Isaías 2:7 - Li Santil hu

⁷ Cꞌajoꞌ li plata ut li oro cuan saꞌ lix tenamiteb. Nabal li cꞌaꞌak re ru terto xtzꞌak cuan riqꞌuineb. Nabaleb lix cacua̱y ut kꞌaxal cuiꞌchic nabal lix carruajeb.

Q'eqchi Bible

⁷ Xnujak chi oor ut plaat li xtenamiteb' ut maak'a' xraqb'al li rajlankil li xb'ihomaleb'; xe'tamk li xkawaayeb' ut eb' li b'eleb'aal ch'iich' re yalok.

Isaías 2:7 ပူးပေါင်းရင်းမြစ်များ

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Isaías 30:16

La̱ex xeye: —La̱o toe̱lelik chirixeb li cacua̱y, chanquex. Joꞌcan nak tex-e̱lelik. Xeye: —La̱o toxic chirix cacua̱y li kꞌaxal cau nequeꞌa̱linac, chanquex. Abanan eb li yo̱keb che̱ra̱linanquil kꞌaxal cuiꞌchic cau teꞌa̱linak che̱ru la̱ex.

Salmos 20:7

Cuanqueb li cauheb xchꞌo̱l riqꞌuin lix carruajeb re pletic ut cuanqueb ajcuiꞌ li cauheb xchꞌo̱l riqꞌuin lix cacua̱yeb. Abanan la̱o cau kachꞌo̱l riqꞌuin li Ka̱cuaꞌ li kaDios.

Miqueas 5:10

Ut saꞌ eb li cutan aꞌan, chan li Ka̱cuaꞌ, la̱in tintakla xcamsinquil chixjunil le̱ cacua̱y ut tinsach ruheb le̱ carruaje.

Apocalipsis 18:3

Xsacheꞌ xcuanquil xban nak numtajenak li ma̱c nequeꞌxba̱nu. Chixjunileb li rey li cuanqueb saꞌ ruchichꞌochꞌ nequeꞌcuulac Babilonia chixba̱nunquil li ma̱usilal riqꞌuineb. Chanchan calajenakeb xban li ma̱usilal yo̱queb chixba̱nunquil. Ut eb laj cꞌay queꞌbiomoꞌ aran xban nak nabal li cꞌaꞌak re ru queꞌxcꞌayi chi terto xtzꞌak, chan.

Oseas 14:3

La̱o xkaqꞌue retal nak eb laj Asiria incꞌaꞌ naru toeꞌxcol, chi moco naru toeꞌxcol li cacua̱y re pletic. Chi moco takaye chic “at kadios” reheb li yal nakayi̱b riqꞌuin kukꞌ. At Ka̱cuaꞌ, caꞌaj cuiꞌ a̱cuiqꞌuin cꞌojcꞌo̱k kachꞌo̱l xban nak la̱at li nacat-uxta̱nan ruheb li nebaꞌ, chaꞌkex re li Ka̱cuaꞌ.

1 Reyes 4:26

Laj Salomón cuan caꞌcꞌa̱l mil (40,000) lix cacua̱y saꞌ lix naꞌajeb. Aꞌaneb li nequeꞌquelon re lix carruajes. Ut cuanqueb ajcuiꞌ cablaju mil (12,000) li cui̱nk li nequeꞌcꞌamoc re li carruajes.

Isaías 57:17

Xban li ma̱usilal li nequeꞌxba̱nu ut xban nak chixjunil nequeꞌxrahi ru, la̱in xinjoskꞌoꞌ riqꞌuineb. La̱in xinqꞌueheb chixtojbal lix ma̱queb ut xincanabeb xjuneseb. Abanan xeꞌxcacuubresi xchꞌo̱leb ut junelic xeꞌxba̱nu li incꞌaꞌ us.

Li xHu LAJ JOB 3:15

Malaj ut cuochbeneb raj li queꞌcuan saꞌ xcuanquil li queꞌxchꞌutub li oro ut li plata saꞌ li rochocheb.