Isaías 18:2 - Li Santil hu

² Eb li takl nequeꞌchal chak saꞌ li tenamit aꞌan. Nequeꞌchal saꞌ eb li jucub li yi̱banbileb riqꞌuin bayal. Ex takl, ayukex cuiꞌchic saꞌ le̱ tenamit riqꞌuineb li najt rokeb ut li chꞌinaꞌuseb. Sukꞌinkex cuiꞌchic saꞌ le̱ tenamit li cau rib li nequeꞌxucua̱c ruheb yalak bar, li tenamit li sutsu xbaneb li nimaꞌ.

Q'eqchi Bible

² a'an li tenamit li nataqlank reheb' li xtaql chiru ha' sa' kok' jukub' yiib'anb'ileb' rik'in b'ayl. Ex taql, ayuqex chi junpaat wankeb' wi' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil. Ayuqex rik'in li tenamit jwal kaweb' rib' chi yalok ut sutsuukeb' xb'aaneb' li nima'.

Isaías 18:2 ပူးပေါင်းရင်းမြစ်များ

Isaías 18:7

Ta̱cuulak xkꞌehil nak li nimajcual Dios ta̱qꞌuehekꞌ xma̱tan xbaneb li tenamit li ni̱nkeb rok ut chꞌinaꞌuseb li cuanqueb saꞌ li naꞌajej li sutsu xbaneb li nimaꞌ. Eb li tenamit li cauheb rib, li nequeꞌxucua̱c ruheb yalak bar teꞌxcꞌam xma̱tan saꞌ li tzu̱l Sión bar nalokꞌoni̱c cuiꞌ li Ka̱cuaꞌ li nimajcual Dios.

2 Crónicas 16:8

¿Ma incꞌaꞌ ta biꞌ kꞌaxal cuiꞌchic nabaleb li soldados aj Etiopía ut aj Libia? ¿Ma incꞌaꞌ ta biꞌ nabaleb lix cacua̱y ut lix carruaje re pletic? Abanan, xban nak xacꞌojob a̱chꞌo̱l riqꞌuin li Ka̱cuaꞌ, joꞌcan nak quixkꞌaxtesiheb saꞌ a̱cuukꞌ.

2 Crónicas 14:9

Laj Zera lix reyeb laj Etiopía queꞌco̱eb toj saꞌ li tenamit Maresa chi pletic riqꞌuin laj Asa. Cuanqueb jun millón lix soldado ut oxib ciento lix carruaje re pletic.

Ezequiel 30:9

Nak ta̱cuulak xkꞌehil nak tinsach ruheb laj Egipto, la̱in tintaklaheb lin takl saꞌ eb li jucub re xqꞌuebal xxiuheb laj Etiopía li cꞌojcꞌo̱queb xchꞌo̱l. Cha̱lc re li cutan nak xiu xiu cua̱nkeb.

Éxodo 2:3

Nak incꞌaꞌ chic quiru xmukbal li cꞌulaꞌal, li naꞌbej quixyi̱b jun li chacach riqꞌuin li bayal. Quixtzꞌap ru li chacach riqꞌuin jun li ban asfalto xcꞌabaꞌ joꞌ ajcuiꞌ lix kꞌol li cheꞌ brea re nak incꞌaꞌ ta̱oc li haꞌ chi saꞌ. Quixqꞌue li cꞌulaꞌal saꞌ li chacach. Tojoꞌnak coxcanab chak saꞌ nimaꞌ bar cuiꞌ cuan li caxlan aj.

San Lucas 10:19

La̱in xinqꞌue e̱cuanquil. Usta te̱yekꞌ li cꞌantiꞌ ut laj xo̱cꞌ, ma̱cꞌaꞌ te̱cꞌul. Xinqꞌue e̱cuanquil saꞌ xbe̱n laj tza ut ma̱cꞌaꞌ ta̱ru̱k tixba̱nu e̱re.

Li xHu LAJ JOB 9:26

Yo̱ chi xic lin yuꞌam joꞌ nak nequeꞌxic li jucub saꞌ junpa̱t, malaj ut joꞌ nak naxcut rib li cꞌuch saꞌ xbe̱n lix tib.

Jeremías 49:14

Laj Jeremías quixye: —Li Ka̱cuaꞌ quia̱tinac cuiqꞌuin. Quixtaklaheb lix takl chixyebal reheb li xni̱nkal ru tenamit nak teꞌxchꞌutubeb lix soldado ut teꞌxcauresi ribeb chi pletic riqꞌuineb laj Edom.

Abdías 1:1

Aꞌan aꞌin li quicꞌutbesi̱c chiru laj Abdías saꞌ li visión xban li Dios chirixeb laj Edom: Xkabi resil li quixye li Ka̱cuaꞌ. Jun li takl co̱ saꞌ eb li jalan tenamit chixyebal reheb: —Cauresihomak e̱rib ut yo̱keb chi pletic riqꞌuineb laj Edom.

Habacuc 1:7

Cauheb rib ut xucuajel rilbaleb li tenamit aꞌan. Eb aꞌan incꞌaꞌ nequeꞌxqꞌue xcuanquil li chakꞌrab. Caꞌaj cuiꞌ li nequeꞌraj xba̱nunquil eb aꞌan nequeꞌxqꞌue xcuanquil.