Isaías 20:2 - Li Santil hu

² Saꞌ eb li cutan aꞌan li Ka̱cuaꞌ quia̱tinac riqꞌuin laj Isaías li ralal laj Amoz ut quixye re: —Isi li kꞌes ru tꞌicr li cuan cha̱cuix ut li xa̱b li cuan cha̱cuok, chan. Ut joꞌcan quixba̱nu laj Isaías. Quibe̱c chi ma̱cꞌaꞌ xa̱b ut chi ma̱cꞌaꞌ li kꞌes ru tꞌicr chirix.

Q'eqchi Bible

² Toja' naq li Qaawa' ki'aatinak chi xtz'uumal re laj Isaías, ralal laj Amós, ut kixye re chi jo'ka'in: “Isi li q'es ruhil t'ikr li wank chawix ut isi ajwi' laaxaab'”, chan. Laj Isaías kixb'aanu chi jo'kan, ut kiwank chi maak'a' raq' ut chi maak'a' xxaab'.

Isaías 20:2 ပူးပေါင်းရင်းမြစ်များ

San Mateo 3:4

Li rakꞌ narocsi laj Juan, aꞌan yi̱banbil riqꞌuin rix li xul camello ut lix cꞌa̱mal xsaꞌ aꞌan yal tzꞌu̱m. Aj sa̱cꞌ naxtzaca riqꞌuin xyaꞌal sak cꞌau.

Miqueas 1:8

Ut quixye cuiꞌchic laj Miqueas: —Cꞌajoꞌ narahoꞌ inchꞌo̱l xban li ma̱usilal yo̱queb chixba̱nunquil laj Israel. Tinjap cue xban xrahil inchꞌo̱l ut tinya̱bak. Re xcꞌutbal chiruheb li tenamit nak kꞌaxal ra saꞌ inchꞌo̱l tincuisi lin xa̱b ut tincuisi li cuakꞌ. Chanchan nak nacuuꞌteꞌec laj xoj ut chanchan nak naya̱bac li cuarom nak tinya̱bak chi cau.

1 Samuel 19:24

Ut laj Saúl quirisi lix tꞌicr li cuan saꞌ xbe̱n li rakꞌ joꞌ ajcuiꞌ lix chꞌi̱chꞌ re pletic. Ut qui-oc chi xajoc ut chixjapbal re chiru laj Samuel. Ut joꞌcan quixnumsi li cutan ut li kꞌojyi̱n. Chalen aꞌan quiticla xyebal: “¿Ma xcomoneb li profeta laj Saúl?” chanqueb.

Zacarías 13:4

Ut eb li profeta aj balakꞌ teꞌxuta̱na̱k xban li ticꞌtiꞌ li ac xeꞌxye. Ut incꞌaꞌ chic teꞌbalakꞌi̱nk riqꞌuin rocsinquil li rakꞌ profeta chirixeb.

Ezequiel 24:23

Incꞌaꞌ te̱risi li tꞌicr li nequebacꞌ cuiꞌ le̱ jolom, chi moco te̱risi le̱ xa̱b, chi moco texya̱bak xban xrahil e̱chꞌo̱l. Te̱recꞌa ban xrahil li ma̱usilal li xeba̱nu ut te̱jikꞌ e̱chꞌo̱l chi ribil e̱rib.—

Ezequiel 24:17

Incꞌaꞌ ta̱cꞌut nak ra saꞌ a̱chꞌo̱l. Incꞌaꞌ ta̱cuisi li tꞌicr li nacabacꞌ saꞌ a̱jolom, chi moco ta̱cuisi la̱ xa̱b retalil xrahil a̱chꞌo̱l. Incꞌaꞌ ta̱tzꞌap a̱jolom chi moco ta̱tzaca li tzacae̱mk li nequeꞌxtzaca li raheb saꞌ xchꞌo̱l, chan.

Miqueas 1:11

La̱ex li cuanquex aran Safir, ta̱cꞌutekꞌ e̱xuta̱n nak texchapekꞌ ut texcꞌamekꞌ chi tꞌustꞌu̱quex. La̱ex li cuanquex Zaanán incꞌaꞌ chic tex-e̱lk saꞌ le̱ tenamit xban e̱xiu. Ut la̱ex li cuanquex Bet-esel, texya̱bak xban nak ma̱ ani chic ta̱tenkꞌa̱nk e̱re.

Isaías 13:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios chirix li raylal li tixcꞌul li tenamit Babilonia.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

Hechos 19:16

Li cui̱nk li cuan ma̱us aj musikꞌej riqꞌuin, quixcut rib saꞌ xbe̱neb. Aꞌan kꞌaxal cuiꞌchic cau rib chiruheb. Tacuasinbileb ut pejeleb chic li rakꞌeb nak queꞌe̱lelic saꞌ li cab aꞌan.

San Juan 21:7

Ut lix tzolom li Jesús, li raro xban, quixye re laj Pedro: —¡Aꞌan li Ka̱cuaꞌ!— Ut laj Pedro, nak quirabi nak aꞌan li Ka̱cuaꞌ, quixqꞌue cuiꞌchic li rakꞌ chirix xban nak quirisi nak qui-oc chi caribc, ut quixcut rib saꞌ li haꞌ re ta̱xic riqꞌuin li Jesús.

San Mateo 16:24

Ut li Jesús quixye reheb lix tzolom: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal, usta ta̱camsi̱k saꞌ incꞌabaꞌ. Ut chinixta̱kehak.

Ezequiel 4:5

Rajlal cutan tatyocla̱k saꞌ la̱ tzꞌe chiru oxib ciento cutan riqꞌuin laje̱b roꞌcꞌa̱l (390) cutan. Li jun cutan, aꞌan retalil li jun chihab. Li raylal li ta̱cꞌul, aꞌan retalil li raylal li teꞌxcꞌul eb laj Israel chiru oxib ciento chihab riqꞌuin laje̱b roꞌcꞌa̱l chihab xban lix ma̱usilaleb.

2 Reyes 1:8

Eb li takl queꞌxye: —Li rakꞌ yi̱banbil riqꞌuin rix li xul. Ut lix cꞌa̱mal xsaꞌ yi̱banbil riqꞌuin tzꞌu̱m, chanqueb. Li rey quixye reheb: —Aꞌan laj Elías nacuabi, chan.

2 Samuel 6:20

Ut laj David co̱ saꞌ rochoch chixtzꞌa̱manquil chiru li Dios nak ta̱rosobtesiheb li cuanqueb saꞌ li rochoch. Lix Mical qui-el chixcꞌulbal ut quixhob ut quixye re: —Anakcuan qꞌuebil chic a̱lokꞌal, at rey, riqꞌuin li cꞌaꞌru xaba̱nu chiruheb li ixk, lix mo̱seb li nequeꞌcꞌanjelac cha̱cuu. Riqꞌuin li cꞌaꞌru xaba̱nu, xacꞌutbesi a̱cuib joꞌ nequeꞌxba̱nu li incꞌaꞌ nequeꞌxnau xuta̱nac, chan.

Josué 5:15

Ut li nataklan saꞌ xbe̱neb lix soldado li Ka̱cuaꞌ quixye re: —Isi la̱ xa̱b cha̱cuok xban nak li naꞌajej li cuancat cuiꞌ, aꞌan santil naꞌajej, chan. Ut laj Josué quixba̱nu joꞌ quiyeheꞌ re.

Éxodo 3:5

Li Ka̱cuaꞌ Dios quixye: —Matjiloc chak arin. Ta̱cuisi la̱ xa̱b cha̱cuok xban nak li naꞌajej cuancat cuiꞌ aꞌan santil naꞌajej.—

Hechos 21:11

Li cui̱nk aꞌan quicuulac chikilbal. Quixchap lix cꞌa̱mal xsaꞌ laj Pablo. Quixbacꞌ li rukꞌ ut li rok riqꞌuin. —Joꞌcaꞌin xcꞌut chicuu li Santil Musikꞌej, chan. —Laj e̱chal re li cꞌa̱mal saꞌ aꞌin ta̱baqꞌuekꞌ li rukꞌ ut li rok xbaneb laj judío aran Jerusalén ut ta̱kꞌaxtesi̱k saꞌ rukꞌeb li ma̱cuaꞌeb aj judío, chan.

2 Samuel 15:30

Nak laj David yo̱ chi taksi̱nc saꞌ li tzu̱l Olivos, yo̱ chi ya̱bac. Tzꞌaptzꞌo xjolom ut ma̱cꞌaꞌ xxa̱b chi rok xban xrahil xchꞌo̱l. Ut chixjunileb li yo̱queb chi ta̱ke̱nc re queꞌxtzꞌap lix jolomeb ut yo̱queb ajcuiꞌ chi ya̱bac.

Salmos 30:11

Lix rahil inchꞌo̱l xasukꞌisi chokꞌ sahil chꞌo̱lejil. Ninxajoc xban xsahil inchꞌo̱l. Xacuisi lix rahil inchꞌo̱l ut kꞌaxal cuiꞌchic li sahil chꞌo̱lejil xaqꞌue cue.

Isaías 1:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios. Li cꞌaꞌru quicꞌutbesi̱c chiru saꞌ visión, aꞌan chirixeb laj Judá ut laj Jerusalén. Aꞌin quicꞌutbesi̱c chiru nak queꞌcuan chokꞌ xreyeb laj Judá laj Uzías, laj Jotam, laj Acaz ut laj Ezequías.

Isaías 37:2

Ut quixtaklaheb riqꞌuin li profeta Isaías li ralal laj Amoz laj Eliaquim li na-iloc re li palacio rochben laj Sebna laj tzꞌi̱b, joꞌ eb ajcuiꞌ li nequeꞌcꞌamoc be saꞌ xya̱nkeb laj tij. Cuan li kꞌes ru tꞌicr chirixeb nak queꞌco̱eb.

Jeremías 48:37

Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Ezequiel 4:1

Li Dios quixye: —At ralal cui̱nk, chap jun li xan ut ta̱qꞌue cha̱cuu. Ut ta̱yi̱b chiru li xan jun retalil li tenamit Jerusalén.