Isaías 19:1 - Li Santil hu

¹ Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Q'eqchi Bible

¹ Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Isaías 19:1 ပူးပေါင်းရင်းမြစ်များ

Éxodo 12:12

Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

Joel 3:19

Ut li nimla tenamit Egipto ta̱sachekꞌ ru ut li naꞌajej Edom ta̱cana̱k chi ma̱cꞌaꞌ chic cuan chiru xban li ma̱usilal li queꞌxba̱nu reheb laj Judá. Queꞌxcamsiheb laj Judá chi ma̱cꞌaꞌeb xma̱c.

Josué 2:11

Cꞌajoꞌ nak coxucuac nak xkanau nak ma̱ ani naru napletic e̱riqꞌuin la̱ex xban nak li Ka̱cuaꞌ le̱ Dios cuan xcuanquil saꞌ choxa ut cuan ajcuiꞌ xcuanquil saꞌ ruchichꞌochꞌ.

Ezequiel 30:13

Li nimajcual Dios xye: —La̱in tinpoꞌi li yi̱banbil dios ut tinsach ru li jalam u̱ch li cuanqueb Menfis. Incꞌaꞌ chic ta̱cua̱nk xreyeb laj Egipto. La̱in tinqꞌue xxiuheb chixjunileb li tenamit.

Jeremías 51:44

La̱in tinqꞌue chixtojbal lix ma̱c laj Bel lix dioseb laj Babilonia. La̱in tinmakꞌ chiru li cꞌaꞌru quilajeꞌxcanab saꞌ lix templo. Eb li xni̱nkal ru tenamit incꞌaꞌ chic teꞌxic riqꞌuin. Ut li tzꞌac li sutsu cuiꞌ li tenamit ta̱tꞌanekꞌ.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Isaías 13:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios chirix li raylal li tixcꞌul li tenamit Babilonia.

Salmos 104:3

Cayi̱b la̱ naꞌaj takecꞌ saꞌ xbe̱n li haꞌ. Eb li chok nequeꞌcꞌanjelac cha̱cuu joꞌ la̱ carruaje. Ut nacatbe̱c saꞌ li ikꞌ.

Deuteronomio 33:26

La̱ex aj Jesurún te̱nau nak ma̱cꞌaꞌ chic junak dios juntakꞌe̱t riqꞌuin li Ka̱cuaꞌ le̱ Dios. Li Ka̱cuaꞌ nachal chak saꞌ choxa re textenkꞌa. Chanchan nak nachal saꞌ xbe̱n li chok riqꞌuin lix nimal xcuanquil ut riqꞌuin lix nimal xlokꞌal.

Zacarías 14:18

Ut cui eb laj Egipto incꞌaꞌ teꞌxic aran Jerusalén chi lokꞌoni̱nc rajlal chihab saꞌ li ninkꞌe aꞌan, li Ka̱cuaꞌ Dios tixqꞌue ajcuiꞌ raylal saꞌ xbe̱neb joꞌ nak quixqꞌue raylal saꞌ xbe̱neb li xni̱nkal ru tenamit ut incꞌaꞌ tixqꞌue li hab saꞌ xbe̱n li racui̱mkeb.

Zacarías 10:11

La̱in tintenkꞌaheb chixcuybal xnumsinquil li raylal joꞌ nak quintenkꞌaheb chak nak queꞌnumeꞌ chak saꞌ li Caki Palau aran Egipto. La̱in quintenkꞌaheb nak quinqꞌue chi chakic li nimaꞌ ut queꞌnumeꞌ jun pacꞌal. La̱in tincuisi xcuanquileb laj Asiria re nak incꞌaꞌ chic teꞌxnimobresi ribeb ut tinsach ajcuiꞌ xcuanquileb laj Egipto.

Jeremías 25:19

Ut teꞌcꞌuluk ajcuiꞌ raylal laj faraón lix reyeb laj Egipto ut chixjunileb li nequeꞌtenkꞌan re, eb li cuanqueb xcuanquil joꞌ eb ajcuiꞌ chixjunileb li tenamit.

Isaías 21:9

Saꞌ junpa̱t queꞌchal li cui̱nk saꞌ xcarruaje. Ut laj qꞌuehol etal quixye: —¡X-osoꞌ li tenamit Babilonia! ¡Xsacheꞌ ru li tenamit Babilonia! Chixjunileb lix dioseb jucꞌbileb ut tꞌantꞌo̱queb saꞌ chꞌochꞌ, chan.

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.

Isaías 13:7

Ta̱chꞌina̱nk xchꞌo̱leb chixjunileb li cristian ut ma̱cꞌaꞌak chic xmetzꞌe̱uheb.

Salmos 104:34

Chicuulak ta chiru li Ka̱cuaꞌ li cꞌaꞌru nincꞌoxla chirix. Li Ka̱cuaꞌ aꞌan li naqꞌuehoc xsahil inchꞌo̱l.

Salmos 68:4

Chexbicha̱nk re xlokꞌoninquil li Dios. Chexbicha̱nk re xqꞌuebal xlokꞌal lix cꞌabaꞌ. Chenima ru li cuan saꞌ li chok li yo̱ chi cꞌamoc be. Nimajcual Dios lix cꞌabaꞌ. Chisahokꞌ taxak saꞌ le̱ chꞌo̱l riqꞌuin li Ka̱cuaꞌ.

Josué 2:24

Queꞌxye re: —Li Ka̱cuaꞌ xkꞌaxtesi saꞌ kukꞌ li naꞌajej aꞌan xban nak chixjunileb li cuanqueb saꞌ li naꞌajej aꞌan ca̱mqueb re xban xxiuheb kaban la̱o, chanqueb.

Josué 2:9

—La̱in ninnau nak li Ka̱cuaꞌ xqꞌue e̱re li naꞌajej aꞌin. Ut aꞌan ajcuiꞌ xqꞌuehoc kaxiu chikajunilo. Chixjunileb li cuanqueb arin ca̱mqueb re xban xxiuheb e̱ban la̱ex.

Salmos 18:9

Ut li Ka̱cuaꞌ quixte li choxa ut quicube chak. Ut rubel li rok cuan li kꞌeki chok retalil li raylal xchal saꞌ xbe̱neb.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Nahum 1:1

Aꞌan aꞌin li hu quixtzꞌi̱ba li profeta Nahum chirix li cꞌaꞌru teꞌxcꞌul saꞌ li tenamit Nínive, joꞌ quicꞌutbesi̱c chiru xban li Dios. Laj Nahum, aꞌan Elcos xtenamit.

Nahum 1:3

Li Ka̱cuaꞌ kꞌaxal nim xcuanquil ut kꞌaxal nim xcuyum. Ut naxqꞌue chixtojbal xma̱c li ani cuan xma̱c. Li Ka̱cuaꞌ kꞌaxal nim xcuanquil saꞌ xbe̱n li ca̱k-sut-ikꞌ ut li chok. Kꞌaxal nim xcuanquil chixba̱nunquil li cꞌaꞌru naraj aꞌan.

Números 33:4

Nak yo̱queb chixmukbaleb li xbe̱n ralaleb laj Egipto li quixcamsi li Ka̱cuaꞌ, eb laj Israel queꞌco̱eb. Li Ka̱cuaꞌ quixcamsiheb li ralaleb laj Egipto re xrakbal a̱tin saꞌ xbe̱n lix dioseb.