Isaías 2:19 - Li Santil hu

¹⁹ Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal ut lix cuanquilal li Dios.

Q'eqchi Bible

¹⁹ Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 2:19 ပူးပေါင်းရင်းမြစ်များ

Isaías 2:10

Mukumak chak e̱rib saꞌ li ochoch pec. Mukumak chak e̱rib saꞌ li ni̱nki jul xban nak xiu xiu rilbal lix lokꞌal ut lix cuanquilal li Ka̱cuaꞌ.

San Lucas 23:30

Ut teꞌxye ajcuiꞌ reheb li tzu̱l, “Tꞌanekex chak saꞌ kabe̱n ut choe̱muk taxak”, chaꞌkeb.

Oseas 10:8

Li rochoch lix dioseb li cuanqueb saꞌ xbe̱neb li tzu̱l bar queꞌma̱cob cuiꞌ laj Israel, telajeꞌsachekꞌ ru. Ta̱qꞌui̱k li pim ut li qꞌuix saꞌ xbe̱neb lix artal. Ut eb li tenamit teꞌoc chixyebal reheb li tzu̱l: Xextꞌaneꞌ taxak saꞌ kabe̱n. Xoe̱muk taxak, chaꞌkeb.

Isaías 2:21

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal, ut lix cuanquilal li Dios.

Apocalipsis 11:19

Ut quicuil nak quiteheꞌ lix templo li Dios cuan saꞌ choxa. Ut quicꞌutun li Lokꞌlaj Ca̱x li cuan cuiꞌ li contrato saꞌ lix templo li Dios. Nareploc li rakꞌ ca̱k ut nabal li choki̱nc. Quicuan jun li hi̱c ut nabal li sakbach quitꞌaneꞌ nak quicuil.

Hebreos 12:26

Najter nak li Dios quia̱tinac saꞌ li tzu̱l Sinaí, lix ya̱b xcux quirecꞌasi li naꞌajej aꞌan. Ut li Dios quixye: Saꞌ jun sut chic ma̱cuaꞌ caꞌaj cuiꞌ li ruchichꞌochꞌ tincuecꞌasi. Tincuecꞌasi ajcuiꞌ li choxa. (Ex. 19:18)

Hageo 2:6

Cuulac re xkꞌehil nak la̱in tincuecꞌasi saꞌ xnaꞌaj li choxa ut li ruchichꞌochꞌ ut li palau.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Apocalipsis 16:18

Ut quirepoc li rakꞌ ca̱k ut qui-abi̱c nabal li xya̱b cux. Quimok li ca̱k. Ut quicuan jun nimla hi̱c. Ma̱ jun cua quinumeꞌ junak hi̱c joꞌ aꞌan chalen saꞌ li cutan nak queꞌyoꞌobtesi̱c li cristian saꞌ ruchichꞌochꞌ.

Apocalipsis 11:13

Ut saꞌ li ho̱nal aꞌan quicuan jun nimla hi̱c ut li xlaje jachalal li tenamit qui-ukꞌeꞌ. Cuukub mil (7,000) xqꞌuial li cristian queꞌcam xban li hi̱c. Ut li joꞌ qꞌuial chic incꞌaꞌ queꞌcam, queꞌxucuac ut queꞌxqꞌue xlokꞌal li Dios cuan saꞌ choxa.

Apocalipsis 9:6

Saꞌ eb li cutan aꞌan, eb li cristian teꞌxsicꞌ raj xcamiqueb xban li raylal yo̱keb chixcꞌulbal. Teꞌxra raj ru ca̱mc, abanan incꞌaꞌ teꞌca̱mk.

Hebreos 11:38

Ma̱cuaꞌ raj xcꞌulubeb li incꞌaꞌ useb xnaꞌleb nak teꞌcua̱nk laj pa̱banel saꞌ xya̱nkeb. Xban nak queꞌrahobtesi̱c, eb laj pa̱banel quilajeꞌe̱lelic chiruheb ut queꞌcuan yalak bar saꞌ li chaki chꞌochꞌ, saꞌ tzu̱l, ut queꞌcuan ajcuiꞌ saꞌ li ochoch pec.

2 Ts 1:9

Lix tojbal rixeb lix ma̱c li tixqꞌue, aꞌan li sachc chi junelic nak teꞌisi̱k chiru li Ka̱cuaꞌ Jesucristo ut chiru lix nimal xlokꞌal ut lix cuanquilal.

Miqueas 7:17

Chanchanakeb li cꞌantiꞌ li naxquelo rib saꞌ li poks nak ta̱cuisi lix cuanquileb. Sicsotkeb xbaneb xxiu teꞌcana̱k cha̱cuu, at Ka̱cuaꞌ at kaDios.

Jeremías 16:16

Li Ka̱cuaꞌ quixye: —La̱in tintaklaheb li jalan tenamit chixchapbaleb laj Israel. Chanchanakeb laj chapol car ut chanchanakeb laj yo̱ nak yo̱keb chixsicꞌbaleb li xul saꞌ eb li tzu̱l ut saꞌ eb li ochoch pec ut saꞌ eb li sako̱nac.

Isaías 30:32

Nak li Ka̱cuaꞌ tixqꞌue li junju̱nk chi raylal saꞌ xbe̱neb laj Asiria, eb laj Israel yo̱keb chixchꞌeꞌbaleb lix pandero ut lix arpa. Li Ka̱cuaꞌ, aꞌan li ta̱pletik riqꞌuineb laj Asiria.

Salmos 7:6

At Ka̱cuaꞌ, chacꞌut la̱ joskꞌil chiruheb li xicꞌ nequeꞌiloc cue. At inDios, china̱tenkꞌa xban nak la̱at saꞌ ti̱quilal nacatrakoc a̱tin.

1 Samuel 14:11

Joꞌcan nak queꞌco̱eb ut queꞌxcꞌut ribeb chiruheb laj filisteo. Ut eb laj filisteo queꞌxye: —¡Ilomakeb! Eb laj Israel yo̱queb chi e̱lc saꞌ li ochoch pec li queꞌxmuk cuiꞌ ribeb, chanqueb.

1 Samuel 13:6

Eb laj Israel queꞌril nak cuanqueb saꞌ chꞌaꞌajquilal ut incꞌaꞌ chic queꞌxtau cꞌaꞌru teꞌxba̱nu re xcolbaleb rib. Queꞌxmuk ribeb saꞌ eb li ochoch pec, saꞌ eb li jul, saꞌ eb li sako̱nac, ut saꞌ xya̱nkeb li ni̱nki pec ut queꞌxmuk ajcuiꞌ ribeb saꞌ eb li rok haꞌ li ma̱cꞌaꞌ haꞌ chi saꞌ.

Li xHu LAJ JOB 9:6

Aꞌan narecꞌasi li ruchichꞌochꞌ saꞌ xnaꞌaj. Ut narecꞌasi li nacu̱tun re li ruchichꞌochꞌ.

Isaías 7:19

Chanchanakeb li raxya̱t ut li sak cꞌau nak teꞌxic yalak bar saꞌ eb li u̱l ut saꞌ eb li ochoch pec. Ut telajeꞌxic saꞌ eb li qꞌuix ut saꞌ eb li pachꞌayaꞌ.

Isaías 13:13

La̱in tincuecꞌasi li choxa ut tincuecꞌasi ajcuiꞌ li ruchichꞌochꞌ saꞌ xnaꞌaj saꞌ li cutan nak la̱in li nimajcual Dios tincuisi lin joskꞌil saꞌ xbe̱neb li cuanqueb Babilonia.

Isaías 24:1

Li Ka̱cuaꞌ tixpoꞌ ru li ruchichꞌochꞌ. Ta̱cana̱k chi ma̱cꞌaꞌ cuan chiru. Ut tixchaꞌchaꞌiheb li tenamit yalak bar.

Isaías 24:18

Nabal li raylal ta̱cha̱lk saꞌ e̱be̱n. Chanchan nak nachal li cacuil hab ut li ruchichꞌochꞌ ta̱ecꞌa̱nk saꞌ xnaꞌaj. Li ani nae̱lelic chiru li raꞌal ta̱chapekꞌ xban jun chic li raꞌal. Li ani tixcol rib chiru li raylal ta̱tꞌanekꞌ saꞌ jun chic li raylal.

Isaías 24:19

Ta̱osokꞌ li ruchichꞌochꞌ. Ta̱ecꞌasi̱k chi cau saꞌ xnaꞌaj ut ta̱jachekꞌ ru.

Isaías 33:10

Li Ka̱cuaꞌ quixye reheb li xni̱nkal ru tenamit: —Anakcuan la̱in tincꞌut lin cuanquil che̱ru ut ta̱qꞌuehekꞌ inlokꞌal.

Jeremías 4:29

Chixjunileb li cuanqueb saꞌ eb li tenamit teꞌe̱lelik nak teꞌrabi xya̱b rokeb li cacua̱y ut eb li soldado li nequeꞌcutuc riqꞌuin tzimaj. Cuanqueb li teꞌxic saꞌ qꞌuicheꞌ ut cuanqueb li teꞌtakekꞌ saꞌ xya̱nkeb li pec. Ma̱cꞌaꞌak chic cristian saꞌ eb li tenamit. Ma̱ ani teꞌcana̱k aran.

Jeremías 48:28

Canabomak le̱ tenamit ut texxic chi cua̱nc saꞌ xya̱nkeb li pec, la̱ex li cuanquex Moab. Chanchanakex chic li mucuy li naxyi̱b xsoc saꞌ li oqueba̱l re li ochoch pec.

Ezequiel 33:27

Ta̱ye reheb nak la̱in li yoꞌyo̱quil Dios ninye nak relic chi ya̱l telajeꞌcamsi̱k li cuanqueb saꞌ eb li tenamit li poꞌbileb. Ut eb li cuanqueb saꞌ li cꞌaleba̱l teꞌlajeꞌcamsi̱k xbaneb li joskꞌ aj xul. Ut eb li cuanqueb saꞌ eb li ochoch pec ut saꞌ eb li cab li nequeꞌxcol cuiꞌ ribeb telajeꞌca̱mk xban caki yajel.

Nahum 3:11

Joꞌcan ajcuiꞌ te̱cꞌul la̱ex aj Nínive. Chanchan texcala̱k nak te̱yal xsicꞌbal bar te̱col e̱rib. Te̱yal raj chic xmukbal e̱rib chiruheb li xicꞌ nequeꞌiloc e̱re.

Hageo 2:7

Sicsotkeb xban xxiuheb chixjunileb li xni̱nkal ru tenamit ut teꞌxcꞌam chak arin saꞌ lin templo lix biomaleb ut ta̱nujak lin templo riqꞌuin lin lokꞌal, chan li Ka̱cuaꞌ Dios li kꞌaxal nim xcuanquil.

2 Samuel 22:46

Li jalaneb xtenamit nequeꞌchꞌinan xchꞌo̱leb ut nequeꞌsicsot xban xxiuheb nak nequeꞌel saꞌ li naꞌajej li nequeꞌxmuk cuiꞌ ribeb.