Isaías 2:21 - Li Santil hu

²¹ Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal, ut lix cuanquilal li Dios.

Q'eqchi Bible

²¹ Eb' li poyanam te'xch'ik rib' sa'eb' li ochoch pek ut sa' xyanqeb' li saqoonak, re naq te'kole'q chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 2:21 ပူးပေါင်းရင်းမြစ်များ

Isaías 2:19

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal ut lix cuanquilal li Dios.

Isaías 2:10

Mukumak chak e̱rib saꞌ li ochoch pec. Mukumak chak e̱rib saꞌ li ni̱nki jul xban nak xiu xiu rilbal lix lokꞌal ut lix cuanquilal li Ka̱cuaꞌ.

Cantares 2:14

La̱at chanchanat jun li mucuy li naxmuk rib saꞌ eb li sako̱nac ut saꞌ eb li naꞌajej chꞌaꞌaj xtaubal. China̱canab chirilbal la̱ cuu. China̱canab chirabinquil lix ya̱b la̱ cux. Cꞌajoꞌ xchꞌinaꞌusal la̱ cuu. Ut cꞌajoꞌ nak nacuulac chicuu rabinquil xya̱b la̱ cux.

Li xHu LAJ JOB 30:6

Nequeꞌxic chi cua̱nc saꞌ eb li ochoch pec. Ut nequeꞌxbec li jul saꞌ eb li u̱l re teꞌcua̱nk.

Éxodo 33:22

Ut la̱in tatinqꞌue saꞌ jun li chꞌina ochoch pec aran. Tatintzꞌap riqꞌuin cuukꞌ ut aran tatincol nak yo̱ chi numecꞌ inlokꞌal.

Li xHu LAJ JOB 9:6

Aꞌan narecꞌasi li ruchichꞌochꞌ saꞌ xnaꞌaj. Ut narecꞌasi li nacu̱tun re li ruchichꞌochꞌ.

Isaías 24:18

Nabal li raylal ta̱cha̱lk saꞌ e̱be̱n. Chanchan nak nachal li cacuil hab ut li ruchichꞌochꞌ ta̱ecꞌa̱nk saꞌ xnaꞌaj. Li ani nae̱lelic chiru li raꞌal ta̱chapekꞌ xban jun chic li raꞌal. Li ani tixcol rib chiru li raylal ta̱tꞌanekꞌ saꞌ jun chic li raylal.

Isaías 33:10

Li Ka̱cuaꞌ quixye reheb li xni̱nkal ru tenamit: —Anakcuan la̱in tincꞌut lin cuanquil che̱ru ut ta̱qꞌuehekꞌ inlokꞌal.

Jeremías 16:16

Li Ka̱cuaꞌ quixye: —La̱in tintaklaheb li jalan tenamit chixchapbaleb laj Israel. Chanchanakeb laj chapol car ut chanchanakeb laj yo̱ nak yo̱keb chixsicꞌbaleb li xul saꞌ eb li tzu̱l ut saꞌ eb li ochoch pec ut saꞌ eb li sako̱nac.

2 Samuel 22:46

Li jalaneb xtenamit nequeꞌchꞌinan xchꞌo̱leb ut nequeꞌsicsot xban xxiuheb nak nequeꞌel saꞌ li naꞌajej li nequeꞌxmuk cuiꞌ ribeb.

Isaías 7:19

Chanchanakeb li raxya̱t ut li sak cꞌau nak teꞌxic yalak bar saꞌ eb li u̱l ut saꞌ eb li ochoch pec. Ut telajeꞌxic saꞌ eb li qꞌuix ut saꞌ eb li pachꞌayaꞌ.

Oseas 10:8

Li rochoch lix dioseb li cuanqueb saꞌ xbe̱neb li tzu̱l bar queꞌma̱cob cuiꞌ laj Israel, telajeꞌsachekꞌ ru. Ta̱qꞌui̱k li pim ut li qꞌuix saꞌ xbe̱neb lix artal. Ut eb li tenamit teꞌoc chixyebal reheb li tzu̱l: Xextꞌaneꞌ taxak saꞌ kabe̱n. Xoe̱muk taxak, chaꞌkeb.