Isaías 19:12 - Li Santil hu

¹² At faraón, ¿bar cuanqueb li cuanqueb xnaꞌleb li nequeꞌqꞌuehoc a̱naꞌleb? Cha̱lkeb ut xyehakeb a̱cue cꞌaꞌru li raylal xteneba̱c saꞌ xbe̱n li tenamit Egipto xban li nimajcual Dios.

Q'eqchi Bible

¹² At Parahón, b'ar wankeb' laj k'ehol aana'leb', re naq te'xk'ut ut te'xch'olob' chawu li xk'uub'ahom li Nimajwal Yos chirix Ejiipt?

Isaías 19:12 ပူးပေါင်းရင်းမြစ်များ

1 Corintios 1:20

Chiru li Dios ma̱cꞌaꞌ nequeꞌoc cuiꞌ li cuanqueb xnaꞌleb xjuneseb. Ma̱cꞌaꞌ nequeꞌoc cuiꞌ laj tzolonel. Ut ma̱cꞌaꞌ nequeꞌoc cuiꞌ li nequeꞌxnau a̱tinac chirix lix naꞌleb li ruchichꞌochꞌ. Lix naꞌleb li ruchichꞌochꞌ to̱ntil naꞌleb ut ma̱cꞌaꞌ na-oc cuiꞌ chiru li Dios.

Romanos 9:17

Joꞌcaꞌin nak tzꞌi̱banbil saꞌ li Santil Hu li a̱tin li quixye li Dios re laj faraón: Xatinxakab chokꞌ xreyeb laj Egipto re nak ta̱cꞌutu̱nk lin cuanquilal a̱ban. Chi joꞌcan ta̱yema̱nk cuesilal yalak bar saꞌ chixjunil li ruchichꞌochꞌ. (Ex. 9:16)

Jeremías 2:28

La̱ex aj Judá, ¿ma incꞌaꞌ ta biꞌ xeyi̱b le̱ dios re textenkꞌa? ¿Ma incꞌaꞌ ta biꞌ ta̱ru̱k te̱tzꞌa̱ma e̱tenkꞌanquil riqꞌuin aꞌan? Cui cuanqueb xcuanquil, chextenkꞌa nak cua̱nkex saꞌ raylal. Kꞌaxal nabaleb le̱ jalanil dios. Chanchan xqꞌuialeb le̱ tenamit.

Isaías 44:7

¿Ma cuan ta biꞌ junak li quixye cꞌaꞌru ta̱cꞌulma̱nk chalen saꞌ xticlajic ut li ta̱cha̱lk mokon? ¿Ma cuan ta biꞌ junak li quiru xba̱nunquil li quinba̱nu la̱in nak quinxakabeb lin tenamit saꞌ xnaꞌajeb junxil? Cui cuan junak, xyehak chak cꞌaꞌru ta̱cꞌulma̱nk mokon.

Isaías 14:24

Ac xye riqꞌuin juramento li nimajcual Dios li a̱tin aꞌin: —Relic chi ya̱l nak ta̱cꞌulma̱nk joꞌ xincꞌu̱b ru la̱in. Ta̱cꞌulma̱nk joꞌ xinye la̱in.

Isaías 5:21

Raylal ta̱cha̱lk saꞌ e̱be̱n la̱ex li nequeye nak cuan e̱naꞌleb e̱junes e̱rib ut la̱ex li se̱b e̱chꞌo̱l nak nequecꞌoxla e̱rib.

Jueces 9:38

Laj Zebul quixye re: —¿Ma incꞌaꞌ ta biꞌ cau a̱cuib? ¿Ma incꞌaꞌ ta biꞌ yo̱cat chixhobbal laj Abimelec nak xaye, “¿Cꞌaꞌru aj e nak tocꞌanjelak chiru aꞌan?” chancat. Ayu chi pletic riqꞌuineb anakcuan, chan laj Zebul.

Abdías 1:8

Li Ka̱cuaꞌ quixye: —Nak tebinqꞌue chixtojbal rix lix ma̱queb laj Edom, tinsach ruheb li cuanqueb xnaꞌleb saꞌ xya̱nkeb aꞌan. La̱in tinsach ruheb laj qꞌuehol naꞌleb li cuanqueb saꞌ li tzu̱l saꞌ lix naꞌajeb li ralal xcꞌajol laj Esaú.