Isaías 19:8 - Li Santil hu

⁸ Eb laj car teꞌrahokꞌ xchꞌo̱leb ut teꞌya̱bak. Chixjunileb teꞌrahokꞌ saꞌ xchꞌo̱leb xban nak incꞌaꞌ chic teꞌxqꞌue lix yoy chi moco lix chapleb car saꞌ li nimaꞌ xban nak ac xchakic.

Q'eqchi Bible

⁸ Eb' li neke'karab'k rik'in luchb'aq sa' li nima' Nilo te'raho'q xch'ool ut te'ok chi yaab'ak, ut eb' li neke'xkut li xyooyeb' taalajq li xmetz'eweb'.

Isaías 19:8 ပူးပေါင်းရင်းမြစ်များ

Habacuc 1:15

Eb laj Caldea nequeꞌnumta saꞌ xbe̱neb li tenamit ut nequeꞌre̱chaniheb. Chanchaneb laj car nak nequeꞌxchap li car riqꞌuin lix anzuelo ut chanchan nak nequeꞌxchap riqꞌuin lix yoy. Ut nequeꞌsahoꞌ saꞌ xchꞌo̱leb chirilbal li joꞌ qꞌuial nequeꞌxchap.

Ezequiel 47:10

Ut chire li palau aꞌan cua̱nkeb laj car naticla chak saꞌ li naꞌajej En-gadi nacuulac toj En-eglaim. Ut yalak bar chire li palau yo̱keb chixchakobresinquil lix yoyeb laj car. Qꞌuila pa̱y ru li car ut kꞌaxal nabalakeb li teꞌcua̱nk saꞌ li palau aꞌan, joꞌ li cuanqueb saꞌ li nimla palau Mediterráneo xcꞌabaꞌ.

Números 11:5

Najulticoꞌ ke nak chi ma̱tan katzaca chak li car aran Egipto ut katzaca chak li pepino, li melón, li puerro, li cebolla ut li a̱nx.

Éxodo 7:21

Quilajeꞌcam chixjunil li car saꞌ li nimaꞌ ut quichuhoꞌ li haꞌ. Incꞌaꞌ chic naru teꞌrucꞌ li haꞌ. Yalak bar saꞌ li tenamit Egipto, junes quicꞌ chic li haꞌ.

San Mateo 11:17

“Xkaya̱basi li kaxo̱lb ut incꞌaꞌ xexxajoc; xobichan chi ra saꞌ kachꞌo̱l, ut incꞌaꞌ xyotꞌeꞌ e̱chꞌo̱l chi moco xexya̱bac xban”, chanqueb.

Habacuc 1:17

¿Ma junelic yo̱keb chixchapbal li tenamit riqꞌuin lix yoy eb laj Caldea? Ut, ¿ma rajlal yo̱keb chixsachbal ru li tenamit chi incꞌaꞌ teꞌril xtokꞌoba̱l ruheb?