Isaías 2:12 - Li Santil hu

¹² Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

Q'eqchi Bible

¹² Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;

Isaías 2:12 ပူးပေါင်းရင်းမြစ်များ

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Isaías 23:9

Li Ka̱cuaꞌ li nimajcual Dios, aꞌan li quicꞌu̱ban ru xba̱nunquil li raylal re li tenamit Tiro re nak ta̱cubsi̱k xcuanquileb li kꞌetkꞌeteb. Ta̱isi̱k xlokꞌaleb li nequeꞌqꞌueheꞌ xlokꞌal yalak bar saꞌ ruchichꞌochꞌ.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Proverbios 16:5

Li Ka̱cuaꞌ xicꞌ narileb li nequeꞌxkꞌetkꞌeti ribeb. Relic chi ya̱l nak incꞌaꞌ teꞌcana̱k chi incꞌaꞌ teꞌxtoj rix lix ma̱queb.

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

1 Ts 5:2

La̱ex nequenau chi us nak lix cutanquil lix cꞌulunic li Ka̱cuaꞌ Jesucristo, ta̱cha̱lk chi ma̱ ani nanaꞌoc re jokꞌe, joꞌ nak nachal laj e̱lkꞌ chi ma̱cꞌaꞌ saꞌ kachꞌo̱l.

1 Corintios 5:5

Isihomak li cui̱nk aꞌan saꞌ e̱ya̱nk. Nak cua̱nk chic saꞌ rukꞌ laj tza tixcꞌul li raylal ut riqꞌuin li raylal tixcꞌul, tixcanab taxak xba̱nunquil li ma̱usilal re nak naru ta̱colekꞌ nak tol-e̱lk cuiꞌchic li Jesucristo.

San Mateo 23:12

Li ani naxqꞌue xcuanquil xjunes rib, li jun aꞌan ta̱cubsi̱k xcuanquil. Ut li ani naxcubsi rib, li jun aꞌan ta̱qꞌuehekꞌ xcuanquil.

Malaquías 4:5

Relic chi ya̱l la̱in tintakla li profeta Elías e̱riqꞌuin nak toj ma̱jiꞌ nacuulac xkꞌehil nak tinrakok a̱tin. Li cutan aꞌan kꞌaxal lokꞌ, abanan kꞌaxal xiu xiu ajcuiꞌ.

Amós 5:18

Tokꞌob xak e̱ru la̱ex li yo̱quex chiroybeninquil li cutan nak ta̱cha̱lk chi rakoc a̱tin li Ka̱cuaꞌ. ¿Cꞌaꞌut nak yo̱quex chiroybeninquil li cutan aꞌan? ¿Ma incꞌaꞌ ta biꞌ nequenau cꞌaꞌru te̱cꞌul? Ma̱cuaꞌ sahil chꞌo̱lejil te̱cꞌul. Rahil chꞌo̱lej ban te̱cꞌul.

Daniel 4:37

Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Ezequiel 13:5

Moco queꞌxyi̱b ta li tzꞌac li queꞌjuqꞌueꞌ chi moco queꞌxyi̱b li tzꞌac sutsu cuiꞌ li tenamit Israel re te̱col cuiꞌ e̱rib saꞌ li ple̱t. Eb aꞌan incꞌaꞌ queꞌxchꞌolob xya̱lal che̱ru re nak ta̱ru̱k te̱col e̱rib saꞌ li cutan nak ta̱cha̱lk li Ka̱cuaꞌ chi rakoc a̱tin saꞌ e̱be̱n.

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Isaías 24:21

Ta̱cuulak xkꞌehil nak li Ka̱cuaꞌ tixqꞌueheb chixtojbal xma̱queb li cuanqueb xcuanquil saꞌ choxa joꞌqueb ajcuiꞌ li cuanqueb xcuanquil saꞌ ruchichꞌochꞌ.

Isaías 24:4

Ta̱chakik li ruchichꞌochꞌ ut ta̱osokꞌ. Chixjunil li cuan saꞌ ruchichꞌochꞌ ta̱sachk. Ut ta̱sachekꞌ ajcuiꞌ ruheb li xni̱nkal tenamit.

Isaías 13:9

Cuulac re xkꞌehil nak li Ka̱cuaꞌ ta̱rakok a̱tin saꞌ xbe̱neb li tenamit. Cꞌajoꞌ li raylal teꞌxcꞌul saꞌ li cutan aꞌan nak li Dios tixcꞌutbesi lix joskꞌil chiruheb. Tixsach chixjunil li cuan Babilonia ut tixsach ajcuiꞌ ruheb chixjunileb laj ma̱c.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

2 Samuel 22:28

La̱at nacatcoloc reheb li tenamit li nequeꞌxcubsi ribeb cha̱cuu. Abanan nacacubsiheb xcuanquil li nequeꞌxnimobresi ribeb cha̱cuu.

Li xHu LAJ JOB 24:1

¿Cꞌaꞌut nak li nimajcual Dios incꞌaꞌ naxqꞌue retal li cꞌaꞌru nequeꞌxba̱nu li incꞌaꞌ useb xnaꞌleb? ¿Cꞌaꞌut nak incꞌaꞌ narakoc a̱tin chi junpa̱t re nak li nequeꞌpa̱ban re teꞌxqꞌue retal nak narakoc a̱tin saꞌ ti̱quilal?

Salmos 131:1

At nimajcual Dios, la̱in incꞌaꞌ ninnimobresi cuib, chi moco ninkꞌetkꞌeti cuib, chi moco naxic inchꞌo̱l riqꞌuin xtzolbal li xni̱nkal ru naꞌleb li chꞌaꞌaj xtaubal ru.

Isaías 42:15

La̱in tinsacheb ru li tzu̱l ut eb li cocꞌ bol. Tinqꞌue chi chakic li racui̱mkeb. Tinsukꞌisi li nimaꞌ chokꞌ chaki chꞌochꞌ ut tinchakihobresiheb li xnaꞌaj li haꞌ.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Jeremías 30:7

Ta̱cuulak xkꞌehil nak teꞌxcꞌul junak li nimla raylal. Ma̱cꞌaꞌ naru najuntakꞌe̱taman cuiꞌ li raylal aꞌan. Kꞌaxal ra teꞌxcꞌul li ralal xcꞌajol laj Jacob. Abanan eb aꞌan teꞌcolekꞌ chiru li raylal.

Miqueas 2:3

Joꞌcan nak quixye li Ka̱cuaꞌ: —La̱in tintakla li raylal saꞌ e̱be̱n. Ut incꞌaꞌ ta̱ru̱k te̱col e̱rib chi moco te̱nimobresi chic e̱rib xban nak tintakla li raylal saꞌ e̱be̱n.

Miqueas 5:11

Ut tinjucꞌ chixjunileb li tenamit saꞌ le̱ naꞌaj ut tinjucꞌ ajcuiꞌ chixjunil li cab li nequecol cuiꞌ e̱rib.

Sofonías 1:16

Saꞌ li cutan aꞌan teꞌxya̱basi lix trompeta li teꞌcha̱lk chi pletic ut japjo̱keb re, nak teꞌcha̱lk chi pletic riqꞌuineb li cauheb rib chi pletic xban nak sutsu saꞌ tzꞌac lix tenamiteb ut cuanqueb lix torre najt xteram.

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Salmos 18:28

At Ka̱cuaꞌ, la̱at nacacꞌutbesi chicuu cꞌaꞌru us tinba̱nu. At inDios, la̱at nacacutanobresi lin be.

Salmos 37:13

Abanan li Ka̱cuaꞌ naseꞌec xban li nequeꞌxba̱nu xban nak aꞌan naxnau nak cuulac re xkꞌehil nak teꞌsachekꞌ.

Salmos 94:2

Cꞌutbesi taxak la̱ cuanquil nak tatrakok a̱tin saꞌ xbe̱neb li tenamit. Chaqꞌueheb taxak chixtojbal rix lix ma̱queb li nequeꞌxkꞌetkꞌeti ribeb.

Isaías 5:15

Eb li cristian teꞌcubsi̱k xcuanquileb. Ut teꞌcubsi̱k ajcuiꞌ xcuanquileb li nequeꞌxkꞌetkꞌeti ribeb.

Isaías 10:12

Abanan nak li Ka̱cuaꞌ acak xrakeꞌ chi rakoc a̱tin saꞌ xbe̱neb li cuanqueb aran Jerusalén ut saꞌ li tzu̱l Sión, tojoꞌnak tixqꞌue chixtojbal xma̱c lix reyeb laj Asiria xban nak naxkꞌetkꞌeti rib ut naxnimobresi rib.

Isaías 10:33

Abanan li Ka̱cuaꞌ Dios li kꞌaxal nim xcuanquil tixsach ruheb riqꞌuin xnimal xcuanquil. Chanchan nak nequeꞌxtꞌan li ni̱nki cheꞌ. Li cuanqueb xcuanquil teꞌcutekꞌ xxuta̱n ut teꞌisi̱k xcuanquileb.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Isaías 14:15

Abanan quicubsi̱c la̱ cuanquil ut catcuteꞌ toj takꞌa saꞌ li chamal jul cuanqueb cuiꞌ li camenak.

Isaías 40:23

Naxcubsi xcuanquileb li ni̱nkeb xcuanquil ut naxcanabeb chi ma̱cꞌaꞌ nequeꞌoc cuiꞌ li nequeꞌtaklan saꞌ ruchichꞌochꞌ.

Jeremías 12:9

Li tenamit li sicꞌbil ru inban chanchaneb li xul li chꞌinaꞌus saꞌ rix, li nequeꞌrupupic, li quisuteꞌ xbaneb li cꞌuch li teꞌajok xcamsinquil. Bokomakeb chixjunileb li joskꞌ aj xul li cuanqueb saꞌ qꞌuicheꞌ re teꞌcha̱lk chixtiubal lix tibeb.

Jeremías 13:9

—Joꞌ xcꞌul li cꞌa̱mal saꞌ aꞌin nak xkꞌa, joꞌcan ajcuiꞌ teꞌxcꞌul eb laj Judá ut eb laj Jerusalén nak tincuisi lix kꞌetkꞌetileb.

Jeremías 50:31

La̱in li nimajcual Dios tinsach e̱ru la̱ex aj Babilonia, xban nak xekꞌetkꞌeti e̱rib chicuu. Xcuulac xkꞌehil nak la̱in texinqꞌue chixtojbal rix li ma̱c xeba̱nu.