Isaías 2:18 - Li Santil hu

¹⁸ Ut ta̱risiheb chixjunileb li yi̱banbil dios. Ma̱ jun chic ta̱cana̱k.

Isaías 2:18 ပူးပေါင်းရင်းမြစ်များ

Zacarías 13:2

Saꞌ chixjunil li tenamit Israel, la̱in tinsacheb ru li jalanil dios ut tinsacheb ajcuiꞌ lix cꞌabaꞌeb re nak incꞌaꞌ chic teꞌlokꞌoni̱k xbaneb li tenamit. Ut tincuisiheb ajcuiꞌ li profeta li incꞌaꞌ useb xnaꞌlebeb saꞌ xya̱nkeb ut tincuisi ajcuiꞌ lix ma̱usilaleb.

Sofonías 1:3

Tinsacheb ru chixjunileb li cristian ut tinsach ajcuiꞌ ruheb chixjunileb li xul. Tinsach ruheb li xul li nequeꞌrupupic chiru choxa joꞌqueb ajcuiꞌ li car li cuanqueb saꞌ li nimaꞌ. Tinsach ruheb li incꞌaꞌ useb xnaꞌleb. Tinsacheb ru chixjunileb li cristian, chan li Ka̱cuaꞌ.

Oseas 14:8

Eb li ralal xcꞌajol laj Efraín teꞌxye: —¿Cꞌaꞌ chic ru teꞌoc cuiꞌ ke li yi̱banbil dios? Ut la̱in tinsume ut tinye reheb: —La̱in yo̱quin che̱rabinquil ut yo̱quin che̱rilbal. La̱in chanchanin li cheꞌ rax rax ru. La̱in tin-ilok e̱re ut la̱in tin-osobtesi̱nk e̱re re nak ta̱cua̱nk cuiꞌchic nabal cꞌaꞌru e̱re, chaꞌak li Dios reheb.

Ezequiel 37:23

Incꞌaꞌ chic teꞌxmux ribeb xlokꞌoninquileb li jalanil dios, chi moco teꞌxkꞌetkꞌeti ribeb chicuu, chi moco teꞌxba̱nu chic li ma̱usilal. La̱in tincoleb chiru li ma̱usilal aꞌan ut tincuisi lix ma̱queb. Aꞌanakeb lin tenamit ut la̱inak lix Dioseb.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Isaías 27:9

Li Dios tixcuy xma̱queb laj Israel nak telajeꞌxjuqꞌui chixjunil li artal li nequeꞌlokꞌoni̱c cuiꞌ li jalanil dios. Tixcuy xma̱queb nak ma̱cꞌaꞌak chic li yi̱banbil dios xAsera, chi moco li naꞌajej li nacꞌatman cuiꞌ li pom.

Isaías 21:9

Saꞌ junpa̱t queꞌchal li cui̱nk saꞌ xcarruaje. Ut laj qꞌuehol etal quixye: —¡X-osoꞌ li tenamit Babilonia! ¡Xsacheꞌ ru li tenamit Babilonia! Chixjunileb lix dioseb jucꞌbileb ut tꞌantꞌo̱queb saꞌ chꞌochꞌ, chan.

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

Isaías 46:1

Nequeꞌtꞌaneꞌ li dios Bel ut li dios Nebo li nequeꞌxlokꞌoniheb laj Egipto. Eb li dios aꞌan i̱kanbileb xbaneb li bu̱r. Kꞌaxal a̱l chokꞌ reheb li bu̱r ri̱kanquileb xban nak ac tacuajenakeb chi i̱ka̱nc.

Jeremías 10:11

La̱ex aj Israel, cheyehak reheb li xni̱nkal ru tenamit nak eb lix yi̱banbil dios teꞌisi̱k saꞌ ruchichꞌochꞌ. Ma̱cuaꞌeb li yi̱banbil dios li queꞌyi̱ban re li choxa ut li ruchichꞌochꞌ.

Ezequiel 30:13

Li nimajcual Dios xye: —La̱in tinpoꞌi li yi̱banbil dios ut tinsach ru li jalam u̱ch li cuanqueb Menfis. Incꞌaꞌ chic ta̱cua̱nk xreyeb laj Egipto. La̱in tinqꞌue xxiuheb chixjunileb li tenamit.

Miqueas 1:7

Ut chixjunil lix yi̱banbil dios tinpuqꞌuiheb. Ut tincꞌat chixjunil li qꞌuebil reheb li ixk aj yumbe̱t, li queꞌcꞌanjelac chiru lix dioseb. Tinsacheb ru chixjunileb lix yi̱banbil dios. Jalan xtenamiteb quicꞌutuc chiruheb xlokꞌoninquil li jalanil dios ut anakcuan jalan chic xtenamiteb ta̱makꞌok chiruheb lix dioseb joꞌ ajcuiꞌ lix biomaleb li ixk aj yumbe̱t li queꞌcꞌanjelac chiru lix dioseb, chan li Dios.

Miqueas 5:13

Tinjuqꞌueb ajcuiꞌ le̱ yi̱banbil dios joꞌqueb ajcuiꞌ li jalam u̱ch li xeyi̱b. Ut incꞌaꞌ chic te̱lokꞌoni le̱ dios li nequeyi̱b riqꞌuin le̱ rukꞌ.

Jeremías 51:18

Ma̱cꞌaꞌ nequeꞌoc cuiꞌ ut xcꞌulubeb nak teꞌhobekꞌ. Teꞌsachekꞌ ruheb nak li Ka̱cuaꞌ ta̱cha̱lk chi rakoc a̱tin.

Ezequiel 6:6

Saꞌ chixjunil li naꞌajej li texcua̱nk cuiꞌ ta̱sachekꞌ ruheb. Ta̱sachekꞌ ruheb chi junaj cua le̱ artal li nequexlokꞌonin cuiꞌ ut eb le̱ yi̱banbil dios ta̱puqꞌui̱k. Li artal li nequecꞌat cuiꞌ li incienso teꞌpoꞌi̱k. Chixjunil li quilaje̱yi̱b ta̱poꞌi̱k chi junaj cua.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.