Tebas queꞌchapeꞌ ajcuiꞌ ut queꞌcꞌameꞌ chi najt. Eb li cocꞌal quilajeꞌsaqꞌueꞌ saꞌ eb li xa̱la be toj retal queꞌcamsi̱c. Queꞌbu̱lic chirixeb laj cꞌamol be re teꞌril ani aj iqꞌuin teꞌcana̱k chi mo̱sil li junju̱nk ut eb li cuanqueb xcuanquil queꞌbaqꞌueꞌ riqꞌuin cadena.

Sofonías 2:12

Li Ka̱cuaꞌ quixye: —Joꞌcan ajcuiꞌ te̱cꞌul la̱ex aj Etiopía. Tinsach ajcuiꞌ e̱ru riqꞌuin lin chꞌi̱chꞌ, chan.

1 Crónicas 19:4

Joꞌcan nak laj Hanún quixchapeb lix takl laj David ut quixtakla xjobal lix macheb ut queꞌxjach saꞌ xyi li rakꞌeb. Quicuulac toj chiru li raꞌeb. Quixtaklaheb cuiꞌchic saꞌ lix tenamiteb.

Isaías 31:2

Li Ka̱cuaꞌ, aꞌan li cuan xnaꞌleb ut aꞌan li nasachoc. Incꞌaꞌ naxjal lix cꞌaꞌux. Tixqꞌue chixtojbal lix ma̱queb li nequeꞌxba̱nu li ma̱usilal joꞌ ajcuiꞌ eb li nequeꞌtenkꞌan reheb.

Isaías 31:3

Eb laj Egipto yal cui̱nkeb. Moco dioseb ta. Ut lix cacua̱yeb yal xuleb. Moco musikꞌejeb ta. Nak li Ka̱cuaꞌ tixyeꞌ li rukꞌ chixqꞌuebaleb chixtojbal lix ma̱c, jun xxiquic nak teꞌosokꞌ. Ta̱osokꞌ laj tenkꞌanel ut ta̱osokꞌ ajcuiꞌ li natenkꞌa̱c.