Isaías 18:3 - Li Santil hu

³ ¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Q'eqchi Bible

³ Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Isaías 18:3 ပူးပေါင်းရင်းမြစ်များ

Isaías 5:26

Li Ka̱cuaꞌ Dios chanchan nak tixtaksi lix bandera re xbokbaleb li jalan tenamit li cuanqueb chi najt. Chanchan nak xuxbanbil tixba̱nu reheb nak tixbokeb li tenamit li kꞌaxal najt cuanqueb chak. Ut eb li tenamit aꞌan saꞌ junpa̱t teꞌcha̱lk.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

San Mateo 13:16

Us xak e̱re la̱ex xban nak nequex-iloc ut nequeqꞌue retal li cꞌaꞌru nequeril. Nequex-abin ut nequetau ru lix ya̱lal.

San Mateo 13:9

Tojoꞌnak li Jesús quixye reheb: —Li ani na-abin, chixqꞌuehak retal li cꞌaꞌru ninye, chan.

Zacarías 9:14

Li Ka̱cuaꞌ ta̱cꞌamok be chiruheb lix tenamit nak teꞌxic chi pletic. Chanchanak rakꞌ ca̱k nak tixcut lix flecha. Li Ka̱cuaꞌ Dios tixya̱basi lix trompeta. Chanchanak li cacuil ikꞌ li nachal saꞌ li sur nak ta̱xic chi pletic.

Miqueas 6:9

Li Ka̱cuaꞌ yo̱ chi a̱tinac chi cau xya̱b xcux e̱riqꞌuin la̱ex li cuanquex saꞌ li tenamit Jerusalén. Ut cui cuan e̱naꞌleb, te̱xucua ru li Dios. Aꞌan yo̱ chixyebal e̱re chi joꞌcaꞌin: —Cheqꞌuehak retal li tojba ma̱c ut cheqꞌuehak ajcuiꞌ retal li ani quixakaban re.

Miqueas 6:2

Abihomak la̱ex aj Israel. Li Ka̱cuaꞌ oc re chi rakoc a̱tin saꞌ e̱be̱n. Ta̱abi̱k resil yalak bar saꞌ xya̱nkeb li tzu̱l li xakxo̱queb chi cau saꞌ xnaꞌajeb. Abihomak li yo̱ chixyebal li Ka̱cuaꞌ. Li Ka̱cuaꞌ yo̱ xjoskꞌil saꞌ xbe̱neb lix tenamit. Oc re chixyebal cꞌaꞌru lix ma̱queb laj Israel.

Jeremías 22:29

La̱ex aj Jerusalén, la̱ex aj Judá, la̱ex li cuanquex saꞌ li chꞌochꞌ aꞌin, abihomak li ra̱tin li Ka̱cuaꞌ.

Isaías 13:4

Abihomak li choki̱nc saꞌ xbe̱n li tzu̱l. Aꞌaneb li qꞌuila soldado. Aꞌaneb li qꞌuila tenamit li queꞌxjunaji ribeb. Li Ka̱cuaꞌ li nimajcual Dios yo̱ chixcauresinquileb lix soldado re teꞌpletik.

Isaías 13:2

Taksihomak le̱ bandera saꞌ xbe̱n junak li tzu̱l ma̱cꞌaꞌ cheꞌ chiru. Japomak e̱re chixyebal reheb li soldado nak teꞌoc saꞌ li oqueba̱l li cuanqueb cuiꞌ li nequeꞌtaklan saꞌ xbe̱neb li tenamit.

Isaías 7:18

Saꞌ eb li cutan aꞌan li Ka̱cuaꞌ tixbokeb laj Egipto ut eb laj Asiria. Eb laj Egipto chanchanakeb li raxya̱t xban xqꞌuialeb nak teꞌcha̱lk chi najt bar cuanqueb cuiꞌ li nimaꞌ. Ut eb laj Asiria chanchanakeb li sak cꞌau nak teꞌcha̱lk.

Isaías 1:2

Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.

Salmos 50:1

Li nimajcual Dios, li kꞌaxal nim xcuanquil chiru chixjunil, aꞌan li yo̱ chi a̱tinac riqꞌuineb chixjunileb li cuanqueb saꞌ ruchichꞌochꞌ. Naa̱tinac riqꞌuineb chixjunileb jun sut rubel choxa.

Isaías 31:9

Lix reyeb laj Asiria ta̱e̱lelik xban xxiu joꞌ eb ajcuiꞌ li nequeꞌtaklan saꞌ xbe̱neb li soldados, chan li nimajcual Dios, li cuan xxam ac cauresinbil Jerusalén re xqꞌuebal chixtojbaleb xma̱queb li xicꞌ nequeꞌiloc reheb laj Israel.

Isaías 49:22

Aꞌan aꞌin li naxye li nimajcual Dios: —La̱in tinye reheb li xni̱nkal ru tenamit nak teꞌxqꞌueheb chi sukꞌi̱c cuiꞌchic le̱ tenamit. Tinye reheb nak teꞌxtaklaheb le̱ ralal e̱cꞌajol. Chanchan pakonbil teꞌxba̱nu reheb nak teꞌxtakla cuiꞌchic saꞌ lix tenamiteb.

Jeremías 51:27

Taksihomak le̱ bandera ut ya̱basihomak le̱ trompeta re xyebal reheb lix ni̱nkal ru tenamit nak teꞌxcauresi ribeb chi xic chi pletic riqꞌuineb laj Babilonia. Yehomak resil nak teꞌxtiquib pletic eb li tenamit Ararat, Mini ut Askenaz. Xakabomak li ani ta̱takla̱nk saꞌ xbe̱neb li soldado. Ut cꞌamomakeb nabal li cacua̱y. Chanchanakeb li jun tu̱b laj sa̱cꞌ li yo̱queb xjoskꞌil.

Miqueas 1:2

Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.